2 Mbaije 5:16 - Maktub gə́ To gə Kəmee

¹⁶ Elije tel ilá keneŋ pana: Njesigənea̰ gə́ ma m’to kura ləa lé to Njesikəmba ya. M’a taa né kára kara jii’g el. Naaman ɔsee ɓɔḭ-ɓɔḭ mba karee taa né lé nɛ yeḛ mbad saar ya.

2 Mbaije 5:16 ပူးပေါင်းရင်းမြစ်များ

1 Mbaije 13:8

Nɛ dəw lə Ala ula mbai lé pana: Ɓó lé i am dəb mee kəi ləi ya kara m’a kaw səi keneŋ el ləm, m’a sɔ né el ləma, mán kara m’a kai lé gən el ləm tɔ,

1 Mbaije 17:1

Eli, dəw gə́ Tisbe gə́ dɔ naŋg gə́ Galaad lé ula Akab pana: Njesigənea̰ Ala lə Israɛlje gə́ m’to kura ləa lé to Njesikəmba! Mee ləbje’g neelé tàl a kwa el ləm, ndi kara a kər el ləm tɔ nɛ gə goo ta gə́ ma nja m’a pa ɓa.

1 Mbaije 18:15

Nɛ Eli pana: Njesigənea̰ gə́ njeboo-néje gə́ m’to kura ləa lé to Njesikəmba! Ɓogənè ndá m’a kaar no̰ Akab’g ŋga.

2 Mbaije 3:14

Elije pana: Njesigənea̰ gə́ njeboo-néje gə́ m’to kura ləa gə́ m’aar nea̰’g to Njesikəmba, ɓó lé ma m’oo Josapat, mbai gə́ Juda gə́ né el ndá m’a kila kəm dɔi’g el ləm, m’a kooi gə́ né el ləm tɔ.

2 Mbaije 5:20

Gehaji gə́ to kura lə Elije gə́ dəw lə Ala pa mée’g pana: Aa oo, ɓémje ya̰ Naaman, dəw gə́ Siri gə́ ree gə néje gə mba karee lé gə́ kya̰ ya. Njesigənea̰ to Njesikəmba! M’a kaḭ kaw gée’g taa né gə́ ba̰ un jén jia’g.

2 Mbaije 5:26

Elije ulá pana: Loo gə́ dəw neelé ḭ mee pusu’g ləa gə tɔgee ur naŋg aw gə́ rɔi’g lé see ma m’oo el wa. See ɓasinè to kàr taa larnda, gə kubuje, gə koiyoje, gə kag-nduúje, gə badje, gə maŋgje, gə kuraje gə́ diŋgam gə njé gə́ dené ŋga wa.

Loo gə́ killa rea kəm Daniel’g 5:17

Yen ŋga Daniel ula mbai lé ta kəmee’g təsərə pana: Maji kari ŋgəm nékarje ləi rɔi’g ləm, nénojije ləi kara maji kari ar dəw gə́ raŋg ləm tɔ. Nɛ ma ndá m’a tura ta nee gə́ ndaŋg kar mbai oo ya ləm, m’a kɔr ginee karee ya ləm tɔ.

Matiyo 10:8

Arje rɔko̰ ḭ dɔ njérɔko̰je’g ləm, deḛ gə́ d’wəi lé ar deeje d’unda loo teḛ ləm, ɔrje ba̰ji rɔ njéba̰jije’g ləma, tubaje ndilje gə́ yèr meḛ dəwje’g ləm tɔ. Né gə́ seḭ iŋgaje lé to gə́ nénoji ya ndá né gə́ seḭ a karje kara a to gə́ nénoji ya ləm tɔ.

1 Njé gə́ Kɔrḭtə 6:12

Néje lai lé d’ɔgm loo rəa el nɛ néje gə́ na̰je to kəm ra el tɔ. Néje lai lé d’ɔgm loo rəa el nɛ ma lé m’a kar né kára kara wam ɓər el tɔ.

2 Njé gə́ Kɔrḭtə 12:14

Aa ooje, as gɔl munda ɓasinè, ma m’wa dɔ gɔl rɔm gə mba kaw rɔ sí’g ndá ndòo né gə́ ram lé ɓa m’a gə kaw kabee ji sí’g el, mbata darɔ sí ɓa m’aw kabee ɓó gə mba nékiŋga lə sí ɓa el. Tɔgərɔ ya, to ta lə ŋganje ɓa gə mba mbo̰ nébaoje kar njékoji deeje el, nɛ to ta lə njékoji deeje ɓa gə mba mbo̰ nébaoje gə mba kar ŋgan deeje.