2 Mbaije 7:13 - Maktub gə́ To gə Kəmee

¹³ Dəw kára mbuna kuraje’g lə mbai ilá’g pana: Maji kar dee d’wa kundaje mi gə́ nai mee ɓee-boo’g neelé ɓəi, mbata deḛ kara to d’asəna gə koso-dəwje gə́ Israɛl gə́ nai bèe ləm, gə d’asəna gə koso-dəwje gə́ Israɛl gə́ d’udu bèe ləm tɔ ndá ar sí j’ula deeje gə mba koo ne né gə́ dəs lé.

2 Mbaije 7:13 ပူးပေါင်းရင်းမြစ်များ

2 Mbaije 5:13

Nɛ kuraje ləa d’aw pər gə́ rəa’g d’ulá pana: Bɔm, ɓó lé njetegginta ulai gə mba kari ra né gə́ kədərə ya kara see i a ra el wa. Ŋga ɓəd ɓəi ɓa see loo gə́ yeḛ ulai pana: Aw ula rɔi mán ar rɔi àr ŋgad-ŋgad lé ɓəi wa.

2 Mbaije 6:33

Yeḛ ar pata ar dee ya ɓəi ndá léegəneeya njekula lé ree rəa’g ulá pana: Aa oo, tuji neelé ḭ rɔ Njesigənea̰’g ŋga see ɗi tɔɓəi ɓa m’a kunda ne məəm yel dɔ Njesigənea̰’g gə mbəa ɓəi wa.

2 Mbaije 7:12

Mbai lé ḭ loondul’g ndá ula kuraje ləa pana: Ma m’ndigi kula sí ta né gə́ Aramje ra sə sí lé. Deḛ gər to gə́ j’isi j’wəije yoo ɓoo-boo ndá deḛ d’ya̰ loo-si dee d’aw d’iya rɔ dee mee ndɔje’g. Tɔɓəi deḛ d’ula na̰ pana: Loo gə́ j’a kunda loo mee ɓee-boo’g teḛ ndá d’a kwa sí kəmba, tɔɓəi d’a kandə mee ɓee-boo’g neelé tɔ.

2 Mbaije 7:14

D’wa pusuje joo gə́ tɔ kundaje keneŋ ndá mbai ula ne njékulaje ar dee d’un dɔ gɔl njérɔje gə́ Siri lé. Yeḛ ula dee pana: Maji kar sí awje ooje ɓa.

2 Mbaije 7:4

Ɓó lé j’a̰dje mee ɓee-boo’g lé ndá ɓoo-boo gə́ oso mee ɓee-boo’g neelé j’a kwəije yée ya ləm, ɓó lé j’isije loo gə́ nee’g kara j’a kwəije ya ləm tɔ. Ar sí j’aw j’ilaje rɔ sí ji njérɔje’d gə́ Siri, ɓó lé d’ya̰ sí kəmba ndá j’a síje kəmba ya, nɛ ɓó lé deḛ tɔl sí tɔ ndá maji ya tɔ.

Jeremi 14:18

Ɓó lé neḛ n’teḛ n’aw mee wala’g ndá Aa oo, n’oo dəwje gə́ d’wəi yoo-kiambas. Ɓó lé n’andə mee ɓee-boo’g ndá Aa oo, n’oo dəwje gə́ ɓoo-boo Ula kəm dee ndòo. Njéteggintaje gə njékinjanéməsje D’ila mbir-mbir mee ɓee’g Lal gər loo gə́ d’a kaw gə́ keneŋ.

Nɔ̰-ndôo gə́ wɔji dɔ Jerusalem 4:9

Deḛ gə́ d’wəi yoo-kiambas lé ndá Meḛ ti mbidi aree maji yaa̰ Unda dee-deḛ gə́ d’wəi yoo-ɓoo ɓa Guru ne naŋg lal kiŋga nésɔ dee.