2 Mbaije 20:3 - Maktub gə́ To gə Kəmee

³ Ǝi Njesigənea̰! ar məəi olé dɔm’g to gə́ ma m’njaa nɔḭ’g gə ŋgonkoji ləm, gə meekarabasur ləma, m’ra néje gə́ maji kəmi’g ya ləm tɔ! Ndá Ejekias no̰ ɓugudu-ɓugudu gə mán-no̰ kəmee’g ya.

2 Mbaije 20:3 ပူးပေါင်းရင်းမြစ်များ

Gḭ-Néje 17:1

Loo gə́ ləb Abram aḭ rɔ-jinaikara-giree-jinaikara (99) ndá Njesigənea̰ teḛ kəm Abram’g ulá pana: Ma m’to Ala gə́ Bao-siŋgamoŋ. Maji kari njaa gə gelgodo ləi nɔm’g.

Gḭ-Néje 5:22

Enok lé loo gə́ yeḛ oji Metusela mba̰ ndá yeḛ njaa gə Ala ləbee tɔl-munda (300) ɓa yeḛ oji ŋganje gə́ diŋgam gə njé gə́ dené ɓəi tɔ.

Gḭ-Néje 5:24

Enok lé njaa gə Ala ndá godo mbata Ala nja unee.

Gḭ-Néje 8:1

Mee Ala olé dɔ Noe’g gə dɔ daje’g lai, gə dɔ nékulje’g lai gə́ d’aar səa mee kəi-kag’d lé. Ala ar lel ula dɔ naŋg nee ndá mán lé rəm.

1 Mbaije 11:4

Loo gə́ Salomo̰ ɓuga ndá denéje ləa tel mée gə́ dɔ magəje’g ndá yeḛ ar mée to kára ba sur dɔ Njesigənea̰, Ala’g lé ləa to gə́ bɔbeeje gə́ Dabid bèe lé el ŋga.

1 Mbaije 15:14

Nɛ lé mée to kára ba sur dɔ Njesigənea̰’g loo gə́ yeḛ si ne kəmba ɓəi kara yeḛ ar dɔ looje gə́ ndəw lé godo el.

1 Mbaije 2:4

Bèe ɓa ta nee gə́ Njesigənea̰ pa wɔji ne dɔm lé a kaw ne lée’g béréré mbata yeḛ pana: Ɓó lé ŋganije d’unda kəmkàr dɔ panjaa dee’g njaa ne gə ŋgonkoji no̰m’g gə ŋgaw meḛ dee bura ləm, gə rɔ dee bura ləm tɔ ndá i a lal njetaa tori dɔ kalimbai’g lə Israɛlje nda̰ el.

1 Mbaije 3:6

Salomo̰ tel ilá keneŋ pana: I ra gə bɔm Dabid gə́ to kura ləi lé boo-némeemajije mbata yeḛ njaa nɔḭ’g gə ŋgonkoji ləm, gə néra gə́ gə dɔ najee ləma, mée to kára ba sur dɔi’g ləm tɔ, gə goo boo-némeemajije neelé ɓa i aree ne ŋgon gə́ si dɔ kalimbai’g ləa ɓogənè ya.

1 Mbaije 8:23

Ǝi Njesigənea̰, Ala lə Israɛlje. Ala gə́ to gə́ i bèe lé godo mee dara’g ləm, gə dɔ naŋg nee ləm tɔ. I aa dɔ manrɔ ləi gə meekarabasur ləi wɔji ne dɔ kuraje ləi gə́ njaa nɔḭ’d gə meendakaḭ lé.

1 Mbaije 8:61

Maji kar meḛ sí to kára ba bərəŋ gə́ dɔ Njesigənea̰ Ala’g lə sí, mba njaa ne goo godndiaje’g ləm, gə mba kaa ne dɔ ndukunje ləa ləm tɔ, to gə́ seḭ raje ɓogənè bèe ya.

1 Mbaije 9:4

Ɓó lé i njaa nɔm’g to gə́ bɔbije Dabid njaa ne nɔm’g gə meendakaḭ gə meekarabasur ra ne néje gə́ m’un ndum dɔ’g m’ari ləm, ɓó lé i aa dɔ godndumje gə ndukunje ləm ləm tɔ ndá,

2 Mbaije 20:2

Ejekias tel kəmee bir-bir gə́ gir tira’g ra tamaji gə́ nee ta Njesigənea̰’g pana:

2 Mbaije 20:4

Esai unda loo mee kəi’g teḛ nɛ teḛ gadloo gə́ dana bab el ɓəi ndá Njesigənea̰ ulá taje nee togə́bè pana:

2 Sôrta Gḭka Israɛlje 16:9

Mbata kəm Njesigənea̰ lé un naŋg nee lad ya mba gəd deḛ gə́ d’ya̰ meḛ dee bura d’aree. Nɛ i ra némbə ndá un gelee ɓasinè lé i a si dan rɔ’g tɔ.

