2 Mbaije 5:7 - Maktub gə́ To gə Kəmee

⁷ Loo gə́ mbai gə́ Israɛl lé tura maktub neelé ndá yeḛ til kubuje gə́ rəa’g hao̰-hao̰ pa ne pana: See ma m’to Ala ɓa m’a kar dəw wəi ləm, karee tel si kəmba ləm tɔ ɓa yeḛ ula ne dəw neelé rɔm’g mba kam m’ɔr ba̰ji rəa’g wa. Ooje maji to gə́ yeḛ saŋg loo mba ra səm ta gə́ ra ya.

2 Mbaije 5:7 ပူးပေါင်းရင်းမြစ်များ

Gḭ-Néje 30:2

Mee Jakob ḭ səa pu dɔ Rasel’g aree pa pana: See ɓasinè ma nja ŋga m’taa tor Ala gə́ njekɔgi koji ŋgon wa.

Gḭ-Néje 37:29

Rubḛ tel ree godə-bwa-mán’g ndá aa oo, Jisəb godo mee godə-bwa-mán’g lé. Yeḛ wa kubu ləa rəa’g hao̰ til,

Gḭ-Néje 50:19

Jisəb ula dee pana: Ɓəlje el. See ma m’askəm taa tor Ala wa.

2 Samel 1:11

Dabid wa kubuje gə́ rəa’g hao̰-hao̰ til ndá koso-dəwje lai gə́ d’isi səa kara ra togə́bè ya tɔ.

1 Mbaije 20:7

Yen ŋga mbai gə́ Israɛl ɓar njé gə́ tɔgje lai gə́ mee ɓee’g ula dee pana: Seḭ ya tenje ooje, dəw neelé ndigi ra sə sí majel, mbata yeḛ ula kula dəjim denéje ləm gə ŋganəmje gə larnda ləm gə larlɔr ləm tɔ. Nɛ see kédé lé see ma m’ɔgee larnda ləm əsé larlɔr ləm wa. Ma m’ɔgee el!

2 Mbaije 11:14

Yeḛ aa loo ndá oo mbai gə́ aar tar dɔ loo-kuba-kaar’g gə goo néjiɓee lə dee lé, ɓé-njérɔje gə njékim to̰to̰je d’aar mbɔr mbai’g lé dəb, koso-dəwje lai gə́ mee ɓee’g neelé ra rɔlel ləm, d’im to̰to̰je ləm tɔ. Bèe ɓa Atali til kubuje ləa hao̰-hao̰ tur ne kii pénéné-pénéné pana: To kula njuma̰ ɓó! To kula njuma̰ ɓa nee!

2 Mbaije 18:37

Yen ɓa Eliakim, ŋgolə Hilkija gə́ to mbai dɔ njémeekəije lə mbai ləm, gə Sebna, njendaji-maktub ləma, gə Joa, ŋgolə Asap gə́ to njeŋgəm maktub ləm tɔ lé tel ree rɔ Ejekias’g gə kubuje lə dee gə́ til hao̰-hao̰ ndá deḛ ndaji taje gə́ Rabsake pa lé d’aree oo tɔ.

2 Mbaije 5:6

Yeḛ aw gə maktub lé ar mbai gə́ Israɛl lé. Mee maktub’g neelé mbai lé pata keneŋ pana: Loo gə́ maktub neelé a koso jii’g ndá aa oo, ma m’ula kura ləm Naaman rɔi’g gə mba kari ɔr ba̰ji rəa’g ya.

Jeremi 36:24

Mbai gə kuraje ləa lai gə́ d’oo taje neelé deḛ ɓəl el ləm, til kubuje lə dee el ləm tɔ.

Loo gə́ killa rea kəm Daniel’g 2:11

Né gə́ mbai dəji lé to kədərə ndam godo. Dəw kára kara askəm riba dɔ taree kar mbai lé el. Nɛ magəje gə́ loo-si dee godo mbuna dəwje’g ɓa.

Ojee 6:1

Yen ŋga seḭ pajena: Gə́ reeje ar sí n’telje gə́ rɔ Njesigənea̰’g! Mbata yeḛ nja ar sí doo, Nɛ yeḛ nja a karee ər kəmsə ɓəi. Yeḛ nja unda sí, Nɛ yeḛ nja a tɔ ta dooje lə sí ɓəi tɔ.

Bula lə Israɛlje 14:6

Juje, ŋgolə Nun, gə Kaleb, ŋgolə Jepune lé to gə́ mbuna dee-deḛ gə́ d’aw tən loo mee ɓee’g lé deḛ kara til kubuje rɔ dee’g hao̰-hao̰ tɔ,

Matiyo 26:65

Yen ŋga ŋgɔ-njekinjanéməs lé wa kubu ləa har-har til ula dee pana: Aa ooje, yeḛ ila ndɔl dɔ Ala’g mba̰. See j’a dəji njékɔrgootaje gə́ raŋg gə mba ɗi tɔɓəi wa.

Lugu 11:54

Deḛ ndo̰ ne təa gə ta gə mba koo ne ta gə́ to lée’g el təa’g.

Néra Njékaḭkulaje 14:14

Pool gə Barnabas gə́ to njékaḭkulaje lə Jeju lé loo gə́ deḛ d’oo bèe ndá d’wa kubu gə́ rɔ dee’g hao̰-hao̰ til ɓa deḛ teḛ pəd-pəd d’uru mbuna koso-dəwje’g neelé.

Tel tura Godndu 32:29

Ɓó lé deḛ to njékəmkàrje ndá Aa oo, né gə́ d’a gər ɓa nee: D’a kḛji dɔ né gə́ a gə teḛ dɔ dee’g ya.

Tel tura Godndu 32:39

Maji kar sí gərje gao To gə́ ma nja m’to Ala, Yeḛ gə́ raŋg gə́ njekorè dɔm’g godo, M’ar dəw si kəmba ləm M’ar dəw wəi ləm tɔ. M’ar dəw doo ləm M’ar doo ləa ər kəmsə ləm tɔ. Ɓó dəw kára kara askəm kɔree jim’g el.

1 Samel 2:6

Njesigənea̰ to njekar dəw wəi ləm, To njekar dəw si kəmba ləm tɔ. Yeḛ ar dəw aw ɓee’d lə njé gə́ d’wəi ləm, Yeḛ aree unda loo teḛ ləm tɔ.