2 Mbaije 7:8 - Maktub gə́ To gə Kəmee

⁸ Loo gə́ njéba̰jije lé teḛ mee loo-si dee’g ndá deḛ d’andə mee kəi-kubu’g kára bèe d’o̰ gə d’ai keneŋ, tɔɓəi deḛ d’odo larnda, gə larlɔr, gə kubuje d’aw ne d’aw d’iya ndá, deḛ tel ree d’andə mee kəi-kubu gə́ raŋg d’odo néje gə́ keneŋ d’aw ne d’aw d’iya ya ɓəi tɔ.

2 Mbaije 7:8 ပူးပေါင်းရင်းမြစ်များ

2 Mbaije 5:24

Loo gə́ deḛ teḛ dɔdərloo’g ndá Gehaji taa néje neelé ji dee’g iya kəi ləa ndá yeḛ ya̰ basaje neelé ar dee tel d’aw tɔ.

2 Mbaije 7:9

Nɛ deḛ d’ula na̰ ta yo gə́ nee pana: Néra sí to lée’g el! Ɓogənè to ndɔ koo sorta né gə́ maji, ɓó lé jeḛ m’paje taree el, ŋginaje saar j’arje loo àr dɔ sí’g ndá bo̰ néra sí a kɔs ta sí’g. Bèe ndá maji kar sí gə́ reeje ar sí j’awje j’aw m’paje taree j’ar njémeekəije lə mbai ɓa.

Esai 33:23

D’ya̰ goo kúla tɔ kag-batoje lə sí lé yɔgɔ, Deḛ tɔ gel kag-bato lé el ləm, D’ar kubu lelee kara tudu rəa el ləm tɔ. Yen ŋga deḛ kai na̰ nébanrɔje lé, Njémədje ya kara d’aw d’odo né ka̰ dee-deḛ ya tɔ.

Jeremi 41:8

Nɛ dəwje dɔg mbuna dee’g lé d’ula Ismael pana: Maji kari tɔl sí el mbata nḛ́gəmrɔje gə́ to kó-wa, gə kó-ɔrj, gə ubu, gə ubu-tḛji lé jeḛ j’iya mee wala’g. Yen ŋga yeḛ ya̰ dee ɓó tɔl dee gə ŋgako̰ deeje lé na̰’d el.

Matiyo 13:44

Ɓeeko̰ gə́ dara lé to asəna gə nébao gə́ to loo-kiya’g mee ndɔ’g. Dəw teḛ keneŋ un iya kág gə́ lée’g ya. Rea lelee yaa̰ aree aw ndogo néje ləa mba kya̰ laree ndogo ne ndɔ neelé.

Matiyo 25:18

Yeḛ gə́ njetaa ŋgon larlɔr gə́ kára lé ɔd aw uru bwa dubu ne lar lə ɓéeje keneŋ jigi.

Jujé 7:21

Mee nébanrɔje’g lé ma m’oo kubu gə́ boi yul gə́ bḭ maji gə́ d’ḭ ne ɓee gə́ Sineyar ləm, gə larnda tɔl-joo (200) ləma, gə rɔm-larlɔr gə́ kwɔi ləa as ges nékwɔji kwɔi-lə-né ləm tɔ, m’ar kəm əḭ dɔ dee’g ndá m’odo dee, ma m’dubu dee naŋg dan mee kəi-kubu’g ləm tɔɓəi m’ar larnda to gel dee’g bər tɔ.