2 Mbaije 8:6 - Maktub gə́ To gə Kəmee

⁶ Mbai dəji dené lé ta ndá yeḛ ndaji ta lé aree ya tɔ. Yen ŋga mbai lé ula njekaa dɔ néje ləa aree aw səa pana: Ar dee tel gə néje lai gə́ wɔji dɔ dené lé d’aree ləm, kandə néje lai gə́ ḭ mee ndɔ’g ləa un kudee mee ndəa gə́ yeḛ ya̰ ne ɓeeko̰ nee saar teḛ ɓasinè lé kara ar dee tel ne d’aree ləm tɔ.

2 Mbaije 8:6 ပူးပေါင်းရင်းမြစ်များ

Gḭ-Néje 37:36

Madianje lé ndogee ɓee gə́ Ejiptə gə Potipar, ɓé-njérɔje lə Parao̰, yeḛ gə́ to dəw dɔ njékaa dəaje lé.

2 Samel 9:7

Dabid ulá pana: Maji kari ɓəl el mbata ma m’ndigi ra səi meemaji mbata Jonatan gə́ bɔbije lé ya. M’a kari dɔ naŋgje lai gə́ to ka̰ kaije Sawul ləm, tɔɓəi i a sɔ né səm na̰’d ta-ta ləm tɔ.

2 Mbaije 8:5

Nɛ loo gə́ yeḛ si ula mbai né gə́ Elije ra ar ŋgon gə́ wəi tel si ne kəmba lé ndá dené gə́ Elije ar ŋgonee tel si kəmba lé ree ra ndòo rɔ mbai’g lé mbata lə kəi ləa gə ndɔ ləa lé. Ndá Gehaji pana: Ǝi mbai ləm, aa oo dené lé ləm, gə ŋgonee gə́ Elije aree tel si kəmba ləm tɔ lé ɓa nee.

2 Mbaije 8:7

Elije ɔd aw Damas. Loo gə́ Ben-Adad, mbai gə́ Siri oso gə rɔko̰ ndá d’ulá taree pana: Dəw lə Ala ree loo gə́ nee’g.

2 Mbaije 9:32

Jehu un kəmee gə́ tar aa loo gə́ kəmbolè’g ndá dəjee pana: See na̰ ɓa a kɔm səm na̰’d wa. See to nawa. Njékaa dɔ kəije joo əsé munda jén bèe ree d’aa loo kəmbolè’g d’ée.

1 Sôrta Gḭka-Israɛlje 28:1

Dabid ɓar mbai dɔ Israɛlje lai ləm, gə mbai dɔ ginkojije ləm, gə ɓée kudu-njérɔje gə́ ra kula lə mbai ləm, gə ɓé-njérɔje gə́ tɔl-dɔg-dɔg (1.000) ləm, gə deḛ gə́ tɔl-tɔl (100) ləm, gə deḛ gə́ to njékaa dɔ némajije gə nékulje lai gə́ to ka̰ mbai ləm, gə njéndoo né ŋgan méeje ləm, gə njékaa dɔ néje ləm, gə bao-rɔje ləma, gə njésiŋgamoŋje lai ləm tɔ ar dee ree Jerusalem.

Gosota-Kəmkàrje 16:7

Loo gə́ rəw-kaw dəw taa kəm Njesigənea̰ rəgm ndá Njesigənea̰ ar njéba̰je ləa kara d’ɔm səa na̰’d tɔ.

Gosota-Kəmkàrje 21:1

Mee mbai lé to gə́ kəm-rəw-mán gə́ to meḛ ji Njesigənea̰’g, Yeḛ telee loo gə́ rara kara to gə́ mée ndigi.

Tel tura Godndu 22:2

Ɓó lé ŋgoko̰ sí lé si mbɔr sí’g dəb el ar sí gərje da-kul lé el ndá seḭ a kwaje da-kul neelé kawje ne kəi lə sí mba kar loo gə́ ŋgoko̰ sí lé ila mberee ndá yee ɓa seḭ a telje ne kaareeje ya.

Njéga̰g-Rəwtaje 11:13

Mbai lə Amo̰je lé ila njékaḭkulaje lə Jepte keneŋ pana: To mbata mee ndəa gə́ Israɛlje d’ḭ ne Ejiptə lé deḛ taa ɓee ləm, un kudee Arno̰ saar teḛ Jabok ləm, saar teḛ Jurdɛ̰ ləm tɔ. Ɓasinè lé ya̰ ɓee ləm ɗégégé ya am.