Nehemi 13:14

Ǝi Ala ləm, maji kari ar məəi olé dɔm’g mbata né neelé ndá ar məəi wəi dɔ néramje gə́ m’ra gə ŋgonkoji wɔji dɔ kəi-Ala ləm ləm, gə néje gə́ kəm kaa dɔ dee kər-kər lé ləm tɔ.

Nehemi 13:22

Ləbije kara m’un ndum mba kar dee d’ɔr won rɔ dee ləm, gə mba kar dee ŋgəm tarəwkɔgje mba kunda ndɔ-kwa-rɔ lé gə kəmee doi ləm tɔ.

Nehemi 13:31

M’tel m’gɔl dɔ ta gə́ wɔji dɔ nékarje gə́ to kir gə́ d’a kar mee ndəa gə́ d’wɔji ləm, gə dɔ dɔmaḭ-koje gə́ doŋgɔr kara bèe ləm tɔ. Ǝi Ala ləm, maji kari ar məəi olé dɔm’d gə́ majee ya kari.

Nehemi 5:19

Ǝi Ala ləm, maji kari ar məəi olé dɔm’d gə́ majee ya mbata néje lai gə́ m’ra mbata lə koso-dəwje neelé.

Maktub gə́ wɔji dɔ Jɔb 1:1

Dəw kára ria lə Jɔb si mee ɓee gə́ Uts. Dəw neelé to njera né gə goo rəbee ləm, gə njenéra gə́ danasur ləm tɔ. Yeḛ ɓəl Ala ləm, yeḛ unda ria ɓad dɔ néra gə́ majel’g ləm tɔ.

Maktub gə́ wɔji dɔ Jɔb 1:8

Njesigənea̰ dəji Njekurai pana: See i oo kura ləm Jɔb wa. Gar dəw gə́ togə́bè godo dɔ naŋg nee. Yeḛ to njera né gə́ gə goo rəbee ləm, gə njenéra gə́ danasur ləm tɔ, yeḛ ɓəl Ala ləm, unda ne rəa ɓad dɔ néra gə́ majel’g ləm tɔ.

Maktub gə́ wɔji dɔ Jɔb 16:20

Baokuraje ləm d’undam gə́ nékogo Nɛ Ala ɓa m’ra ndòo rəa’g gə mán-no̰ kəm’g.

Maktub gə́ wɔji dɔ Jɔb 4:6

See ɓəl Ala ləi lé ɓa Ari ɔm ne məəi dɔ Ala’g lé ləm, unda ne məəi yel dəa’g ləm el wa. See gelgodo ləi lé ɓa ari tɔs ne kəmi bao-bao dɔ rəw kabije’g el wa.

Pakɔsje 102:9

Njéba̰je ləm lé d’ila ndɔl dɔm’g gə ndɔje kára-kára lai, Njékoma̰ səmje lé kara d’un rim d’ubu ne rɔ dee gə boo-oŋg.

Pakɔsje 119:26

M’teggin rəw-kabmje m’ari ndá i ilam keneŋ, Maji kari ndoom godnduije lé tɔ.

Pakɔsje 119:49

Maji kari ar məəi olé dɔ ndukun’g ləi gə́ i un ar kura ləi Mbata i nja ɓa am m’unda məəm yel gə́ dɔi’g.

Pakɔsje 145:18

Njesigənea̰ lé si mbɔr dee-deḛ gə́ ɓar ria’g lé dəb, Deḛ lai gə́ ɓar ria gə mée kára ba bərəŋ lé.

Pakɔsje 25:7

Néramje gə́ to gə goo rəbee el loo gə́ m’nai ne basa ɓəi lé Esé néra kori-korije ləm kara Ar məəi olé teḛ dɔ’g el. Ǝi Njesigənea̰, ar məəi olé teḛ dɔm’g gə goo meekɔrjol ləi ləm, Gə goo meemaji ləi ləm tɔ.

Pakɔsje 26:1

Pakɔs lə Dabid. Njesigənea̰, maji kari gaŋgta ləm gə goo rəbee Mbata m’njaa gə goo rəw gə́ to gə dɔ najee. Ma m’ɔm məəm dɔ Njesigənea̰’g Bèe ndá m’a kunda ndolé nda̰ el.

Pakɔsje 26:3

Mbata meenoji ləi to raga ndəgəsə kəm’g ləm, Ma m’njaa dan kankəmta’g ləi ləm tɔ.

Pakɔsje 32:2

Dəw gə́ Njesigənea̰ tura goo kaiya ləa ɔm dəa’g el ləm, Taŋgɔm kára kara wa mée el ləm tɔ ndá si dan rɔlel’g ya.

