2 Mbaije 7:16 - Maktub gə́ To gə Kəmee

¹⁶ Koso-dəwje d’unda loo teḛ d’aw d’odo nébanrɔ loo-si njérɔje gə́ Siri. Bèe ɓa deḛ ndogo ne nduji gə́ ndá léréré nékwɔji kwɔi-lə-né dɔg-giree-joo kəm larnda kára ləm, gə kó-ɔrj nékwɔji kwɔi-lə-né rɔ-jinaijoo kəm larnda kára ləm tɔ, gə goo ta gə́ Mbaidɔmbaije pa lé ya.

2 Mbaije 7:16 ပူးပေါင်းရင်းမြစ်များ

2 Mbaije 7:1

Elije pana: Maji kar sí ooje ta lə Njesigənea̰! Njesigənea̰ pa togə́bè pana: Bèlè kàr bèe ndá d’a ndogo nduji gə́ ndá léréré nékwɔji kwɔi-lə-né dɔg-giree-joo kəm larnda kára ləm, d’a ndogo kó-ɔrj nékwɔji kwɔi-lə-né rɔ-joo-giree-sɔ kəm larnda kára ləm tɔ, loo-ndogo-né gə́ to tarəwkɔg’d gə́ Samari.

2 Mbaije 7:15

Deḛ d’un dɔ gɔl dee saar teḛ baa gə́ Jurdɛ̰ ndá aa ooje, dan rəwje lai neelé kubuje gə́ njé gə́ Siri d’ula d’ɔm naŋg loo gə́ deḛ buŋga na̰ d’aḭ lé taa loo keneŋ pəl-pəl. Njékulaje lé tel ree d’ula mbai sorta néje neelé tɔ.

2 Sôrta Gḭka Israɛlje 20:25

Josapat gə njé’g ləa ree jagla rɔ nin dəwje neelé ndá deḛ d’iŋga nébaoje gə́ ur kugu ləm, gə néje gə́ gad dee to yaa̰ ləm tɔ ndá deḛ tɔr saar d’aree al dɔ dee ɓó d’askəm kodo lai kaw ne el. Deḛ ra ndɔ dee munda loo kodo nébanrɔje’g neelé mbata to yaa̰ ya.

Pakɔsje 68:12

Mbaidɔmbaije un ta kára pa Ar njékaḭkula tagə́majije gə́ dené Gə́ bula digi-digi d’ila mberee.

Pakɔsje 68:13

Mbaije gə́ njeboo-néje lé d’aḭ, d’aḭ lai ya, Nɛ denéje gə́ nai mee kəi’g lé Ɓa kai na̰ nébanrɔ lé ya tɔ.

Esai 33:1

Meeko̰ a koso dɔi-i gə́ njetujilooje lai’g Nɛ deḛ tujii el ɓəi ləm, I gə́ njekun dɔ loo Nɛ deḛ d’un dɔi el ɓəi ləm tɔ! Loo gə́ i a kunda ŋgaŋ tuji looje lai ndá D’a tujii ləm, Loo gə́ i a kunda ŋgaŋ kun dɔ loo lé ndá D’a kun dɔi ləm tɔ!

Esai 33:23

D’ya̰ goo kúla tɔ kag-batoje lə sí lé yɔgɔ, Deḛ tɔ gel kag-bato lé el ləm, D’ar kubu lelee kara tudu rəa el ləm tɔ. Yen ŋga deḛ kai na̰ nébanrɔje lé, Njémədje ya kara d’aw d’odo né ka̰ dee-deḛ ya tɔ.

Esai 33:4

Deḛ mbo̰ nébanrɔje lə sí To gə́ beedéje tuji ne né bèe ləm, Deḛ d’al d’ur dɔ’g To gə́ beedéje d’ḭ d’ɔm ne dɔ né’g bèe ləm tɔ.

Esai 44:26

Ta gə́ kura ləm pa lé m’aree to njaŋg, Deḛ gə́ m’ula dee lé M’ar ta gə́ deḛ pa lé aw lée’g béréré, Ma m’pata m’wɔji dɔ Jerusalem m’pana: Dəwje d’a tel si keneŋ ɓəi ləm, M’pata wɔji dɔ ɓee-booje gə́ Juda m’pana: D’a tel gɔl dee gogo ləma, Dɔ nduba lə dee lé M’a kar dee tel d’unda gogo ləm tɔ.

Bula lə Israɛlje 23:19

Ala to dəw ɓa a pa taŋgɔm el ləm, Yeḛ to ŋgolə dəw ɓa a pata tel ne ndia el ləm tɔ. Ta gə́ yeḛ pa lé see yeḛ a ra née el wa. Né gə́ yeḛ wɔji njaŋg lé see yeḛ a ra karee ɔr njal el wa.

Matiyo 24:35

Dara gə naŋg nee d’a dəs wuduru gə lèlé ba nɛ ta ləm a kudu nda̰ bèe el.

1 Samel 17:53

Israɛlje d’ḭ loo kɔr Pilistije’g ndá deḛ d’odo néje gə́ mee loo-si dee’g gə́ nébanrɔ.