2 Mbaije 18:3 - Maktub gə́ To gə Kəmee

³ Yeḛ ra né gə́ danasur kəm Njesigənea̰’g aree aw na̰’d béréré gə keaje Dabid ya.

2 Mbaije 18:3 ပူးပေါင်းရင်းမြစ်များ

1 Mbaije 11:38

Ɓó lé i ila ŋgonkoji dɔ néje lai gə́ m’a kun ndum dɔ’g kari ləm, ɓó lé i njaa dan kila-rəwje’g ləm ləma, ɓó lé i ra néje gə́ danasur kəm’g, k’aa ne dɔ godndumje gə torndumje to gə́ Dabid, gə́ to kura ləm ra bèe ləm tɔ ndá m’a nai səi ləm, m’a ra kəi gə́ ŋgəŋ ŋgəŋ-ŋgəŋ kari ləm tɔ, to gə́ ma m’ra ne m’ar Dabid ndá m’a kɔm Israɛlje jii’g ya.

1 Mbaije 11:4

Loo gə́ Salomo̰ ɓuga ndá denéje ləa tel mée gə́ dɔ magəje’g ndá yeḛ ar mée to kára ba sur dɔ Njesigənea̰, Ala’g lé ləa to gə́ bɔbeeje gə́ Dabid bèe lé el ŋga.

1 Mbaije 15:11

Asa ra né gə́ danasur kəm Njesigənea̰’g to gə́ keaje gə́ Dabid ra bèe.

1 Mbaije 15:5

Mbata Dabid ra né gə́ danasur kəm Njesigənea̰’g loo gə́ yeḛ si ne gə kəmə ɓəi lé, godnduje lai lé yeḛ un kára kara telee raŋg el nɛ ta gə́ wɔji dɔ Uri, dəw gə́ Het lé ɓa.

1 Mbaije 3:14

Bèe ɓa ɓó lé i njaa dan kila-rəwje’g ləm ləm, gə aa dɔ godndumje gə torndumje ləm tɔ, to gə́ bɔbije Dabid ra ndá m’a kɔm ndɔje ləi dɔ maree’g ya.

2 Mbaije 12:3

Joas ra né gə́ to gə goo rəbee kəm Njesigənea̰’g gə ndɔje lai gə́ yeḛ ndolè ne goo ta gə́ Jeojoda, njekinjanéməs ndée lé.

2 Mbaije 14:3

Yeḛ ra né gə́ danasur kəm Njesigənea̰’g, nɛ lé bèe ya kara yeḛ ra né to gə́ keaje gə́ Dabid ra lé el, yeḛ ra né aree as gə ka̰ bɔbeeje Joas ya béréré tɔ.

2 Mbaije 20:3

Ǝi Njesigənea̰! ar məəi olé dɔm’g to gə́ ma m’njaa nɔḭ’g gə ŋgonkoji ləm, gə meekarabasur ləma, m’ra néje gə́ maji kəmi’g ya ləm tɔ! Ndá Ejekias no̰ ɓugudu-ɓugudu gə mán-no̰ kəmee’g ya.

2 Mbaije 22:2

Yeḛ ra né gə́ danasur kəm Njesigənea̰’g un ne dɔ gɔl keaje Dabid ya lad-lad, yeḛ aw yo-yo nee-nee el tɔ.

2 Sôrta Gḭka Israɛlje 29:2

Yeḛ ra né gə́ danasur kəm Njesigənea̰’g aree aw na̰’d béréré gə keaje Dabid.

Maktub gə́ wɔji dɔ Jɔb 33:27

Yeḛ ɔs pa no̰ dəwje’g pana: Neḛ n’ra kaiya n’al ne dɔ néra gə́ danasur, Nɛ Ala ar bo̰ néra neḛ ɔs ta neḛ’g to gə́ kəm karee ɔs ta neḛ’g lé el.

Pakɔsje 119:128

Gelee gə́ nee ɓa ndukunje ləi lé M’oo gə́ né gə́ to gə goo rəbee ya, Rəw taŋgɔmje lai lé M’ə̰ji dee bəḭ-bəḭ.

Teḛ-Raga 15:26

Yeḛ pana: Ɓó lé seḭ tugaje mbi sí ooje ne ndu Njesigənea̰, Ala lə sí ləm, lé seḭ raje né gə́ taa kəmee ləm, lé seḭ urje mbi sí ooje ne torndiaje ləma, lé seḭ raje godndiaje ləm tɔ ndá rɔko̰je gə́ ɓəd-ɓəd gə́ m’tuji ne njé gə́ Ejiptə lé m’a tuji sí ne el, mbata ma lé m’to Njesigənea̰ gə́ njekaji sí ya.

Esai 38:3

Ǝi Njesigənea̰, ar məəi olé dɔm’g to gə́ ma m’njaa nɔḭ’g gə ŋgonkoji gə meekarabasur ləm, m’ra néje gə́ maji kəmi’g ya ləm tɔ! Ndá Ejekias no̰ gə mán-no̰ kəmee’g ɓugudu-ɓugudu.

Njé gə́ Rɔmə 7:12

Togə́bè ɓa godndu lé to né gə́ to gə kəmee ləm, ta godnduje lé kara to né gə́ to gə kəmee gə to gə dɔ najee gə to maji ɔr njoroŋ ləm tɔ.

Njé gə́ Epesə 6:1

Ŋganje, ilaje ŋgonkoji dɔ njékoji síje’g gə goo rəw gə́ Mbaidɔmbaije ɓa wɔji mbata yee ɓa to né gə́ to gə goo rəbee.

Tel tura Godndu 10:12

Ɓasinè seḭ Israɛlje, see ɗi ɓa Ala lə sí gə́ Njesigənea̰ ndigi kiŋga rɔ sí’g wa. See to mba kar sí ɓəleeje ləm, gə kun kila-rəwje ləa lad-lad ləma, gə kṵdáje dan kəm sí’g raje né karje Ala lə sí gə́ Njesigənea̰ gə rɔ sí gə ŋgaw meḛ sí bura ləm tɔ el wa.

Tel tura Godndu 6:18

Seḭ a raje né gə́ danasur ləm, gə né gə́ maji kəm Njesigənea̰’g ləm tɔ mba si ne dan rɔlel’g ləm, mba kandə ne mee ɓee gə́ maji gə́ Njesigənea̰ man ne rəa ar bɔ síje-je gə mba kar dee lé,