2 Mbaije 18:4 - Maktub gə́ To gə Kəmee

⁴ Yeḛ tuji dɔ looje gə́ ndəw ləm, yeḛ təd mbalje gə́ tɔl gə́ néndajije ləma, yeḛ tuga ɗira magəje gaŋg ləm tɔ: tɔɓəi néndaji li gə́ Moyis léḛ gə́ larkas lé kara yeḛ təd njigi-njigi to mbata mee ndəaje’g neelé Israɛlje tuu néje gə́ ə̰də sululu d’aree ləm, d’unda ria lə Nehustan ləm tɔ.

2 Mbaije 18:4 ပူးပေါင်းရင်းမြစ်များ

1 Mbaije 22:43

Yeḛ un dɔ gɔl bɔbeeje gə́ Asa ya lad-lad ɓó yeḛ ya̰ un rəw né gə́ raŋg el ndá yeḛ ra né gə́ danasur kəm Njesigənea̰’g.

2 Mbaije 10:26

Deḛ teḛ gə néndajije gə́ to mee kəi’g lə magə-Baal lé raga ndá deḛ roo dee.

2 Mbaije 11:18

Koso-dəwje lai gə́ mee ɓee’g d’aw mee kəi’g lə magə-Baal d’aw tədee njigi-njigi ləm, tɔ loo-nékinjaməs pɔs-pɔs gə néndajije ləa ləm tɔ, tɔɓəi deḛ tɔl Matan, njekinjanéməs lə magə-Baal lé no̰ loo-nékinjaməs’g. Jeojoda, njekinjanéməs ɔr njéŋgəmlooje ar dee d’aa dɔ kəi lə Njesigənea̰ lé kər-kər tɔ.

2 Mbaije 12:3

Joas ra né gə́ to gə goo rəbee kəm Njesigənea̰’g gə ndɔje lai gə́ yeḛ ndolè ne goo ta gə́ Jeojoda, njekinjanéməs ndée lé.

2 Mbaije 14:4

Né kára ba lé, dɔ looje gə́ ndəw lé yeḛ ar dee godo el, dəwje d’aw d’inja nékinjanéməsje gə roo néje gə́ ə̰də sululu dɔ looje gə́ ndəw’g lé ya ɓəi.

2 Mbaije 15:35

Nɛ lé bèe kara dɔ looje gə́ ndəw lé ɓa yeḛ ar dee godo el, koso-dəwje d’aw d’inja nékinjanéməsje gə roo néje gə́ ə̰də sululu dɔ looje gə́ ndəw’g lé ya ɓəi. Jotam ar dee ra tabidi rəw-kəi gə́ dɔ maree’d gə́ to kəi’g lə Njesigənea̰.

2 Mbaije 15:4

Nɛ lé bèe kara dɔ looje gə́ ndəw lé yeḛ ar dee godo el, dəwje d’aw d’inja nékinjanéməsje gə roo néje gə́ ə̰də sululu dɔ looje gə́ ndəw’g lé ya ɓəi.

2 Mbaije 16:15

Yen ɓa mbai Akas un ndia ar Uri gə́ njekinjanéməs lé pana: Teḛ gə ndɔ rad lé ar dee roo nékinjaməs dɔ loo-nékinjaməs gə́ boo’g ləm, gə nékar gə́ kàrkemetag gə́ to nduji ləm, gə nékinjaməs lə mbai gə́ ka̰ roo gə nékar ləa gə́ to nduji ləma, gə nékinjanéməsje lə dəwje lai gə́ mee ɓee gə́ ka̰ roo gə nékar lə dee gə́ to nduji ləm tɔ, tɔɓəi maji kari ɔm nékarje lə dee gə́ ka̰ tər naŋg dɔ’g ləm, saga məs nékinjanéməsje lai gə́ ka̰ roo gə məs nékinjanéməsje gə́ raŋg lai dɔ’g ləm tɔ, ta gə́ wɔji dɔ loo-nékinjaməs gə́ ra gə larkas lé ndá to ta ləm-ma ya.

2 Mbaije 18:22

Banelə seḭ a kulamje pajena: Njesigənea̰, Ala lə sí ɓa seḭ ɔmje meḛ sí dəa’g. Nɛ see to yeḛ el ɓa gə́ Ejekias tuji dɔ looje ləa gə́ ndəw gə loo-nékinjanéməsje ləa ula ne Juda gə Jerusalem pana: Loo-nékinjaməs gə́ to Jerusalem neelé ɓa seḭ a kundaje barmba nea̰’g lé see yeḛ ula sí bèe el wa.

2 Mbaije 21:3

Yeḛ tel uba dɔ looje gə́ ndəw gə́ bɔbeeje Ejekias tuji dee kédé lé ləm, yeḛ unda loo-nékinjanéməsje ar magə-Baal ləm, yeḛ ra magə-Astarté to gə́ Akab, mbai gə́ Israɛl ra ləma, yeḛ unda barmba no̰ boo-néje lai gə́ dara pole dee ne ləm tɔ.

2 Mbaije 23:14

Yeḛ təd néndaji magəje ləm, yeḛ təd magəje ləm tɔ ndá yeḛ ar siŋga dəwje ɓa taa loo keneŋ pəl-pəl.

2 Mbaije 23:4

Mbai un ndia ar Hilkija, ŋgɔ-njekinjanéməs ləm, gə njékinjanéməsje gə́ njéla səaje ləma, gə njéŋgəm takəije ləm tɔ gə mba kar dee teḛ gə néje gə́ to mee kəi’g lə Njesigənea̰ gə́ deḛ ra mbata lə magə-Baal ləm, gə mbata lə magə-Astarté ləma, gə mbata lə boo-néje lai gə́ dara ləm tɔ ndá yeḛ aw roo dee gir ɓee gə́ Jerusalem mee wəl-loo gə́ Sedro̰ tɔɓəi yeḛ ar dee d’odo bu dee d’aw ne d’aw d’ɔm Betel tɔ.

