2 Mbaije 20:4 - Maktub gə́ To gə Kəmee

⁴ Esai unda loo mee kəi’g teḛ nɛ teḛ gadloo gə́ dana bab el ɓəi ndá Njesigənea̰ ulá taje nee togə́bè pana:

2 Mbaije 20:4 ပူးပေါင်းရင်းမြစ်များ

1 Mbaije 7:8

Kəi-siée kara ra d’aree asəna gə maree ya to mee gadloo gə́ gir gel jala’g. Tɔɓəi deḛ ra kəi gə́ raŋg gə́ to kəi-si ŋgolə Parao̰ gə́ yeḛ təa gə́ dené lé aree to asəna gə gel jala neelé tɔ.

2 Mbaije 20:3

Ǝi Njesigənea̰! ar məəi olé dɔm’g to gə́ ma m’njaa nɔḭ’g gə ŋgonkoji ləm, gə meekarabasur ləma, m’ra néje gə́ maji kəmi’g ya ləm tɔ! Ndá Ejekias no̰ ɓugudu-ɓugudu gə mán-no̰ kəmee’g ya.

2 Mbaije 20:5

Maji kari tel aw ula Ejekias, mbai dɔ koso-dəwje ləm pana: Njesigənea̰, Ala lə bɔbije gə́ Dabid pa togə́bè pana: Ma m’oo tamaji ləi ya ləm, m’oo mán-no̰ gə́ to kəmi’g ya ləm tɔ, aa oo, m’a kari aji ya, ndɔ gə́ njekɔm’g munda ndá i a kaw mee kəi’g lə Njesigənea̰.

2 Mbaije 22:14

Hilkija, njekinjanéməs ləm, gə Akikam ləm, gə Akbɔr ləm, gə Sapan ləma, gə Asaja ləm tɔ d’aw rɔ Hulda gə́ to njetegginta gə́ dené’g, gə́ to dené lə Salum, ŋgolə Tikba gə́ to ŋgolə Haras, yeḛ gə́ to njeŋgəm kubuje lé. Yeḛ si kudu ŋgon ɓee kára gə́ mee ɓee-boo gə́ Jerusalem ya.