2 Mbaije 8:9 - Maktub gə́ To gə Kəmee

⁹ Ajael aw gə jambalje rɔ-sɔ gə́ d’odo némajije gə́ Damas gə mba kar njetegginta lé. Loo gə́ yeḛ ree iŋgá mba̰ ndá yeḛ ulá pana: Ŋgoni Ben-Adad, mbai gə́ Siri ɓa ulam rɔi’g pana: Rɔko̰ neelé see a kya̰ neḛ ya wa.

2 Mbaije 8:9 ပူးပေါင်းရင်းမြစ်များ

1 Mbaije 14:3

Odo pil muru dɔg ləm, gə mbəje ləma, gə ubu tə̰ji ku kára ləm tɔ aw ne kəi ləa ndá, a kulai né gə́ a gə teḛ dɔ ŋgon’g lé ɓəi.

1 Mbaije 15:18

Asa odo larnda gə larlɔr lai gə́ nai mee kəi-nébao’g lə Njesigənea̰ ləm, gə nébaoje gə́ to mee kəi’g lə mbai ləm tɔ ndá yeḛ ɔm ji kuraje’g ləa ɓa yeḛ ula dee ne rɔ Ben-Adad, ŋgolə Tabrimon, gə́ to ŋgolə Hesjo̰, mbai gə́ Siri gə́ si Damas lé. Mbai Asa ar dee d’ulá pana:

1 Mbaije 19:15

Njesigənea̰ ulá pana: Tel aw un rəw gə́ dɔdilaloo’g gogo saar teḛ Damas nɛ loo gə́ i teḛ keneŋ ndá i a kwa dɔ Ajael gə ubu mba kundá gə́ mbai gə́ Siri.

2 Mbaije 1:2

Ndɔ kára bèe Ahajia teḛ kəmbolè kəi-mbai’g ləa gə́ Samari gə́ to dɔ maree’g oso ar rəa tée yaa̰, yen ŋga yeḛ ula njékulaje ləa pana: Awje aw dəjije Baal-Jebub, magə gə́ Ekro̰ ooje, see doo gə́ m’iŋga neelé m’a kaji ne ya wa.

2 Mbaije 13:14

Elije oso gə rɔko̰ gə́ as yoo, tɔɓəi Joas mbai gə́ Israɛl aw rəa’g aar dəa’g no̰ pana: Bɔm! bɔm! i lé ur dɔ pusu-rɔje’g lə Israɛlje ləm, gə dɔ njérɔ’g gə kundaje lə dee ləm tɔ.

2 Mbaije 16:7

Akas ula njékaḭkulaje rɔ Tiglat-Pileser, mbai gə́ Asiri’g mba kar dee d’ulá pana: Ma m’to kura ləi ləm, gə ŋgoni ləm tɔ, gə́ ree ɔrm ji mbai gə́ Siri’g gə ji mbai gə́ Israɛl’d gə́ d’ḭ rɔ səm lé.

2 Mbaije 5:13

Nɛ kuraje ləa d’aw pər gə́ rəa’g d’ulá pana: Bɔm, ɓó lé njetegginta ulai gə mba kari ra né gə́ kədərə ya kara see i a ra el wa. Ŋga ɓəd ɓəi ɓa see loo gə́ yeḛ ulai pana: Aw ula rɔi mán ar rɔi àr ŋgad-ŋgad lé ɓəi wa.

2 Mbaije 5:5

Yen ŋga mbai gə́ Siri lé pana: Maji. Aw gə rɔi ya Samari ndá ma nja m’a kula gə maktub kar mbai gə́ Israɛl lé. Yeḛ ɔd aw gə larnda as nékwɔji kwɔi-lə-né tɔl-munda (300) ləm, gə larlɔr as nékwɔji kwɔi-lə-né rɔ-misa̰ ləma, gə kubu ra naḭ as gel dɔg ləm tɔ jia’g.

2 Mbaije 6:21

Loo gə́ mbai gə́ Israɛl oo dee ndá yeḛ dəji Elije pana: See m’tɔl dee wa, bɔm. See m’tɔl dee wa.

Njekillamber 3:6

Ndɔ saŋg né to keneŋ ləm, ndɔ kar né igi to keneŋ ləm tɔ, ndɔ ŋgəm né to keneŋ ləm, ndɔ kila né kɔrɔ to keneŋ ləm tɔ,

Piləmɔ̰ 1:14

Nɛ ma m’ndigi koo gə́ ndui’g ɓa ɓó m’a ra né gə dɔrɔm el ɓəi, mba kar maji gə́ i a gə ra lé i a ra gə məəi ɓó dəw a jaŋgi dɔ’g el.

1 Samel 25:8

Dəji kuraje ləi ndá d’a kulai ya. Maji kar basaje neelé taa kəmi rəgm ya, mbata jeḛ n’reeje mee ndɔ rɔlel’g ya. M’ra ndòo rɔi’g gə mba kar lé né gə́ ban-ban ya gə́ to meḛ jii’g ndá kara ar kuraje ləi gə ŋgoni Dabid ya.

1 Samel 9:7

Sawul ula kura ləa lé pana: Ɓó lé j’a kaw keneŋ ndá see ɗi ɓa j’a kaw kar dəw lé wa. Mbata nésɔ godo mee ɓɔlje’g lə sí ləm, né gə́ kəm kun kar dəw lə Ala kara godo ləm tɔ. Ŋga see ɗi ɓa to ji sí’g wa.