2 Mbaije 7:1 - Maktub gə́ To gə Kəmee

¹ Elije pana: Maji kar sí ooje ta lə Njesigənea̰! Njesigənea̰ pa togə́bè pana: Bèlè kàr bèe ndá d’a ndogo nduji gə́ ndá léréré nékwɔji kwɔi-lə-né dɔg-giree-joo kəm larnda kára ləm, d’a ndogo kó-ɔrj nékwɔji kwɔi-lə-né rɔ-joo-giree-sɔ kəm larnda kára ləm tɔ, loo-ndogo-né gə́ to tarəwkɔg’d gə́ Samari.

2 Mbaije 7:1 ပူးပေါင်းရင်းမြစ်များ

1 Mbaije 22:19

Togə́bè Mise pana: Maji kari oo ta lə Njesigənea̰ ɓa! M’a m’oo Njesigənea̰ si dɔ kalimbai’g ləa ndá boo-njérɔje gə́ dara lai d’aar mbɔree’g dɔ jikɔlee’g ləm, gə dɔ jigelee’g ləm tɔ.

2 Mbaije 20:16

Togə́bè ɓa Esai ula Ejekias pana: Maji kari oo ta lə Njesigənea̰!

2 Mbaije 4:42

Dəw kára ḭ Baal-Salisa ree gə muru gə́ ra gə kandə kó gə́ dɔtar ɓa kɔree aree, to pil muru kó-ɔrj rɔ-joo ləm, gə dɔ kó gə́ təb ləm tɔ gə́ yeḛ ula mee ɓɔl’g ləa. Elije pana: Ar dəwje neelé mba kar dee d’o̰.

2 Mbaije 6:25

Ɓoo-boo oso Samari’g, deḛ d’udu dee jigi-jigi d’ar dɔ mulayḛ̀ kára ba ya ndá askəm larnda rɔ-jinaijoo ləm, mee né kwɔji siḭ dərje gə́ as dəb kilo gə́ kai dana loo joo lé askəm larnda mi ləm tɔ.

2 Mbaije 6:33

Yeḛ ar pata ar dee ya ɓəi ndá léegəneeya njekula lé ree rəa’g ulá pana: Aa oo, tuji neelé ḭ rɔ Njesigənea̰’g ŋga see ɗi tɔɓəi ɓa m’a kunda ne məəm yel dɔ Njesigənea̰’g gə mbəa ɓəi wa.

2 Mbaije 7:16

Koso-dəwje d’unda loo teḛ d’aw d’odo nébanrɔ loo-si njérɔje gə́ Siri. Bèe ɓa deḛ ndogo ne nduji gə́ ndá léréré nékwɔji kwɔi-lə-né dɔg-giree-joo kəm larnda kára ləm, gə kó-ɔrj nékwɔji kwɔi-lə-né rɔ-jinaijoo kəm larnda kára ləm tɔ, gə goo ta gə́ Mbaidɔmbaije pa lé ya.

Pakɔsje 46:5

Baa-boo to keneŋ, manee gə́ ula ar rɔlel to mee ɓee’g lə Ala, Yee ɓa gə́ kəi gə́ to gə kəmee mbuna kəije’g lə Njekurdɔloo’g.

Teḛ-Raga 14:13

Moyis ila koso-dəwje keneŋ pana: Ɓəlje el, aarje loo kaar sí’g mba kooje ne kaji lə Njesigənea̰ gə́ yeḛ a gə kaji sí kɔm sí ne tar mee ndɔ gə́ ɓogənè lé, mbata njé gə́ Ejiptə gə́ seḭ oo deeje ɓogənè neelé seḭ a koo deeje gogo el ŋga.

Teḛ-Raga 16:12

Ma m’oo ndu jém taje lə Israɛlje ya. Ula dee pana: Ɓogənè lé loo gə́ kàr a gə kandə ndá seḭ a sɔje da ləm, bèlè gə ndɔ lé seḭ a ko̰je muru karje meḛ sí ndan tub ləm tɔ, yee ɓa seḭ a gərje ne gao to gə́ ma nja m’to Ala lə sí gə́ Njesigənea̰ lé.

Teḛ-Raga 8:23

J’a njaaje dɔdilaloo’g ndɔ sí munda ɓa j’a kinjaje nékinjanéməsje kar Ala lə sí gə́ Njesigənea̰ ɓəi gə goo ta gə́ yeḛ nja a kula sí.

Esai 1:10

Seḭ mbaije gə́ néra sí Wa bwà ka̰ njé gə́ Sɔdɔm lé Ooje ta lə Njesigənea̰! Seḭ koso-dəwje gə́ néra sí Wa bwà ka̰ njé gə́ Gɔmɔr lé Urje mbi sí dɔ godndu Ala’g lə sí!

Ejekel 37:4

Yeḛ ulam pana: Maji kam m’tegginta m’wɔji ne dɔ siŋgaje neelé ndá m’a kula dee pana: Seḭ siŋgaje gə́ tuduje ndaje sál-sál lé ooje ta lə Njesigənea̰!

Tagə́maji gə́ Ja̰ ndang 6:9

Basa kára si nee gə pil muru ɔrj mi gə ka̰jije joo jia’g, nɛ yeḛ gə́ nee kara see to gə́ né kar koso-dəwje gə́ to ɓəl bèe loo gə́ ra’g wa.

Jujé 3:5

Juje ula koso-dəwje pana: Maji kar sí saŋgje rɔ sí mbata bèlè Njesigənea̰ a ra nédumkooje mbuna sí’g.

Loo gə́ killa rea kəm Ja̰’g 6:6

Ma m’oo ndu ɓar mbuna nékundaje lə Ala gə́ sɔ lé pana: Ko-wa mee ŋgo kára, lar gə́ nda kára ləm, kó-ɔrj mee ŋgo munda ya lar gə́ nda kára ləm tɔ, nɛ ubu gə mán-nduú lé d’ɔrɔ yèree el lé godo.

1 Samel 11:9

Deḛ d’ula njékaḭkulaje gə́ ree lé pana: Seḭ a kulaje dəwje gə́ Jabɛs gə́ Galaad’g lé pajena: Bèlè loo gə́ kàr a nuŋga kəd-kəd ndá seḭ a kiŋgaje njétaa dɔ síje ya. Njékaḭkulaje d’aw gə ta neelé d’aw d’ula njé gə́ Jabɛs d’ar rɔlel rusu meḛ dee tub-tub

1 Samel 15:1

Samel ula Sawul pana: Ma lé Njesigənea̰ ulam mba kam m’wa dɔi gə ubu m’undai ne gə́ mbai dɔ koso-dəwje gə́ Israɛl. Bèe ndá maji kari oo ta gə́ Njesigənea̰ ɓa pa.