2 Mbaije 17:9 - Maktub gə́ To gə Kəmee

⁹ Israɛlje ra néje gə́ majel gə goo ŋgəḭ d’ɔs ne Njesigənea̰, Ala lə dee rəw. Deḛ d’unda dɔ looje gə́ ndəw mee ɓee-booje’g lə deḛ lai, un kudee dɔ kəije gə́ ŋgal gə́ duu dɔ loo gə́ to loo-kaar njéŋgəmlooje saar teḛ ne dɔ ɓee-booje gə́ ndògo-bɔrɔ gugu dɔ dee sub.

2 Mbaije 17:9 ပူးပေါင်းရင်းမြစ်များ

2 Mbaije 18:8

Yeḛ rɔ gə Pilistije dum dɔ dee saar teḛ Gaja ndá yeḛ tuji dɔ naŋgje lə dee, un kudee kəije gə́ ŋgal gə́ duu dɔ loo lə njéŋgəmlooje lé saar teḛ ne ɓee-booje gə́ ndògo-bɔrɔ gugu dɔ dee sub.

Maktub gə́ wɔji dɔ Jɔb 31:27

Ɓó lé ŋgaw məəm ərm gə goo ŋgəḭ ləma Ɓó lé m’ula jim tar m’pole dee ne ləm tɔ ndá

Pakɔsje 78:58

D’ar oŋg ḭ ne səa pu Dɔ looje lə dee gə́ ndəw’g lé ləm, D’ɔs ne gel kəmkəḭ ləa Gə Magəpoleje lə dee lé ləm tɔ.

Esai 29:15

Meeko̰ a koso dɔ deḛ Gə́ d’iya néje gə́ d’wɔji-kwɔji ra lé Mba kar Njesigənea̰ oo el, Néra deeje lé deḛ ra loondul’g Ndá deḛ pana: See na̰ ɓa oo neḛje wa. See na̰ ɓa gər neḛje wa.

Ejekel 20:28

Neḛ n’ɔr no̰ dee n’aw sə dee mee ɓee gə́ neḛ manrɔ neḛ gə mba kar dee ndá d’ila kəm dee dɔ dɔdərlooje’g lai gə́ tar ləm, gə dɔ kagje’g lai gə́ to bigim ləm tɔ, ndá lée neelé deḛ d’inja nékinjanéməsje lə dee ləm, d’ar nékarje lə dee gə́ ar mee neḛ ḭ ne sə neḛ jugugu ləm, deḛ tuu né gə́ baḭyee ə̰də sululu ləma, deḛ saga nékar lə dee gə́ to nékai lé naŋg ləm tɔ.

Ejekel 8:12

Ndá yeḛ dəjim pana: Ma ŋgon-dəw lé see m’oo né gə́ ŋgatɔgje lə gel-bɔje lə Israɛl d’aw ra loondul’g, nana kara mee kəi’g ləa-ləa gə́ néndajije taa ne loo pəl-pəl lé wa. Mbata deḛ pana: Njesigənea̰ oo sí el, Njesigənea̰ uba ɓee lé ya̰ gə kya̰.

Ojee 12:11

Ma m’ula njéteggintaje taje ləm ləm, M’ar némḭdije d’ɔs goo na̰ goo na̰ ləma, M’ula dee gosotaje gə ndu njéteggintaje ləm tɔ.

Tel tura Godndu 13:6

Njetegginta əsé njeni neelé d’a tɔlee gə́ tɔl ya mbata yeḛ pata mba kar sí ɔsje ne Ala lə sí gə́ Njesigənea̰ rəw, yeḛ gə́ ar sí undaje loo mee ɓee gə́ Ejiptə teḛje ɔr sí ne kəi-kula-ɓər’g tɔɓəi rəw gə́ Ala lə sí gə́ Njesigənea̰ un ndia gə mba kar sí njaaje keneŋ lé debee neelé ndigi kar sí ubaje ya̰je. Togə́bè ɓa seḭ a kɔrje ne né gə́ majel mbuna sí’g tɔ.

Tel tura Godndu 27:15

Meeko̰ a koso dɔ dəw gə́ tɔl néndaji əsé ndil né gə́ léḛ gə́ tokə̰ji kəm Njesigənea̰’g ləm, gə́ to kula ra njegər goso kula ləm tɔ ɓa undá loo-kiya’g mba pole lé. Ndá koso-dəwje lai d’a kila dee keneŋ pana: A to togə́bè ya!

Tel tura Godndu 29:25

To mbata deḛ d’aw pole magəje ləm, d’unda barmba no̰ dee’g ləm tɔ, to magəje gə́ deḛ gər dee el ləm, Njesigənea̰ ar dee gə́ néka̰ dee el ləm tɔ.