2 Mbaije 5:11 - Maktub gə́ To gə Kəmee

¹¹ Mee Naaman ḭ səa pu aree ɔd par-par aw ndá pana: Ma m’ə̰ji m’pana: Yeḛ a gə ree gə rəa ya rɔm’g kaar tar ɓar ri Ala ləa gə́ Njesigənea̰ ndá a kila jia loo gə́ ba̰ji tilam keneŋ lé gə mba kɔr ne ba̰ji lé rɔm’g wa...

2 Mbaije 5:11 ပူးပေါင်းရင်းမြစ်များ

Ǝbrəje 12:25

Meḛ sí dɔ rɔ sí’g! Yeḛ gə́ ula sí ta lé uduje mbi sí dɔ ta’g ləa el. Mbata deḛ gə́ d’udu mbi dee dɔ ta’g lə yeḛ gə́ ndəji dee dɔ naŋg neelé deḛ teḛ ne ta yoo’g el, nɛ ɓəd ɓa see jeḛ gə́ j’udu mbi sí dɔ ta’g lə yeḛ gə́ si dara lé see j’a teḛ ta yoo’g loo gə́ ra wa.

Tagə́maji gə́ Ja̰ ndang 13:20

Ma m’ula sí təsərə, yeḛ gə́ wa dəw gə́ ma m’ulá lé gə́ rəa’g ndá nai gə́ ma nja wam gə́ rəa’g kən tɔɓəi yeḛ gə́ wam gə́ rəa’g ndá nai gə́ njekulam ya wá gə rəa’g kən tɔ.

Tagə́maji gə́ Ja̰ ndang 4:48

Jeju ulá pana: Ɓó lé seḭ ooje némɔrije gə né gə́ dumkooje gə kəm sí bèe el ndá seḭ ooje loo gə mba kɔmje meḛ sí dɔm’g el.

Lugu 14:11

Mbata nana ɓa gə́ unda dəa gə́ tar ndá d’a karee ula dəa ya, nɛ nana ɓa gə́ ula dəa lé ndá d’a karee unda dəa gə́ tar tɔ.

Matiyo 19:22

Loo gə́ basa lé oo ta neelé ndá yeḛ mi mbidi-mbidi ɔd mbiriŋ aw mbata yeḛ to njenébaoje gə́ dum dɔ loo.

Matiyo 15:27

Dené lé tel ilá keneŋ pana: Oiyo, Mbaidɔmbaije, nɛ ŋgan bisije lé d’usɔ bum muru lə ɓée deeje gə́ ɔm naŋg gin ka nésɔ’g ɓa

Matiyo 8:8

Nɛ ɓé-njérɔje lé tel ulá pana: Mbai, m’askəm kari andə gel jala’g ləm el. Maji kari pata gə tai ya kára ba ndá rɔ kura ləm a to kari péd-péd.

Gosota-Kəmkàrje 13:10

Beelé ɓa ar dəw ɔs ne gel takɔl, Nɛ kəmkàr nai gə deḛ Gə́ d’oo takwɔji-kəmkàrje gə́ né ya.

Gosota-Kəmkàrje 3:7

Maji kari oo rɔi gə́ njekəmkàr el, Ɓəl Njesigənea̰ ndá Unda rɔi ɓad dɔ néra gə́ majel’g.

Gosota-Kəmkàrje 1:32

Mbata kɔs ta rəw lə njégərnéelje lé Tɔl dee ya ləm, Jɔg-rɔ el lə mbəje lé Tuji dee ya ləm tɔ.

Gḭ-Néje 20:7

Ɓasinè, maji kari tel gə dené lə diŋgam neelé aree gogo. Mbata yeḛ to njetegginta ndá yeḛ a ra tamaji mbata ləi, tɔɓəi i a si ne kəmba. Nɛ ɓó lé i a tel səa karee el ndá maji kari gər gao to gə́ i a kwəi ləm, i seḭ gə njé’g ləi bura ya ləm tɔ.

2 Mbaije 5:10

Ndá Elije ula ŋgon njekula rəa’g aree ulá pana: Aw ula rɔi mán baa gə́ Jurdɛ̰ gɔl siri ndá ba̰ji a kɔr rɔi’g kar rɔi àr ŋgad-ŋgad.

2 Mbaije 5:12

Man baaje gə́ Damas gə́ ri dee lə Abana gə Parpar lé see maji d’unda manje lai gə́ Israɛl el wa. See m’askəm kula rɔm keneŋ kar rɔm àr ŋgad-ŋgad el wa. Bèe ɓa yeḛ tel giree ɔd par-par gə oŋg aw.

2 Mbaije 4:5

Yen ŋga yeḛ ḭ rɔ Elije’g lé tel aw kəi ndá udu tarəw dɔ dee-deḛ gə ŋganeeje’g, deḛ d’aree kuje ndá yeḛ ɔm ubu lé keneŋ-keneŋ.