2 Mbaije 7:4 - Maktub gə́ To gə Kəmee

⁴ Ɓó lé j’a̰dje mee ɓee-boo’g lé ndá ɓoo-boo gə́ oso mee ɓee-boo’g neelé j’a kwəije yée ya ləm, ɓó lé j’isije loo gə́ nee’g kara j’a kwəije ya ləm tɔ. Ar sí j’aw j’ilaje rɔ sí ji njérɔje’d gə́ Siri, ɓó lé d’ya̰ sí kəmba ndá j’a síje kəmba ya, nɛ ɓó lé deḛ tɔl sí tɔ ndá maji ya tɔ.

2 Mbaije 7:4 ပူးပေါင်းရင်းမြစ်များ

2 Samel 14:14

Lé riri kara j’a kwəi gə́ kwəi ya ndá j’a to kasəna gə mán gə́ ula naŋg gə́ askəm tel mbo̰ na̰ gogo el. Ala ɔr kəmə lə dəw el nɛ yeḛ ndigi mba kar njekaḭ lé si əw kəmee’g loo-kaḭ’g ləa el.

2 Mbaije 6:24

Gée gə́ gogo, Ben-Adad, mbai gə́ Siri mbo̰ njérɔje ləa lai ndá aw aḭ ne dɔ Samari sub.

2 Mbaije 7:5

Deḛ d’ḭ gə loo gə́ to piro-piro d’aw loo-si njérɔje gə́ Siri, nɛ loo gə́ deḛ teḛ loo-si njérɔje gə́ Siri mba̰ ndá aa oo, dəw kára kara godo keneŋ.

1 Sôrta Gḭka-Israɛlje 12:19

Amasai yeḛ gə́ kára mbuna ɓé-njérɔje gə́ ur dɔ mareeje’g lé ndil Ala dəb dəa’g aree pana: Dabid, jeḛ n’to kaḭ, Jeḛ n’to kaḭ, I gə́ to ŋgolə Isai! Meelɔm, meelɔm nai səi ləm, Meelɔm nai gə deḛ gə́ to njéla seḭje ləm tɔ Mbata Ala ləi la səi ya! Bèe ɓa Dabid wa dee ne gə́ rəa’g ɔm dee mbuna ɓé-njérɔje’g ləa tɔ.

Este 4:16

Maji kari mbo̰ Jibje lai gə́ d’isi Susə dɔ na̰’d gə mba kar dee d’ɔg meḛ dee ɓoo mbata ləm, lal ko̰ muru ləm, gə lal kai mán ləm tɔ as ndɔ munda dan kàrá gə loondul’g. Ma kara m’a kɔg məəm ɓó gə ŋganjélookisije ləm gə́ dené to ɓa m’a kḭ kaw rɔ mbai’g lé gə goo godndu el ŋga. Ɓó lé to kəm karm m’wəi ne kara m’a kwəi ne ya.

Jeremi 14:18

Ɓó lé neḛ n’teḛ n’aw mee wala’g ndá Aa oo, n’oo dəwje gə́ d’wəi yoo-kiambas. Ɓó lé n’andə mee ɓee-boo’g ndá Aa oo, n’oo dəwje gə́ ɓoo-boo Ula kəm dee ndòo. Njéteggintaje gə njékinjanéməsje D’ila mbir-mbir mee ɓee’g Lal gər loo gə́ d’a kaw gə́ keneŋ.

Jeremi 8:14

See gelee ban ɓa j’isi naŋg wa. Maji kar sí mbo̰je dɔ na̰, J’awje mee ɓee-booje gə́ siŋga dee to Mba kar sí j’wəije keneŋ! Mbata Njesigənea̰ Ala wɔji kar sí j’wəije, Yeḛ ar sí j’aije mán Gə́ kuma̰ tɔl dəw to keneŋ, Mbata jeḛ n’raje kaiya J’ɔsje ne ta lə Njesigənea̰ rəw.

Junas 3:9

See na̰ ɓa gər wa. Banelə Ala a tel gə ndia kar goo takə̰ji ləa yɔr ləm, a kuba oŋg ləa kya̰ lal kar sí n’tujije ne ləm tɔ.

Ǝbrəje 9:27

Tɔɓəi to gə́ dəwje d’wəi gɔl kára ba ɓa ndɔ gaŋg-rəwta teḛ dɔ dee’g ɓəi gə goo rəw gə́ Ala ɓa wɔji,