2 Mbaije 2:23 - Maktub gə́ To gə Kəmee

²³ Yeḛ ḭ keneŋ aw Betel. Loo gə́ yeḛ si aw njaa rəbee ndá basaje d’unda loo mee ɓee’g teḛ d’ula sul dəa’g, pana: I njedɔmbar, aw gə́ nu, i njedɔmbar, aw gə́ nu.

2 Mbaije 2:23 ပူးပေါင်းရင်းမြစ်များ

Gḭ-Néje 21:9

Sara oo ŋgolə Agar gə́ to dəw gə́ Ejiptə gə́ yeḛ ojee gə Abrakam gə́ si kogo.

2 Mbaije 2:11

Loo gə́ d’aw njaa na̰’d d’wɔji ne na̰ ta bèe-bèe ndá aa ooje, kundaje gə́ rɔ dee ndɔḭ wər-wər to gə́ pər bèe ndɔr pusu gə́ ndɔḭ wər-wər to gə́ pər bèe gaŋg ne mbuna dee dana. Ndá lel-mal un Eli səḛ aw səa dara.

2 Mbaije 2:2

Eli ula Elije pana: Aar loo gə́ nee’g, mbata Njesigənea̰ ulam njal gə́ Betel ɓəi. Elije tel ilá keneŋ pana: Njesigənea̰ to Njesikəmba ləm, i kara si kəmba ya ləm tɔ ndá, m’a kubai kya̰’i nda̰ el. Bèe ɓa deḛ d’aw na̰’d Betel tɔ.

2 Mbaije 2:22

Togə́bè ɓa mán lé tel to ne maji saar teḛ mee ndɔ gə́ ɓogənè to gə́ Elije pa ne lé.

2 Sôrta Gḭka Israɛlje 36:16

Nɛ deḛ d’ula sul dɔ njékaḭkulaje’g lə Ala d’ə̰ji dee ne bəḭ-bəḭ ləm, d’unda njéteggintaje lé gə́ nékogo ləm tɔ saar d’ar oŋg lə Njesigənea̰ ḭ ne səa dɔ koso-dəwje’g ləa ar loo kwa ŋgaŋgee godo tɔ.

Maktub gə́ wɔji dɔ Jɔb 19:18

Ŋganje kara d’ḛjim bəḭ-bəḭ ləm, Ɓó lé m’ḭ tar ndá d’ula sul ɓa dɔm’g ləm tɔ.

Maktub gə́ wɔji dɔ Jɔb 30:1

Nɛ ɓasinè! ... Deḛ gə́ ləb dee as səm el lé d’undam gə́ nékogo, Deḛ gə́ kédé ma m’oo bɔ deeje gə́ né el Ɓa ma mbad kɔm dee mbuna bisije gə́ njékaa dɔ koso-nékulje ləm.

Pakɔsje 31:17

Maji kari ar kəmi to jḛ̀ dɔ kura’g ləi, Maji kari ajim gə goo meenoji ləi!

Pakɔsje 31:18

Njesigənea̰, loo gə́ m’ɓar rii ndá Ar rɔkul dəb dɔm’g el. Maji kar njémeeyèrje ɓa rɔkul dəb dɔ dee’g ləm, Maji kar dee d’ur mee bwa’g dɔ mundu mbuna njé gə́ d’wəi’g ləm tɔ.

Pakɔsje 35:15

Nɛ deḛ lé loo gə́ m’unda ndolé ndá Deḛ d’wa dɔ na̰ d’al ne rɔ dee ləm, Deḛ d’wa dɔ na̰ d’wɔji ne dɔm gə mba kula sul dɔm’g ləma, Deḛ gaŋgm dana mbidi-mbidi kəm dee gə́ kédé-kédé ləm tɔ.

Gosota-Kəmkàrje 20:11

Ŋgon lé ɓó lé panjaa ləa a to gə goo rəbee ləm, gə àr ŋgad-ŋgad ləm tɔ ndá Yeḛ ari gəree gə goo néreaje mba̰.

Gosota-Kəmkàrje 22:15

Mbə wa mee ŋgon, Ndá ndəi kwɔji kəmkàr a kɔree mée’g kilá əw.

Gosota-Kəmkàrje 22:6

Ndoo ŋgon rəw gə́ kəm karee njaa keneŋ, Bèe ɓa loo gə́ yeḛ tɔg ndá a kuba kya̰ el.

Njekillamber 11:10

Ɔs némeeko̰ gə́ to məəi’g rəw ləm, unda rɔi ɓad dɔ né gə́ majel’g ləm tɔ, mbata ləb nai basa gə dɔ gə́ lal pudu ɓəi lé ləm kara to néje gə́ gə mḭdé ba ya tɔ.

Esai 1:4

Meeko̰ a koso dɔ sí-seḭ Ginkoji dəwje gə́ njékaiyaje, Seḭ gə́ toje koso-dəwje Gə́ njéra né kori-korije ləm, Gə́ ŋgaka njémeeyèrje ləma, Gə́ ŋganje gə́ njéra némajelje ləm tɔ! Seḭ ubaje Njesigənea̰ yá̰je ləm, Seḭ ə̰jije Njemeenda lə Israɛlje bəḭ-bəḭ ləma, Seḭ telje gir sí ilaje areeje ləm tɔ.

