2 Mbaije 6:9 - Maktub gə́ To gə Kəmee

⁹ Nɛ dəw lə Ala ar dee d’ula mbai gə́ Israɛl pana: Məəi dɔ rɔi’g na̰ a teḛ lée’g neelé, mbata Aramje d’umi keneŋ ya.

2 Mbaije 6:9 ပူးပေါင်းရင်းမြစ်များ

1 Mbaije 20:13

Nɛ aa ooje, njetegginta kára ree rɔ Akab’g, mbai lə Israɛlje ndá yeḛ pana: Njesigənea̰ pa togə́bè pana: See i oo njérɔje gə́ bula digi-digi nee ya wa. M’a kya̰ dee jii’g ɓogənè mba kari gər to gə́ ma m’to Njesigənea̰ ya.

1 Mbaije 20:28

Dəw lə Ala ree pər gə́ rɔ mbai’d gə́ Israɛl ndá ulá pana: Njesigənea̰ pa togə́bè pana: Mbata Aramje pa togə́bè pana: Njesigənea̰ to Ala gə́ si dɔ mbalje’g ɓó to Ala gə́ si ndag-looje’g el, gelee gə́ nee ɓa m’a gə kya̰ koso-dəwje gə́ bula digi-digi neelé meḛ ji sí’g mba kar sí gərje to gə́ ma m’to Njesigənea̰ ya.

2 Mbaije 4:1

Dené kára mbuna denéje’g lə njéteggintaje ra ndòo rɔ Elije’g pana: Ŋgabmje gə́ to kura ləi lé wəi, nɛ i gər gao to gə́ yeḛ lé to njekwa Njesigənea̰ mée’g. Nɛ njeɓaŋ ree mba taa ŋganəmje gə́ joo gə mba kwa dee gə́ ɓərje ləa.

2 Mbaije 4:27

Loo gə́ yeḛ teḛ rɔ dəw’g lə Ala dɔ mbal’g ndá yeḛ unda barmba gɔlee’g. Gehaji ree rəa’g gə mba kɔsee gə́ raŋg nɛ dəw lə Ala ulá pana: Yá̰ mbata mée to kərm ndá Njesigənea̰ iya səm dəa ɓó riba səm dəa kédé el.

2 Mbaije 4:7

Yeḛ aw ɔr gée ar dəw lə Ala ndá yeḛ ulá pana, Maji kari aw aw ndogo ubu lé uga ne ɓaŋg gə́ to dɔi’g lé, gesee gə́ nai lé i seḭ gə ŋganije a síje ne gə́ majee.

2 Mbaije 6:10

Bèe ɓa mbai gə́ Israɛl lé ula dəwje ar dee d’aw d’aar gə mba koo loo gə́ dəw lə Ala pa taree lé ləm, gə tɔji dee lé ləm tɔ. Né neelé teḛ as gɔl bula.

2 Mbaije 6:12

Kura ləa kára mbuna mareeje’g ilá keneŋ pana: Ǝi mbai ləm, dəw gə́ raŋg el! Nɛ Elije gə́ to njetegginta gə́ si Israɛl lé ɓa pata néje nee gə́ i pa taree mee kəi-toi’g lé ar mbai gə́ Israɛl ya.

2 Mbaije 6:8

Mbai gə́ Siri aw rɔ gə Israɛlje ndá yeḛ mbo̰ kuraje ləa dɔ na̰’d oo takə̰ji lə dee ndá ula dee pana: Loo gə́ bèe ɓa kəm ra loo-sim keneŋ ya.

Maktub gə́ wɔji dɔ Jɔb 5:12

Néje gə́ njégosoje d’wɔji kwɔji ra lé yeḛ tuji pugudugu Ar ji dee askəm ra née karee ɔr njal el.

Pakɔsje 33:10

Néje gə́ ginkoji dəwje gə raŋg d’wɔji meḛ dee’g gə mba ra lé Njesigənea̰ wá telee wagəsa ləm, Néje gə́ koso-dəwje d’wɔji-kwɔji ra lé Yeḛ aree udu bo̰ ləm tɔ.

Gosota-Kəmkàrje 22:12

Njesigənea̰ tɔs kəmee bao-bao dɔ négər’g, Nɛ yeḛ tuji taje lə njendɔji pɔdɔdɔ.

Jeremi 11:18

Loo gə́ Njesigənea̰ ulam am m’gər ndá m’oo maji. Togə́bè ɓa yeḛ am m’oo ne kula ra deeje ya.

Amɔs 3:7

Mbata Mbaidɔmbaije gə́ Njesigənea̰ lé ra né kára kara lal teggin nérea gə́ to loo-kiya’g lé kédé kar kuraje ləa gə́ to njéteggintaje lé el.

Loo gə́ killa rea kəm Ja̰’g 1:1

Jeju Kristi kila rəa gə́ raga. Yee ɓa Ala ra mba kar kuraje ləa d’oo ne néje gə́ a gə teḛ dəb. Yeḛ ula kura ləa gə́ dara mba kar kəm Ja̰ gə́ to kura ləa inja dɔ’g.