2 Mbaije 24:4 - Maktub gə́ To gə Kəmee

⁴ gə məs deḛ gə́ ta kára kara wa dɔ dee el gə́ Manasə ɔm naŋg aree taa Jerusalem pəl-pəl lé ləm tɔ. Togə́bè ɓa Njesigənea̰ ndigi kar mée oso lemsé dɔ dee’g el ŋga.

2 Mbaije 24:4 ပူးပေါင်းရင်းမြစ်များ

2 Mbaije 21:11

Mbata Manasə, mbai gə́ Juda ra néje gə́ mina̰ gə́ nee ləm, mbata yeḛ ra néje gə́ majel aree ur dɔ ka̰ Amɔrje lai gə́ ra nea̰’g kédé ləma, mbata yeḛ ɔs Judaje ya kara ar dee ra kaiya gə goo magəje ləa ləm tɔ,

2 Mbaije 21:16

Tɔɓəi Manasə ɔm məs dəwje bula gə́ ta wa dɔ dee el lé naŋg saar ar məs taa loo mee Jerusalem’g pəl-pəl, lal tura ne goo kaiyaje gə́ yeḛ ɔs Judaje ar dee ra ne né gə́ majel kəm Njesigənea̰’g lé tɔ.

2 Mbaije 23:26

Lée togə́bè kara Njesigənea̰ uba goo boo-oŋg ləa gə́ to asəna gə pər gə́ o̰ bilim-bilim bèe lé dɔ Judaje’g ya̰ el mbata néje lai gə́ Manasə ra ar mée ḭ ne səa pu lé.

2 Mbaije 24:5

Ges sorta néraje lə Jojakim, gə néje lai gə́ yeḛ ra lé yee neelé deḛ ndaŋg taree mee Maktub-sorta néraje’g lə mbaije gə́ Juda ya.

Pakɔsje 106:38

Dəwje gə́ ta wa dɔ dee el kara D’ɔm məs dee naŋg Yee ɓa to məs ŋgan deeje gə́ diŋgam gə njé gə́ dené Gə́ d’inja d’ar magəje lə dəwje gə́ Kana̰ lé. Bèe ɓa ɓee lə dee tel to ne né gə́ to kḛji Mbata tɔl gə́ deḛ tɔl dəwje lé.

Jeremi 15:4

N’a tel dee gə́ néɓəl mbata lə ɓeeko̰je lai gə́ dɔ naŋg nee mbata lə néra majelje lai gə́ Manasə, ŋgolə Ejekias, mbai gə́ Juda ra mee ɓee gə́ Jerusalem lé.

Jeremi 19:4

Mbata deḛ d’ubam d’ya̰m ləm, deḛ d’ula sul dɔ lée’g neelé ləm, deḛ tuu né gə́ ə̰də sululu d’ar magəje gə́ deḛ əsé bɔ deeje-je əsé mbaije gə́ Juda kara gər dee el ləma, deḛ d’ar məs deḛ gə́ ta kára kara wa dɔ dee el lé rusu loo gə́ nee ləm tɔ.

Jeremi 2:34

Saar kar ta kubuje lə sí gə́ rɔ sí’g ya Məs dəwje gə́ kari ba gə́ ta wa dɔ dee el lé Wa keneŋ mbəgə-mbəgə Ɓó to məs deḛ gə́ seḭ teḛje Dɔ dee’g wai loo-saŋg-denéje’g lé el.

Jeremi 22:17

Nɛ i lé kəmi gə dɔ ɓəŋgəri To mba tɔl ne mal kiŋga né gə goo rəbee el ləm, Gə mba kila ne məs yeḛ gə́ ta wa dəa el ləma, Gə mba kula kəm loo ndòo Ra ne né gə́ kərm-kərm ləm tɔ.

Jeremi 32:31

Mbata ɓee-boo neelé ɓa ɔs gin oŋg ləm, gə meekḭ jugugu ləm tɔ, un kudee mee ndɔ gə́ deḛ tum ne ginee saar teḛ ɓogənè. Yen ɓa m’a gə kɔsee ne nɔm’g rəw gə́ raŋg.

Nɔ̰-ndôo gə́ wɔji dɔ Jerusalem 3:42

Jeḛ lé n’toje njékaiyaje gə njékɔsta-rəwje! I lé i ar məəi oso lemsé dɔ sí’g el.

Ejekel 22:3

A pana: Mbaidɔmbaije gə́ Njesigənea̰ pa togə́bè pana: I ɓee-boo gə́ d’ɔm məs naŋg keneŋ gə mba kar ndɔ ləa teḛ ne ləm, gə́ ra magə-poleje mba kari ar rɔi mina̰ ne ləm tɔ lé!

Ejekel 24:6

Gelee gə́ nee ɓa Mbaidɔmbaije gə́ Njesigənea̰ pa ne togə́bè pana: Meeko̰ a koso dɔ ɓee-boo gə́ njekilaməs’g! Yee to asəna gə jo-lar gə́ wɔməs gə́ ɔr el lé bèe! Odo kɔr daje gə́ keneŋ lé kára-kára gə goo na̰ goo na̰ Ɓó ɔr kəm dee el.

Ejekel 24:8

Gə mba tɔji dee boo-oŋg lə neḛ ləm, Gə mba dal ne ba̰ lə neḛ ləm tɔ lé N’ɔm məs dee dɔ mbal gə́ raga ndəgəsə Gə mba kar né on dəa el.

Ejekel 33:25

Gelee gə́ nee ɓa maji kari ula dee pana: Mbaidɔmbaije gə́ Njesigənea̰ pa togə́bè pana: Seḭ sɔje dakasrɔ da gə məsee na̰’d ləm, seḭ waje magəje lə sí meḛ sí’g ləma, seḭ ilaje məs ləm tɔ. Ŋga see ɓee lé a to ka̰ sí ya wa.

Bula lə Israɛlje 35:33

Seḭ a karje ɓee gə́ seḭ a síje keneŋ lé mina̰ el mbata məs lé ar ɓee mina̰, d’a ra né kára kara mba kɔr ne ta məs dɔ ɓee’g el nɛ məs dəw gə́ njekila məs maree lé ɓa.

Tel tura Godndu 19:10

gə mba kar məs njegelgodo ɔm naŋg mee ɓee gə́ Ala lə sí gə́ Njesigənea̰ ar sí gə́ nénduba lə sí lé el ləm, gə mba kar ta tɔl dəw wa dɔ sí-seḭ el ləm tɔ.

Tel tura Godndu 29:19

Njesigənea̰ a ndigi səa mba kar mée oso lemsé dəa’g el. Nɛ oŋg gə kəmkəḭ lə Njesigənea̰ a kḭ səa pu dɔ diŋgam’g neelé kar ndɔlje lai gə́ ndaŋg taree mee maktub’g neelé a nai dəa’g ləm, Njesigənea̰ a tuji ria gin dara’g ləm tɔ.