2 Mbaije 3:11 - Maktub gə́ To gə Kəmee

¹¹ Nɛ Josapat pana: See njetegginta lə Njesigənea̰ kára kara si keneŋ mba kar sí n’dəjije ne Njesigənea̰ ta el wa. Kura lə mbai gə́ Israɛl kára ilá keneŋ pana: Elije, ŋgolə Sapat gə́ njeboakula lə Eli si keneŋ nee ya.

2 Mbaije 3:11 ပူးပေါင်းရင်းမြစ်များ

Gḭ-Néje 18:4

Ŋginaje am m’ar dee ree gə mán d’ar sí togoje ne gɔl sí, ndá waje rɔ sí ndil kag gə́ nee ɓa.

1 Mbaije 19:21

Loo gə́ yeḛ ya̰ Eli gə kuree ndá yeḛ tel ree wa bɔ maŋgje joo inja dee gə́ nékinjanéməsje ləm, yeḛ ndiri dakas dee gə néməməna̰ gə kag-kɔs lə maŋgje lé ya ar dəwje d’usɔ ləm tɔ. Tɔɓəi yeḛ ɔd aw goo Eli’g aw ra né aree tɔ.

1 Mbaije 22:7

Nɛ Josapat pana: See njetegginta gə́ raŋg gə́ j’askəm kaw rəa’g dəjee ta lə Njesigənea̰ lé godo loo gə́ nee’g wa.

2 Mbaije 2:25

Lée neelé yeḛ ḭ keneŋ aw dɔ mbal gə́ Karmel ɓa ḭ keneŋ tel aw Samari ɓəi.

2 Mbaije 3:10

Mbai gə́ Israɛl lé pa pana: Ai-i, Njesigənea̰ mbo̰ mbaije gə́ munda neelé na̰’d mba kɔm dee ji Moabje’g.

2 Mbaije 3:12

Josapat pana: Ta lə Njesigənea̰ to təa’g ya. Togə́bè ɓa mbai gə́ Israɛl, gə Josapat, gə mbai gə́ Edɔm lé d’aw ne rəa’g gə mbəa.

2 Mbaije 3:3

Nɛ yeḛ ula rəa mbiriri dan kaiya ra Jeroboam, ŋgolə Nebat gə́ ɔs Israɛlje ar dee ra lé ɓó yeḛ ɔr rəa keneŋ el.

1 Sôrta Gḭka-Israɛlje 10:13

Sawul wəi mbata yeḛ al ta ta Njesigənea̰’g aa ne dɔ ta ləa el ləm, mbata yeḛ aw dəji deḛ gə́ to njéɓar ndil dəwje gə́ d’wəi lé ɓa ta ləm tɔ.

1 Sôrta Gḭka-Israɛlje 14:10

Dabid dəji Ala pana: See m’a kḭ kaw rɔ gə Pilistije wa. See i a kya̰ dee jim’g ya wa. Ndá Njesigənea̰ ila Dabid keneŋ pana: Aw ya mbata m’a kya̰ dee jii’g ya.

1 Sôrta Gḭka-Israɛlje 14:14

Dabid dəji Ala ta ya ɓəi ndá Ala ulá pana: I a korè goo dee el, nɛ unda kaar deḛ gə́ dəb kára bèe ndá i a kiŋga dee loo gə́ wɔji dɔ kag-kɔlje njoroŋ tɔ.

1 Sôrta Gḭka-Israɛlje 15:13

Mbata seḭ nja mee ndɔ gə́ dɔtar’g lé seḭ godoje loo gə́ Njesigənea̰ ar sí j’uduje lé, mbata jeḛ lé jeḛ n’sa̰geeje gə goo godndu lé el.

2 Sôrta Gḭka Israɛlje 18:6

Nɛ Josapat pana: See njetegginta gə́ raŋg gə́ j’askəm kaw rəa’g dəjee ta lə Njesigənea̰ lé godo loo gə́ nee’g wa.

Pakɔsje 74:9

Nétɔjije lə síjeḛ lé j’oo kára kara bèe el ləm, Njetegginta kára kara godo ləma, Dəw kára kara mbuna sí’g gər to gə́ né neelé a to saar kunda ŋgaŋgee ra wa bèe el ləm tɔ.

Jeremi 37:17

Mbai Sedesias ula kula ɓaree aree ree dəjee ta gə́ mee kəi’g ləa gə goo ŋgəḭ pana: See Njesigənea̰ pata kára wɔji ne dɔm-ma wa. Jeremi tel ilá keneŋ pana: Oiyo. Tɔɓəi yeḛ ila ta gə́ raŋg keneŋ pana: I ya d’a kilai ji mbai gə́ Babilɔn’g.

Amɔs 3:7

Mbata Mbaidɔmbaije gə́ Njesigənea̰ lé ra né kára kara lal teggin nérea gə́ to loo-kiya’g lé kédé kar kuraje ləa gə́ to njéteggintaje lé el.

Njé gə́ Pilibə 2:22

Seḭ gərje gao to gə́ Timote lé to ne majikoji ya, yeḛ orəm més loo kula gə́ wɔji dɔ Tagə́maji lé to gə́ ŋgon gə́ la gə bɔbeeje bèe.

1 Timote 5:10

Néra majije ləa ɓa d’a kɔr gin rəa ya, ɓó lé yeḛ aa dɔ ŋganeeje kər-kər ləm, wa mbá bur-bur ləm, gə togo gɔl deḛ gə́ to gə kəmee ləm, gə la gə njéndooje ləma, gə ra kula nojije gə́ gə ria-ria ləm tɔ ndá maji ndaŋg ria mee maktub’g ya.

Jujé 1:1

Loo gə́ Moyis gə́ to kura lə Njesigənea̰ lé wəi mba̰ ndá Njesigənea̰ ula Juje, ŋgolə Nun gə́ to njela gə Moyis lé pana:

Jujé 9:14

Koso-dəwje gə́ Israɛl lé taa ges nésɔje lə dee nɛ deḛ dəji Njesigənea̰ ta né gə́ kəm ra sə dee el.

Njéga̰g-Rəwtaje 20:18

Togə́bè ɓa Israɛlje d’ḭ d’aw Betel dəji ne Ala pana: See na̰ ɓa mbuna sí’g a kaw kédé no̰ sí’g mba kaw rɔ gə Bḛjamije lé wa. Njesigənea̰ ila dee keneŋ pana: Judaje ɓa d’a kaw kédé.

Njéga̰g-Rəwtaje 20:23

Ndá Israɛlje d’ḭ d’aw no̰ no̰ Njesigənea̰’g saar kàrkemetag. Deḛ dəji Njesigənea̰ pana: See to kəm kar sí j’awje gə́ kédé mba rɔ gə Bḛjamije gə́ to ŋgako̰ síje lé ya ɓəi wa. Njesigənea̰ ila dee keneŋ pana: Awje aw rɔje sə dee ya.