2 Sôrta Gḭka Israɛlje 19:3

Nɛ yeḛ iŋga néje gə́ maji məəi’g mbata i tuji magəje mee ɓee’g ləm, i wa məəi kɔgərɔ ndolè ne goo Ala ləi ləm tɔ.

2 Sôrta Gḭka Israɛlje 31:1

Loo gə́ deḛ ra naḭ lé tɔl bém mba̰ ndá deḛ lai gə́ to Israɛlje gə́ d’aar keneŋ lé d’ɔd d’aw mee ɓee-booje gə́ Juda d’aw təd néndajije, gə tuji magəje, gə tuji dɔ looje gə́ ndəw gə loo-nékinjanéməsje mee ɓee’g lə Judaje gə Bḛjamije lai ləm, gə mee ɓee’g lə Eprayimje gə Manasəje ləm tɔ pugudu-pugudu. Tɔɓəi Israɛlje tel d’aw mee ɓee-booje’g lə dee, ar nana kara tel aw mee kəi’g ləa-ləa.

2 Sôrta Gḭka Israɛlje 33:3

Yeḛ tel unda dɔ looje gə́ ndəw gə́ bɔbeeje gə́ Ejekias tuji dee lé ləm, yeḛ unda loo-nékinjanéməsje lə magə-Baalje ləma, yeḛ ra magə-Astartéje ləm tɔ ndá yeḛ unda barmba no̰ boo-nékundaje lai gə́ dara wa dee ne mée’g.

Pakɔsje 78:58

D’ar oŋg ḭ ne səa pu Dɔ looje lə dee gə́ ndəw’g lé ləm, D’ɔs ne gel kəmkəḭ ləa Gə Magəpoleje lə dee lé ləm tɔ.

Teḛ-Raga 23:24

Seḭ a kundaje barmba no̰ magəje’g lə dee pai godo ləm, seḭ a raje kula kulaje ne rɔ sí ndòo kar deeje el ləm tɔ, seḭ a ndajije kula ra dəwje neelé el, nɛ tuji ɓa seḭ a tuji deeje ləm, a tədje néndajije lə dee gə́ to magəje lé njigi-njigi ləm tɔ.

Teḛ-Raga 34:13

Né gə́ kəm ra ɓa to nee: Seḭ a tɔsje loo-nékinjanéməsje lə dee tilaje ləm, a tədje néje lə dee gə́ tɔl gə́ néndajije ləma, a janéje magəje lə dee ləm tɔ.

Esai 36:7

Banelə i a kula neḛ pana: Njesigənea̰, Ala lə sí ɓa seḭ ɔmje meḛ sí dəa’g. Nɛ see to yeḛ ɓa gə́ Ejekias tuji dɔ looje ləa gə́ ndəw gə loo-nékinjanéməsje ləa ula ne Judaje gə Jerusalemje pana: Loo-nékinjaməs neelé ɓa d’a kunda barmba nea̰’g bèe el, see yeḛ pa bèe el wa.

Ləbije 26:30

M’a tuji loo-pole-magje lə sí ləm, m’a təd loo-suu néje lə sí gə́ ə̰də sululu lé njigi-njigi ləm, m’a kɔm nin sí dɔ gaila magəje’g lə sí ləma, m’a koo sí gə́ néje gə́ ram kəm’g ləm tɔ.

Tel tura Godndu 5:5

Bèe ɓa ma m’aar mbuna sí-seḭ’g gə Njesigənea̰’g gə mba kula sí ta lə Njesigənea̰, mbata seḭ ɓəlje pər ləm, seḭ ubaje ne dɔ mbal awje ne tar el ləm tɔ. Yeḛ pana:

Tel tura Godndu 7:5

Nɛ aa ooje, né gə́ seḭ a raje kaareeje to ɓəd kəm dee’g ɓa nee: Seḭ a tɔsje loo-nékinjanéməsje lə dee tilaje ləm, seḭ a tədje néndajije lə dee ləm, seḭ a tɔje magəje lə dee pɔs-pɔs ləma, seḭ a rooje magəje lə dee gə́ deḛ tɔl dee lé ləm tɔ.

Njéga̰g-Rəwtaje 6:25

Mee tilee gə́ nee ya, Njesigənea̰ ula Gedeo̰ pana: Maji kari wa bɔ maŋg lə bɔbije ləm, wa yee gə́ njekɔm’g joo gə́ ra ləb siri ləm tɔ ndá jura loo-nékinjaməs gə́ wɔji dɔ magə-Baal gə́ to ka̰ bɔbije lé naŋg ləm, kag-magə gə́ to gə kəmee doi gə́ to mbɔree’g dəb lé kara i a kunda təd ləm tɔ.

Njéga̰g-Rəwtaje 6:28

Loo gə́ dəwje gə́ mee ɓee-boo’g neelé d’ḭ tar gə ndɔ rad ndá aa oo, loo-nékinjaməs lə Baal lé jura naŋg ləm, kag-magə gə́ to gə kəmee gə́ d’unda dɔ’g lé təd ləma, tɔɓəi bɔ maŋg gə́ njekɔm’g joo lé d’ḭjá gə́ nékinjaməs gə́ ka̰ roo dɔ loo-nékinjaməs gə́ ra lé ləm tɔ.