2 Mbaije 7:5 - Maktub gə́ To gə Kəmee

⁵ Deḛ d’ḭ gə loo gə́ to piro-piro d’aw loo-si njérɔje gə́ Siri, nɛ loo gə́ deḛ teḛ loo-si njérɔje gə́ Siri mba̰ ndá aa oo, dəw kára kara godo keneŋ.

2 Mbaije 7:5 ပူးပေါင်းရင်းမြစ်များ

2 Mbaije 7:4

Ɓó lé j’a̰dje mee ɓee-boo’g lé ndá ɓoo-boo gə́ oso mee ɓee-boo’g neelé j’a kwəije yée ya ləm, ɓó lé j’isije loo gə́ nee’g kara j’a kwəije ya ləm tɔ. Ar sí j’aw j’ilaje rɔ sí ji njérɔje’d gə́ Siri, ɓó lé d’ya̰ sí kəmba ndá j’a síje kəmba ya, nɛ ɓó lé deḛ tɔl sí tɔ ndá maji ya tɔ.

2 Mbaije 7:6

Mbaidɔmbaije ar kaa pusu-rɔje gə kaa kundaje, gə ndu boo-njérɔje ɓar mee loo-si njérɔje gə́ Siri’g ndá deḛ d’ula na̰ ta yo gə́ nee pana: Aa ooje, mbai gə́ Israɛl uga mbaije gə́ Het, gə mbaije gə́ Ejiptə gə mba kar dee ree rɔ sə sí.

Ejekel 12:12

Mbai gə́ njekaa dɔ dəb ɓeeko̰ gə́ si dan dee’g lé a kila nékodo ləa dɔ bagee’g gə loo gə́ to piro-piro ndá a kaw, d’a kɔs kəm ndògo-bɔrɔ mbudu mba karee teḛ raga aw, yeḛ a ko̰ kəmee gə né mba kar kəmee oo naŋg el.

Ləbije 27:26

Ŋgondər nékul lé dəw kára kara a kaskəm kwá kundá gə kəmee el ŋga mbata to ka̰ Njesigənea̰ gə goo to gə́ yee to gə́ ŋgondər lé ya, lé to gə́ maŋg əsé badə kara to ka̰ Njesigənea̰ ya mba̰.

Ləbije 27:8

Ɓó lé dəw to gə́ njendoo ɓa askəm kuga laree lé el ndá d’a kaw səa rɔ njekinjanéməs’g mba karee wɔji gadee, tɔɓəi njekinjanéməs a kwɔji gadee gə goo nékiŋgaje lə dəw gə́ njekun ndia lé ya.

Tel tura Godndu 28:7

Njesigənea̰ a kar sí unje baŋga dɔ njéba̰je’g lə sí gə́ d’a kḭ gə mba rɔ sə sí, d’a kunda loo teḛ gə rəw gə́ kára ba mba rɔ sə sí nɛ d’a kaḭ no̰ sí’g gə rəwje siri.

Tel tura Godndu 32:25

Loo gə́ raga lé d’a kwəi Yoo-kiambas ləm, Loo gə́ kəi kara d’a kwəi Yoo-ɓəl ləm tɔ: A to togə́bè mbata lə basaje Gə ŋgama̰dje ləm, Mbata ŋganje gə́ ta mbà’g Gə ɓugaje ləm tɔ.

Tel tura Godndu 32:30

Ɓó lé yeḛ gə́ to mbal lə dee Uba dee ya̰ dee el ləm, Ɓó lé Njesigənea̰ ya̰ dee ji dee’g el ləm tɔ ndá, See dəw kára ba a tuba goo dəwje gə́ tɔl-dɔg (1.000) to gə́ ban wa, Esé see dəwje joo ba d’a kar dəwje gə́ tɔl-dɔg-loo-dɔg (10.000) d’aḭ to gə́ ban wa.

1 Samel 30:17

Dabid rɔ sə dee, un kudee gə ndɔ rad ya tɔl dee saar bèlè kàrkemetag ar dəw kára kara mbuna dee’g nai el, nɛ basaje tɔl-sɔ (400) ɓa d’uba jambalje d’aḭ d’aw.