2 Mbaije 2:9 - Maktub gə́ To gə Kəmee

⁹ Loo gə́ deḛ dəs d’aw mba̰ ndá Eli ula Elije pana: Maji kari dəjim né gə́ kəm karm m’ra m’ari ɓad ɓa kar dee d’unm d’aw səm ɓəi. Elije ulá pana: M’ra ndòo rɔi’g gə mba kari ar ndili ya ɔm dɔm’g as gɔl joo dɔ maree’g.

2 Mbaije 2:9 ပူးပေါင်းရင်းမြစ်များ

1 Mbaije 19:16

Jehu, ŋgolə Nimsi kara i a kwa dəa gə ubu kundá ne gə́ mbai lə Israɛlje, tɔɓəi i a kwa dɔ Elije, ŋgolə Sapat gə́ si Abel-Mehola gə ubu mba kundá gə́ njetegginta tori’g tɔ.

1 Mbaije 3:9

Bèe ndá maji kari ula gosonégər mee kura’g ləi gə mba karee gaŋg ne rəwta lə koso-dəwje ləi ləm, gə mba gər kɔr ne kəm né gə́ maji gə né gə́ majel ləm tɔ. Mbata see na̰ ɓa a kaskəm gaŋg rəwta lə koso-dəwje ləi gə́ to dəwje gə́ bula digi-digi neelé gə dɔrea wa.

Pakɔsje 72:1

Pakɔs lə Salomo̰. Ǝi Ala, maji kari ar mbai gaŋg rəwta gə goo rəwta-gaŋg ləi ləm, Ŋgolə mbai lé aree ra né gə́ gə dɔ najee to gə́ i bèe ləm tɔ!

Pakɔsje 72:20

Yee neelé to rudu ndukwɔi lə Dabid gə́ to ŋgolə Isai lé ya.

Jakari 12:8

Mee ndəa’g neelé Njesigənea̰ a kaḭ bada dɔ njé gə́ Jerusalem’g ndá njerəm gə́ dan dee’g mee ndəa’g neelé siŋgá a kasəna gə ka̰ Dabid bèe ləm, gel-bɔje lə Dabid d’a to kəm dee’g asəna gə Ala bèe ləma, d’a to kasəna gə kura lə Njesigənea̰ gə́ dara no̰ dee’g bèe ləm tɔ.

Jakari 9:12

Seḭ ɓərje gə́ undaje meḛ sí yel lé Maji kar sí telje awje kəi-kaar-kɔgərɔ’g! Ɓogənè neḛ m’pa njaŋg ya tɔɓəi, N’a tel kar sí némaji dɔ maree’d gɔl joo.

Bula lə Israɛlje 11:17

M’a ree kwɔji səi ta lée’g neelé ndá m’a kai ndil gə́ to dɔi’g lé kɔm dɔ dee-deḛ’g to mba kar dee taa ne səi nékodo gə́ wɔi gə́ to koso-dəwje lé to ɓó kari-i ɓa odo dee gə kari ba el ŋga.

Bula lə Israɛlje 11:25

Njesigənea̰ teḛ dan mum’g wɔji ta gə Moyis. Yeḛ kai ndil gə́ to dəa’g lé ɔm dɔ ŋgatɔgje gə́ rɔ-siri’g lé. Loo gə́ ndil ree aar dɔ dee’g ndá léegəneeya d’ḭ tegginta, nɛ teg ɓa deḛ tegginta gə́ kédé-kédé el.

Tagə́maji gə́ Ja̰ ndang 16:7

Nɛ ta gə́ ma m’ula sí lé to gə́ kankəmta ya, kaw gə́ m’a gə kaw lé a tel to maji dɔ sí’g ɓəi. Mbata ɓó lé m’a kaw el ndá njenai sə sí a ree rɔ sí’g el, nɛ ɓó lé m’a kaw ndá m’a kulá karee ree rɔ sí’g ya.

Néra Njékaḭkulaje 1:8

Nɛ seḭ a kiŋgaje siŋgamoŋ loo gə́ Ndilmeenda a dəb dɔ sí’g ndá seḭ a toje ne njékɔrgootaje ləm mee ɓee gə́ Jerusalem ləm, gə ɓeeje lai gə́ wɔji dɔ Jude ləm, gə Samari ləma, gə kɔr ne rudu naŋg nee njal ləm tɔ.

Néra Njékaḭkulaje 8:17

Yen ŋga Piɛrə gə Ja̰ d’ila ji dee dɔ dee’g d’ar dee taa Ndilmeenda gə meḛ dee.

1 Njé gə́ Kɔrḭtə 12:31

Narje rɔ sí gə mba kunje ne nénojije gə́ maji dum mareeje gə́ Ala ar sí. Nɛ ɓasinè lé m’a gə tɔji sí né kára gə́ maji dum lé.

Tel tura Godndu 21:17

Nɛ ŋgolə dené gə́ yeḛ ndigee el lé yeḛ a kée gə́ ŋgondəree ya ləm, yee a karee némajije ləa gə́ ur dɔ maree’g as loo joo ləm tɔ, mbata ŋgon neelé to doŋgɔr siŋgamoŋgee ndá né gə́ wɔji dɔ ŋgondər lé to gə́ kea̰ ya.

Tel tura Godndu 34:9

Juje, ŋgolə Nun lé ndil gə́ ka̰ kəmkàr rusu mée njḭ-njḭ mbata Moyis ila jia dəa’g. Bèe ɓa Israɛlje d’ila ne koji dəa’g ləm, deḛ ra ne né gə goo godnduje gə́ Njesigənea̰ ar Moyis lé ləm tɔ.

1 Timote 5:17

Ŋgatɔgje gə́ d’ɔr no̰ Eglisə maji ra ne kula kɔrgoota ləm, gə ndoo mar deeje ləm tɔ lé maji kar dee d’iŋga riɓar gə́ ɔs dɔ maree ya.