2 Mbaije 5:10 - Maktub gə́ To gə Kəmee

¹⁰ Ndá Elije ula ŋgon njekula rəa’g aree ulá pana: Aw ula rɔi mán baa gə́ Jurdɛ̰ gɔl siri ndá ba̰ji a kɔr rɔi’g kar rɔi àr ŋgad-ŋgad.

2 Mbaije 5:10 ပူးပေါင်းရင်းမြစ်များ

2 Mbaije 2:21

Yeḛ aw kəm-rəw-manje’g lé ndá yeḛ ɔm kad keneŋ pa ne pana: Njesigənea̰ pa pana: Neḛ n’ar mán neelé tel maji ləm, yoo a godo mán’g neelé ŋga ləm, kaar kó el lə naŋg neelé a godo ŋga ləma, kar denéje gə́ d’ai mán neelé d’a tɔr ŋganje el ŋga ləm tɔ.

2 Mbaije 3:16

Yeḛ pa pana: Njesigənea̰ pa togə́bè pana: Uruje bwaje bula kəm wəl-loo’g neelé.

2 Mbaije 4:35

Elije ḭta njaa mee kəi’g aw yo gə́ nee ɓa yeḛ al ndɔji rəa ra̰daŋ dɔ ŋgon’g lé ɓəi. Léegəneeya ŋgon lé tur aitiso gɔl siri ɓa teḛ kəmee yərərə ɓəi.

2 Mbaije 4:41

Elije pana: Reeje gə nduji amje ndá yeḛ ɔm nduji neelé mee jo-muru’g lé pana, Arje dəwje neelé mba kar dee d’ai. Bèe ɓa né gə́ majel kára kara godo mee jo-muru’g lé ŋga.

2 Mbaije 5:11

Mee Naaman ḭ səa pu aree ɔd par-par aw ndá pana: Ma m’ə̰ji m’pana: Yeḛ a gə ree gə rəa ya rɔm’g kaar tar ɓar ri Ala ləa gə́ Njesigənea̰ ndá a kila jia loo gə́ ba̰ji tilam keneŋ lé gə mba kɔr ne ba̰ji lé rɔm’g wa...

2 Mbaije 5:14

Yen ŋga Naaman risi ur dan baa gə́ Jurdɛ̰’g ula rəa keneŋ gɔl siri to gə́ dəw lə Ala ulá ne lé ndá rəa tel àr ŋgad-ŋgad asəna gə rɔ ŋgonkas bèe.

2 Mbaije 5:9

Naaman aw gə kundaje ləa gə pusu-rɔje ləa aw aar ne takəi’g lə Elije.

Teḛ-Raga 4:18

Moyis ɔd aw, loo gə́ yeḛ teḛ rɔ məmeeje’g Jetro ndá yeḛ ulá pana: M’ra ndòo rɔi’g, ya̰’m am m’aw m’iŋga ŋgakɔmje gə́ d’isi Ejiptə gə mba koo see d’isi kəmba ya ɓəi wa. Jetro ula Moyis pana: Aw gə meelɔm ya.

Ləbije 13:58

Kubu, gə kúla kubuje gə́ ŋgal pɔ-pɔ əsé yeḛ gə́ tula mbuna’g əsé gə né gə́ rara gə́ ra gə ndar ɓa deḛ togo ɓəi, ɓó lé moro neelé ɔr keneŋ ndá d’a tel togo gɔl kára tɔɓəi ɓa a kàr ɓəi.

Ləbije 14:16

Njekinjanéməs lé a kula ŋgaw jia gə́ dɔkɔl dan ubu gə́ to mee ŋgo jia’g gə́ dɔgel lé ndá yeḛ a sɔb ubu lé no̰ Njesigənea̰’g as gɔl siri.

