2 Mbaije 3:4 - Maktub gə́ To gə Kəmee

⁴ Mesa, mbai gə́ Moab lé badə-kosoje ləa bula yaa̰, négədɓee gə́ yeḛ ar mbai gə́ Israɛl gə ləb kára-kára lé to ŋgan badje tɔl-dɔg-loo-tɔl (100.000) gə bàl badje tɔl-dɔg-loo-tɔl (100.000) gə bḭ dee na̰’d tɔ.

2 Mbaije 3:4 ပူးပေါင်းရင်းမြစ်များ

Gḭ-Néje 13:2

Abram lé to bao-nékulje ləm, gə bao-larnda ləma, gə bao-larlɔr ləm tɔ.

2 Samel 8:2

Yeḛ dum dɔ Moabje ndá yeḛ ar dee to naŋg ɓa yeḛ wɔji dee gə kúla. Yeḛ wɔji dee-deḛ gə́ loo joo mba kar dee d’wəi ləm, deḛ gə́ loo kára lé yee wɔji mba kya̰ dee kəmba ləm tɔ. Togə́bè ɓa Moabje d’ula ne dɔ dee gel Dabid’g ləm, deḛ d’uga ne dɔ rɔ dee d’aree ləm tɔ.

2 Samel 8:6

Dabid unda dəw dɔ kudu-njérɔje mee ɓee gə́ Aram gə́ Damas’g. Bèe ɓa Aramje d’ula ne dɔ dee gel Dabid’g ndá deḛ d’uga dɔ rɔ dee d’aree tɔ. Njesigənea̰ ar Dabid dum dɔ looje lai gə́ yeḛ aw keneŋ lé.

1 Sôrta Gḭka-Israɛlje 18:2

Yeḛ dum dɔ Moabje ndá Moabje d’ula dɔ dee gel Dabid’g d’uga ne dɔ rɔ dee d’aree tɔ.

2 Sôrta Gḭka Israɛlje 26:10

Yeḛ ra kəije gə́ duu dɔ loo dɔdilaloo’g ləm, yeḛ ur bwa-manje bula yaa̰ keneŋ ləm tɔ, mbata yeḛ aw gə nékulje bula yaa̰ mee wəl-looje’g gə ndag-looje’g ləm, njḛ́dɔ-ndɔje ləa, gə njéŋgəm ndɔ-nduúje ləa d’isi dɔ mbal gə́ Karmel ləm tɔ mbata yeḛ unda ndɔ dan kəmee’g ya.

Maktub gə́ wɔji dɔ Jɔb 1:3

Badje ləa d’as tɔl-dɔg-loo-siri (7.000) ləm, jambalje ləa d’as tɔl-dɔg-loo-munda (3.000) ləm, maŋgje ləa gə́ d’wa dee na̰’d joo-joo d’as loo tɔl-mi (500) ləm, ko̰-mulayḛ̀je-je ləa d’as tɔl-mi (500) ləma, kuraje ləa bula digi-digi ləm tɔ. Dəw neelé ria ɓar ur dɔ dəwje lai gə́ d’isi Bər.

Maktub gə́ wɔji dɔ Jɔb 42:12

Togə́bè ɓa Njesigənea̰ tɔr ne ndia dɔ rudu ləbje gə́ Jɔb si ne kəmba yaa̰ unda njé gə́ kédé. Yeḛ aree badje as tɔl-dɔg-loo dɔg-giree sɔ (14.000) ləm, gə jambalje as tɔl-dɔg-loo misa̰ (6.000) ləm, gə bɔ maŋgje gə́ d’wa dee na̰’d joo-joo tɔl-dɔg (1.000) ləma, gə ko̰-mulayḛ̀je-je as tɔl-dɔg (1.000) ləm tɔ.

Pakɔsje 60:8

Ala pata gə goo meenda ləa pana: Neḛ lé n’a kun baŋga ləm, N’a kai ɓee-boo gə́ Sikem dana ləma, N’a kwɔji kəm wəl gə́ Sukot lé ləm tɔ.