2 Mbaije 7:9 - Maktub gə́ To gə Kəmee

⁹ Nɛ deḛ d’ula na̰ ta yo gə́ nee pana: Néra sí to lée’g el! Ɓogənè to ndɔ koo sorta né gə́ maji, ɓó lé jeḛ m’paje taree el, ŋginaje saar j’arje loo àr dɔ sí’g ndá bo̰ néra sí a kɔs ta sí’g. Bèe ndá maji kar sí gə́ reeje ar sí j’awje j’aw m’paje taree j’ar njémeekəije lə mbai ɓa.

2 Mbaije 7:9 ပူးပေါင်းရင်းမြစ်များ

2 Mbaije 5:4

Naaman aw ɔr goo taree ar mbai ləa pana: Ŋgon gə́ dené gə́ ḭ ɓee gə́ Israɛl lé pa bèe-bèe.

2 Mbaije 7:10

Deḛ d’ɔd daw ndá ɓar njéŋgəm tarəwkɔgje lə ɓee-boo neelé tɔɓəi d’ula dee sorta neelé pana: Jeḛ j’a̰dje mee loo-si njérɔje gə́ Siri nɛ aa ooje, dəw kára kara godo keneŋ ləm, kaa né ɓar keneŋ el ləm tɔ, kundaje gə mulayḛ̀je-je ɓa tɔ dee naŋg ləm, kəi-kubuje ɓa to keneŋ to gə́ kédé ya ləm tɔ.

2 Mbaije 7:3

Tarəwkɔg lə ɓee-boo lé njéba̰jije sɔ d’isi keneŋ, d’ula na̰ ta yo gə́ nee pana: Kwii! See gelee ban ɓa j’a si loo gə́ nee’g ya saar kwəi wa.

2 Mbaije 7:6

Mbaidɔmbaije ar kaa pusu-rɔje gə kaa kundaje, gə ndu boo-njérɔje ɓar mee loo-si njérɔje gə́ Siri’g ndá deḛ d’ula na̰ ta yo gə́ nee pana: Aa ooje, mbai gə́ Israɛl uga mbaije gə́ Het, gə mbaije gə́ Ejiptə gə mba kar dee ree rɔ sə sí.

2 Mbaije 7:8

Loo gə́ njéba̰jije lé teḛ mee loo-si dee’g ndá deḛ d’andə mee kəi-kubu’g kára bèe d’o̰ gə d’ai keneŋ, tɔɓəi deḛ d’odo larnda, gə larlɔr, gə kubuje d’aw ne d’aw d’iya ndá, deḛ tel ree d’andə mee kəi-kubu gə́ raŋg d’odo néje gə́ keneŋ d’aw ne d’aw d’iya ya ɓəi tɔ.

Gosota-Kəmkàrje 24:16

Mbata njemeekarabasur lé a koso gɔl siri nɛ yeḛ ḭta ta-ta, Nɛ njémeeyèrje lé némeeko̰ ar dee d’oso kalaŋ.

Esai 41:27

Ma nja ɓa m’to njekula njé gə́ Sio̰ ta doŋgɔr M’pana: Aa oo deeje, yḛ̀ d’aar’n! Ma nja m’ula njé gə́ Jerusalem m’pana: M’ula njekaḭkula kára gə taje gə́ maji.

Esai 52:7

Dəw gə́ ḭ dɔ sém mbal’g ree ula sí tagə́maji ləm, Gə́ ila mber ta gə́ wɔji dɔ meekulɔm ləm, Yeḛ gə́ ula sí tagə́maji ləm, Gə́ ila mber ta gə́ wɔji dɔ kaji ləma, Yeḛ gə́ ula njé gə́ Sio̰ pana: Ala lə sí lé o̰ ɓee ləm tɔ lé Gɔlee to njam-njam.

Bula lə Israɛlje 32:23

Nɛ ɓó lé seḭ raje togə́bè el ndá seḭ raje kaiya ɔsje ne Njesigənea̰ rəw, tɔɓəi maji kar sí gərje gao, bo̰ kaiya ra sí a gə kɔs ta sí’g ya.

Lugu 2:10

Nɛ kura gə́ dara lé ula dee pana: Ɓəlje el ɓòo! Mbata ta gə́ maji ɓa ma m’ula sí ya, taree lé a to gin kalrɔ gə́ boo mbata lə dəwje mbad-mbad ya.

Njé gə́ Pilibə 2:4

Maji kar nana kara mbuna sí’g ə̰ji dɔ néje’g ləa goo kára ba el nɛ maji karee ə̰ji dɔ ka̰ mareeje’g tɔ.