2 Mbaije 7:11 - Maktub gə́ To gə Kəmee

¹¹ Njéŋgəm takəije d’aw gə sorta neelé mee kəi’g pa d’ar njémeekəije lə mbai lé d’oo tɔ.

2 Mbaije 7:11 ပူးပေါင်းရင်းမြစ်များ

2 Mbaije 7:10

Deḛ d’ɔd daw ndá ɓar njéŋgəm tarəwkɔgje lə ɓee-boo neelé tɔɓəi d’ula dee sorta neelé pana: Jeḛ j’a̰dje mee loo-si njérɔje gə́ Siri nɛ aa ooje, dəw kára kara godo keneŋ ləm, kaa né ɓar keneŋ el ləm tɔ, kundaje gə mulayḛ̀je-je ɓa tɔ dee naŋg ləm, kəi-kubuje ɓa to keneŋ to gə́ kédé ya ləm tɔ.

2 Mbaije 7:12

Mbai lé ḭ loondul’g ndá ula kuraje ləa pana: Ma m’ndigi kula sí ta né gə́ Aramje ra sə sí lé. Deḛ gər to gə́ j’isi j’wəije yoo ɓoo-boo ndá deḛ d’ya̰ loo-si dee d’aw d’iya rɔ dee mee ndɔje’g. Tɔɓəi deḛ d’ula na̰ pana: Loo gə́ j’a kunda loo mee ɓee-boo’g teḛ ndá d’a kwa sí kəmba, tɔɓəi d’a kandə mee ɓee-boo’g neelé tɔ.