Esai 3:5

Dəwje d’a kula kəm na̰ ndòo mbuna na̰’d Yeḛ gə́ kára a kula kəm maree ndòo, Nana kara a kula kəm maree ndòo ya, Basa a kɔs dɔ ɓuga gə tar ləm, Dəw gə́ kari ba a koma̰ gə njeriɓar ləm tɔ.

Jeremi 20:7

I Njesigənea̰ ərm gə́ kər Ndá ma m’ya̰ rɔm m’ari ərm ya tɔ, I wam kérég ləm, i dum dɔm ləm tɔ. Gə ndɔje kára-kára lai m’to gə́ nékunda-kogo Ar dəwje lai d’ula sul dɔm’g.

Jeremi 20:8

Mbata ta-ta loo gə́ m’pata ndá Ma m’no̰ gə ndum gə́ tar wəl ya ɓa M’ila ne mbər néra gə́ kərm-kərm ləm, Gə tuji gə́ a gə ree ləm tɔ. Bèe ɓa ta lə Njesigənea̰ lé Am m’iŋga ne rɔkul gə́ boo ləm, Ar dee d’ula ne sul dɔm’g Gə ndɔje kára-kára lai ləm tɔ.

Jeremi 7:18

Ŋganje d’odo kir ləm, bɔ deeje yel ne pər ləma, denéje loḭ nduji ləm tɔ gə mba ra ne mbə kar magə gə́ ɓaree mbai gə́ dené gə́ pən dara’g ləm, gə mba kun ne nékarje gə́ ka̰ tər naŋg kar magəje gə́ raŋg ləm tɔ gə mba kar məəm ḭ ne səm pu wa.

Ojee 10:15

Aa ooje, seḭ gə́ Betel lé D’a ra sə sí togə́bè ya Mbata némeeyèrje lə sí al dɔ loo sula. Loo gə́ kàr uba kuji’g lé Ndá mbai gə́ Israɛl a tuji pugudu ŋga.

Ojee 10:5

Dəw-mee-ɓeeje gə́ Samari lé Meḛ dee a pélé wəs-wəs dɔ néndaji ŋgan maŋgje-je gə́ léḛ Bet-Aben’g, Koso-dəwje d’a kwa ndòo yoo magəpole lé ləm, Njékinjanéməsje ləa d’a ndəb pəd-pəd gə mbata ləa ləma, Gə mbata lə rɔnduba ləa gə́ a gə sané pa mbuna dee’g lé ləm tɔ.

Ojee 4:15

Ǝi seḭ Israɛlje, ɓó lé seḭ ubaje Ala lə sí yá̰je ndá Maji kar Judaje d’ar taree wa dɔ dee-deḛ el. Maji kar sí awje loo gə́ to gə kəmee’d gə́ to Gilgal el ləm, Awje Bet-Aben el ləma, Ubuje rɔ sí pajena: Njesigənea̰ si kəmba bèe el ləm tɔ.

Ləbije 13:40

Loo gə́ yiŋga dɔ dəw mbar mbár-mbár ndá yeḛ to njedɔmbar: rəa àr ya.

Amɔs 3:14

Mee ndəa gə́ n’a kar bo̰ néra gə́ majel lə Israɛlje ɔs ta dee’g lé Ndá n’a təd loo-nékinjanéməsje gə́ Betel. Dɔ kum loo-nékinjanéməsje gə́ ḭta neelé D’a təd njigi-njigi kɔm naŋg ya.

Amɔs 4:4

Awje Betel ndá raje kaiya ɓaà, Awje Gilgal kara raje kaiya unda njé gə́ kédé ɓəi ɓaà, Reeje gə nékinjanéməsje lə sí gə ndɔ rad Gə ndɔje kára-kára lai ləm, Ta néje lə sí gə́ dɔg gə́ unje kára lé kara Ndɔ munda ndá reeje ne gɔl kára kára ya ləm tɔ.

Amɔs 5:5

Maji kar sí saŋgmje Betel el ləm, Awje Gilgal el ləma, Dəsje awje Beer-Seba el ləm tɔ. Mbata njé gə́ Gilgal lé d’a kwa dee ɓər ləm, Betel kara a tuji pugudu-pugudu ləm tɔ.

Amɔs 7:13

Nɛ maji kari tegginta Betel el ŋga mbata to kəi gə́ to gə kəmee lə mbai ləm, to kəi-mbai lə mbai ləm tɔ.

Njé gə́ Galati 4:29

To gə́ kédé lé ŋgon gə́ d’ojee gin darɔ’g lé ula kəm yeḛ gə́ d’ojee gin Ndil’g lé ndòo ndá ɓasinè kara to togə́bè ya tɔ.

Ǝbrəje 11:36

Njé gə́ raŋg lé deḛ ndaji ndu dee ləm, kunda dee gə ndəi ləma, d’wa dee daŋgai gə kúla lar ləm tɔ.