2 Mbaije 3:2 - Maktub gə́ To gə Kəmee

² Yeḛ ra né gə́ majel kəm Njesigənea̰’g nɛ to gə́ bɔbeeje gə kea̰je ra el mbata néndaji magə-Baalje gə́ bɔbeeje ra lé yeḛ tɔs dee tilá dee ya.

2 Mbaije 3:2 ပူးပေါင်းရင်းမြစ်များ

1 Mbaije 16:19

Gelee gə́ nee ɓa yeḛ wəi ne mbata kaiyaje gə́ yeḛ ra loo gə́ yeḛ ra ne néje gə́ majel kəm Njesigənea̰’g, un ne dɔ gɔl Jeroboam ya̰ ne rəa yag dan kaiyaje gə́ Jeroboam ra ləm, gə ar Israɛlje kara ra ləm tɔ.

1 Mbaije 21:20

Akab dəji Eli pana: I gə́ to njeba̰ ləm lé ɓogənè iŋgam ŋga ta! Ndá yeḛ tel ilá keneŋ pana: Ma m’iŋgai ya mba̰ mbata i un rɔi ndogo gə mba ra ne né gə́ majel kəm Njesigənea̰’g.

1 Mbaije 21:25

Deḛ d’oo dəw gə́ un rəa ndogo gə mba ra ne né gə́ majel kəm Njesigənea̰’g to gə́ Akab gə́ dené ləa ɔsee ɓɔḭ-ɓɔḭ keneŋ aree ra bèe lé godo.

2 Mbaije 10:18

Tɔɓəi yeḛ mbo̰ koso-dəwje ula dee pana: Akab pole magə-Baal lam ba nɛ Jehu a polé yaa̰ ɓəi.

2 Mbaije 21:20

Yeḛ ra né gə́ majel kəm Njesigənea̰’g to gə́ bɔbeeje Manasə ra lé tɔ.

2 Mbaije 21:6

Yeḛ ila ŋgonee pər’d ləm, yeḛ tən kil-lə-ndije gə lije ɓa gə mba gər ne néje gə́ d’a gə teḛ ləma, yeḛ unda dəwje gə́ njéɓar ndil dəwje ar dee pata néje gə́ d’a gə ree ləm tɔ. Yeḛ ra né gə́ majel gə́ kédé-kédé kəm Njesigənea̰’g mba kar mée ea̰ ne ya.

2 Mbaije 9:22

Loo gə́ Joram oo Jehu ndá yeḛ pana: Jehu, see ree gə meelɔm ya wa. Jehu ilá keneŋ pana: See ree gə meelɔm ŋga ɓa gə́ ta ɗi wa. Loo gə́ kaiya ra kɔḭ gə́ Jejabel gə́ to njepole magə to keneŋ ləm, boo-némbeḛje ləa to keneŋ ɓəi ləm tɔ lé see loo a to gə́ majee to gə́ ban wa.

2 Mbaije 9:34

Jehu andə aw kəi o̰ gə ai ndá pana: Maji kar sí aw unje dené gə́ ndɔl wa dəa neelé ndá dubeeje mbata yeḛ to ŋgolə mbai.

Teḛ-Raga 23:24

Seḭ a kundaje barmba no̰ magəje’g lə dee pai godo ləm, seḭ a raje kula kulaje ne rɔ sí ndòo kar deeje el ləm tɔ, seḭ a ndajije kula ra dəwje neelé el, nɛ tuji ɓa seḭ a tuji deeje ləm, a tədje néndajije lə dee gə́ to magəje lé njigi-njigi ləm tɔ.

1 Samel 15:19

See gelee ban ɓa i oo ndu Njesigənea̰ el wa. See gelee ban ɓa i ḭ ur dɔ nékunda-ba̰rɔ’g ra ne né gə́ to majel kəm Njesigənea̰’g wa.