Pakɔsje 39:13

Njesigənea̰, maji kari oo tamaji ləm ya ləm, Ur mbii oo ne ndu no̰ ləm ya ləm tɔ. Maji kar ma̰-no̰je ləm kuli gə́ mán el! Mbata ma m’to gə́ mbá mee kəi’g ləi ləm, Ma m’to gə́ njedəstar to gə́ bɔmje-je lai bèe ləm tɔ.

Pakɔsje 6:6

Dəw gə́ wəi mba̰ lé mée olé dɔi’g el. See na̰ ɓa a kɔs gajii ɓee lə njé gə́ d’wəi’g lé wa.

Pakɔsje 6:7

M’sané siŋgam loo tuma̰ ŋgururu-ŋgururu’g lé Loondulje kára-kára lai lé mán-no̰ ula loo-toom’g, Man-no̰ gə́ kəm’g ruba tira-tom’g ya tɔ.

Pakɔsje 89:47

Ǝi Njesigənea̰, see ndɔ gə́ ra ɓa i a kunda ŋgaŋ kiya rɔi wa. See ndɔ gə́ ra ɓa oŋg ləi a kəw ko̰ to gə́ pər bèe wa.

Pakɔsje 89:50

Mbaidɔmbaije, see némeemajije ləi gə́ kédé Gə́ i man ne rɔi gə rɔkubu ar Dabid Gə goo meenda londoŋ ləi lé see to ra wa.

Esai 38:14

Ma m’no̰ njiriri-njiriri to gə́ ləbm-siri gə́ ḭ nar bèe ləm, Ma m’tuma̰ ŋgururu-ŋgururu to gə́ dərnda bèe ləm tɔ, M’un kəm gə́ dara nɛ kəm to bidig, Ǝi Njesigənea̰, m’isi dan néɓəŋgərə-ti’g, Taam ajim!

Esai 63:11

Yen ŋga koso-dəwje ləa d’ar meḛ dee olé dɔ ndɔje gə́ ləw’d Gə́ to ka̰ Moyis ndá Deḛ dəji pana: See yeḛ gə́ ar koso-dəwje gə́ to nékulje gə njékul deeje D’unda loo dan baa-boo-kad’g teḛ lé əd ra wa. See yeḛ gə́ ar ndilee aw mbuna dee’g lé əd ra wa.

Jeremi 4:2

Ɓó lé seḭ ndo̰je naji ubuje ne rɔ sí Paje ne pana: Njesigənea̰ to njesikəmba! Gə kankəmta, gə néra gə́ danasur, Gə néra gə́ gə dɔ najee ndá Ginkoji dəwje gə raŋg d’a kiŋga dɔkaisəgərə rəa’g ləm, D’a kula rɔnduba dɔ rɔ dee’g gə mbəa-yeḛ ləm tɔ.

Amɔs 5:4

Mbata Njesigənea̰ ula ginkoji Israɛlje togə́bè pana: Maji kar sí saŋgmje ndá Seḭ a síje ne kəmba ya.

Lugu 1:6

Deḛ neelé to njémeekarabasurje no̰ Ala’g lé ya ndá d’un godndu Mbaidɔmbaije gə ndukunje ləa gə́ wɔji-kwɔji kar dee ra lé lad-lad tɔ.

Tagə́maji gə́ Ja̰ ndang 1:47

Jeju oo Natanaɛl gə́ si aw gə́ rəa’g ndá yeḛ pata gə́ wɔji dəa pana: Aa ooje, yeḛ lé to kankəm dəw gə́ Israɛl gə́ nésukəmloo kára kara godo rəa’g.

2 Njé gə́ Kɔrḭtə 1:12

Mbata né gə́ jeḛ n’ti ne rɔ sí dɔ’g lé ɓa to nee: Jeḛ lé ta gə́ meḛ sí ula sí ɓa ar sí j’oo gao kaw gə́ jeḛ j’aw dɔ naŋg nee ləm, gə né gə́ jeḛ n’ra gə mbata lə sí ləm tɔ lé jeḛ n’ra gə meenda gə meemaji no̰ Ala’g ya: jeḛ n’ra gə goo noji lə Ala ya ɓó jeḛ n’ra gə goo kəmkàr gə́ ka̰ naŋg nee el.

Ǝbrəje 5:7

Jeju lé loo gə́ yeḛ nai gə darəa ɓəi lé, yeḛ ra ndòo gə ndia gə́ boi wəl gə mán-no̰ kəmee’g ləm, yeḛ ra tamaji ta yeḛ gə́ askəm teá ta yoo’g ləm tɔ. Ndá Ala ndigi səa rəgm mbata Jeju nda mée gə bɔbee.