2 Mbaije 7:2 - Maktub gə́ To gə Kəmee

² Ɓé-njérɔje gə́ mbai gəd rəa dɔ jia’g lé ila dəw lə Ala keneŋ pana: Lée Njesigənea̰ ra kəmbolèje dan dara’g ya kara see né gə́ bèe lé a teḛ ya wa. Ndá Elije pana: I a koo né neelé gə kəmi ya nɛ sɔ ɓa i a sɔ el tɔ.

2 Mbaije 7:2 ပူးပေါင်းရင်းမြစ်များ

Gḭ-Néje 7:11

Mee ndəa gə́ ləb Noe aḭ tɔl misa̰ (600) mee naḭ gə́ njekɔm’g joo, gə ndɔ dɔg-giree-siri lé mán bélm ḭ bwa gə́ naŋg teḛ budu-budu ləm, kəm dara ɔr wuyum gə mán ləm tɔ.

2 Mbaije 5:18

Nɛ maji kar Njesigənea̰ ar mée ti mbidi dɔ kura’g ləa mbata né gə́ kára ba nee: Loo gə́ mbai ləm a kaw kəi lə magə gə́ ria lə Rimo̰ gə mba kunda barmba keneŋ ɓa yeḛ nduna rəa jim’g am m’unda barmba səa na̰’d mee kəi magə-Rimo̰’g lé maji kar Njesigənea̰ ar mée ti mbidi dɔ kura’g ləa loo gə́ yeḛ a kunda barmba mee kəi magə-Rimo̰’g lé tɔ.

2 Sôrta Gḭka Israɛlje 20:20

Bèlè lookàree deḛ d’ḭ gə ndɔ rad njaa d’aw dɔdilaloo gə́ Tekoa. Loo gə́ d’a gə kḭ mba kaw ndá Josapat aar no̰ dee’g ula dee pana: Ooje ta ləm, seḭje gə́ Juda gə Jerusalem! Maji kar sí ɔmje meḛ sí dɔ Njesigənea̰, Ala’g lə sí ndá seḭ a ŋgəŋje ne ŋgəŋ-ŋgəŋ. Maji kar sí ɔmje meḛ sí dɔ njéteggintaje’g ləa ndá seḭ a teḛje ne kɔr tɔ.

Pakɔsje 78:41

D’əw rɔ dee kaḭ mee Ala el ləm, D’əw rɔ dee kar mee Njerɔkunda lə Israɛlje ea̰ lé el ləm tɔ.

Esai 7:9

Samari ɓa to gə́ ko̰ɓee gə́ Eprayim Ar ŋgolə Remalia ɓa to mbai dɔ Samari tɔ. Ɓó lé aarje njaŋg dɔ ta’g neelé el ndá Seḭ a síje kəmba el.

Jeremi 29:32

aa ooje, ta gə́ Njesigənea̰ pa ɓa nee: M’a kar bo̰ néra Semaeja, dəw gə́ Nehélam, deḛ gə ŋgakeaje ɔs ta dee’g. Dəw ləa kára kara a si dan koso-dəwje’g neelé el ləm, a koo némaji gə́ m’a gə ra gə koso-dəwje ləm el ləm tɔ. Njesigənea̰ ɓa pa bèe. Mbata tapeaje ɔs ta lə Njesigənea̰ rəw.

Malasi 3:10

Njesigənea̰ gə́ njeboo-néje lé pana: Reeje gə néje lə sí dɔg kun təa kára-kára lai kəi-ŋgəm’g mba kar nésɔ to mee kəi’g ləm. See m’a kar kəm dara ɔr wuyum dɔ sí’g el wa. See m’a kar nétɔrndu taa rɔ sí pəl-pəl el wa.

Bula lə Israɛlje 11:13

See loo gə́ ra ɓa m’a kiŋga da keneŋ mba kar koso-dəwje neelé lai wa. Mbata deḛ no̰ dɔm’g pana: M’ar neḛje da n’usɔje!

Bula lə Israɛlje 23:19

Ala to dəw ɓa a pa taŋgɔm el ləm, Yeḛ to ŋgolə dəw ɓa a pata tel ne ndia el ləm tɔ. Ta gə́ yeḛ pa lé see yeḛ a ra née el wa. Né gə́ yeḛ wɔji njaŋg lé see yeḛ a ra karee ɔr njal el wa.

Njé gə́ Rɔmə 3:3

Ɓó lé njé gə́ na̰je mbuna dee’g d’ɔm meḛ dee dɔ’g el ndá see meembɔrè lə dee a tuji meenda londoŋ lə Ala wa.

Tel tura Godndu 3:27

Uba dɔ sém mbal gə́ Pisga, un kəmi par gə́ dɔ-gó ləm, gə dɔgel ləm, gə dɔkɔl ləma, gə bər ləm tɔ ndá aa loo oo gə kəmi, mbata a dəs mán baa gə́ Jurdɛ̰ lé el.

2 Timote 2:13

Ɓó lé jeḛ n’tel n’to gə́ majikojije el Ndá yeḛ lé to njemeenda londoŋ njaŋg gə no̰ Ɓó yeḛ askəm tel rəa raŋg el.