Ləbije 14:51

Yeḛ a kodo barkəm kag-sɛdrə ləm, gə gərgənd ləm, gə kúla gə́ kas ləma, a kwa yel gə́ kəmba ləm tɔ, yeḛ a kula dee dan məs yel gə́ d’inja gwɔbee dɔ mán gə́ àr yal-yal’g lé ndá yeḛ a saga məs néje neelé gɔl siri dɔ kəi’g lé.

Ləbije 14:7

Yeḛ a saga néje neelé gɔl siri dɔ yeḛ gə́ kəm kɔr won ba̰ji rəa’g lé. Tɔɓəi yeḛ a pa njaŋg pana: To dəw gə́ àr ndá yeḛ a kila yel gə́ kəmba lé tar karee aw.

Ləbije 16:14

Yeḛ a kula ŋgaw jia dan məs bɔ maŋg’d lé ndá a sɔb loo gə́ to no̰ kidata sa̰duk kɔrgoota gə́ to loo meekoso lemsé’g par gə́ bər lé, yeḛ a sɔb məs neelé gɔl siri loo gə́ to no̰ kidata sa̰duk gə́ wɔji dɔ loo meekoso lemsé’g lé.

Ləbije 16:19

Yeḛ a sɔb məs neelé gə ŋgaw jia gɔl siri dɔ loo-nékinjaməs’g lé, yeḛ a kɔr ne wonee ləm, a kundá ne gə kəmee ləm tɔ gə mbata lə néraje gə́ mina̰ lə Israɛlje lé.

Bula lə Israɛlje 19:19

Yeḛ gə́ rəa àr ŋgad-ŋgad lé a saga mán dɔ yeḛ gə́ rəa mina̰’g mee ndɔ gə́ njekɔm’g munda’g ləm, gə mee ndɔ gə́ njekɔm’g siri’g ləm tɔ ndá yeḛ a kɔr wonee mee ndɔ gə́ njekɔm’g siri’g lé ya. Bèe ɓa yeḛ a togo kubuje ləa-yeḛ ləm, a ndogo mán ləm tɔ ndá loo gə́ kàr andə ndá rəa a kàr tɔ.

Bula lə Israɛlje 19:4

Eləajar gə́ to njekinjanéməs lé a kula ŋgaw jia dan məs maŋg’d neelé ndá yeḛ a saga par gə́ no̰ kəi-kubu-kiŋga-na̰’g as gɔl siri.

Tagə́maji gə́ Ja̰ ndang 5:4

Mbata kura gə́ dara ree duu-mán’g neelé teg-teg aree ləŋg təji-təji, njerɔko̰ gə́ rara ɓa lé risi ur mán kédé aree ləŋg ɔm dəa’g ndá lé to rɔko̰ gə́ ban-ban kara rəa tel to kari péd-péd ya.

Tagə́maji gə́ Ja̰ ndang 9:7

ɓa ulá pana: Ɔd aw togo kəmi duu-mán gə́ Siloe, (ri neelé tel ta koji sí pana: ulá). Yeḛ ɔd aw togo kəmee keneŋ njen tel ndá oo loo njai-njai.

1 Njé gə́ Kɔrḭtə 6:11

Yee nja ɓa gə́ néra sí-seḭ gə́ na̰je mbuna sí’g. Nɛ ɓasinè Ndil Ala ɔr won kaiya lə sí ndɔs-ndɔs mba̰ ləm, ɔr sí ne unda sí gə kəmee ləma, ɔr ta dɔ sí’g gə ri Mbaidɔmbaije Jeju Kristi lé ləm tɔ.

Jujé 6:4

Njékinjanéməsje siri d’a kwa to̰to̰je siri gə́ ra gə gaji badə ji dee’g ɓa d’a njaa ne no̰ sa̰duk-manrɔ’g. Tɔɓəi ndɔ gə́ njekɔm’g siri lé ndá seḭ a njaaje guguje dɔ ɓee lé as gɔl siri tɔ. Ndá njékinjanéməsje lé d’a kim to̰to̰je lé tɔ.