2 Mbaije 17:8 - Maktub gə́ To gə Kəmee

⁸ Deḛ ndaji néjiɓeje lə ginkoji dəwje gə raŋg gə́ Njesigənea̰ tuba dee no̰ dee’g kédé ləm, gə néjiɓeje gə́ mbaije gə́ Israɛl ra lé ləm tɔ.

2 Mbaije 17:8 ပူးပေါင်းရင်းမြစ်များ

1 Mbaije 12:28

Gée’g gogo loo gə́ mbai ə̰ji ta mée’g togə́bè mba̰ ndá yeḛ léḛ larlɔr ar deḛ ndaji ne ŋgan maŋgje joo. Tɔɓəi yeḛ ula koso-dəwje pana: Kaw gə́ seḭ awje Jerusalem lé as bèe ŋga. Seḭ Israɛlje, aa ooje, Ala lə sí gə́ ar sí undaje loo mee ɓee gə́ Ejiptə teḛje lé ɓa to nee ya.

1 Mbaije 21:26

Yeḛ ra né gə́ mina̰ aree al dɔ loo, aw ne goo magə-poleje’g to gə́ Amɔrje gə́ Njesigənea̰ tuba dee no̰ Israɛlje’g bèe.

2 Mbaije 16:10

Akas, mbai lé aw Damas aw iŋga Tiglat-Pileser, mbai gə́ Asiri. Loo gə́ yeḛ oo loo-nékinjaməs gə́ to Damas ndá mbai Akas ula gə taree ar Uri, njekinjanéməs oo wɔjee ne loo-nékinjaməs lé ləm, gə loo rəa gə́ gəd ləm tɔ.

2 Mbaije 16:3

Yeḛ un dɔ gɔl mbaije gə́ Israɛl ndá ŋgonee ya kara yeḛ rée pər ndaji ne néraje gə́ mina̰ lə ginkoji dəwje gə́ Njesigənea̰ tuba dee no̰ Israɛlje’g lé.

2 Mbaije 17:19

Nɛ Judaje ya kara d’aa dɔ ndukunje lə Njesigənea̰, Ala lə dee el ndá dee d’un goo néjiɓeje gə́ Israɛlje ra lé tɔ.

2 Mbaije 17:40

Nɛ deḛ d’ila koji dɔ ta’g ləa el saar ndá deḛ d’un goo néjiɓeje lə dee gə́ kédé ya.

2 Mbaije 21:2

Yeḛ ra né gə́ majel kəm Njesigənea̰’g gə goo néraje gə́ mina̰ lə ginkoji dəwje gə raŋg gə́ Njesigənea̰ tuba dee no̰ Israɛlje’g kédé lé.

Pakɔsje 106:35

Deḛ lé pélé na̰ wəs-wəs gə ginkoji dəwje gə raŋg Ndaji ne néra dee ləm,

Teḛ-Raga 23:24

Seḭ a kundaje barmba no̰ magəje’g lə dee pai godo ləm, seḭ a raje kula kulaje ne rɔ sí ndòo kar deeje el ləm tɔ, seḭ a ndajije kula ra dəwje neelé el, nɛ tuji ɓa seḭ a tuji deeje ləm, a tədje néndajije lə dee gə́ to magəje lé njigi-njigi ləm tɔ.

Jeremi 10:2

Njesigənea̰ pa togə́bè pana: Maji kar sí ndajije panjaa njépole-magəje el ləm, Ɓəlje nétɔjije gə́ mee dara’g el ləm tɔ, Mbata néje neelé njépole-magəje ɓəl dee.

Ejekel 5:6

Njé gə́ Jerusalem d’al dɔ godnduje lə neḛ gə dɔ ndukunje lə neḛ d’ar ta gə́ wa dɔ dee lé ur dɔ ka̰ ginkoji dəwje gə raŋg’g gə ɓeeje gə́ gugu dɔ dee. Mbata deḛ d’ə̰ji godnduje lə neḛ bəḭ-bəḭ ləm, deḛ njaa gə goo ndukunje lə neḛ el ləm tɔ.

Ojee 5:11

Ta gə́ gaŋg dɔ Eprayimje’g lé Ula busu dɔ dee’g təd dee ne rém-rém Mbata deḛ ndolè goo tornduje gə́ lel dee ɓa.

Ləbije 18:3

Seḭ a raje né to gə́ njé gə́ Ejiptə loo gə́ seḭ síje keneŋ kédé lé el ləm, seḭ a raje né tana gə néra Kana̰je loo gə́ m’a gə kaw sə sí keneŋ lé el ləm tɔ, seḭ a ndajije néraje lə dee nda̰ el.

Ləbije 26:1

Seḭ a ndajije magəje nda̰ el ləm, seḭ a tɔlje magəje gə́ to ər əsé a kuruje mbal tar ndaŋgje né keneŋ el ləma, seḭ a tɔlje mbal gə́ ndaji né keneŋ kára kara mee ɓee’g lə sí gə mba kunda barmba nea̰’g el ləm tɔ, mbata ma m’to Njesigənea̰, Ala lə sí ya.

Misee 6:16

Seḭ ndolèje goo néjiɓeje lə Ɔmri ləm, Gə néraje lə njémeekəije lə Akab ləma, Seḭ njaaje goo ta kwɔji kəmkàrje’g lə dee ləm tɔ. Gelee gə́ nee ɓa m’a kya̰ sí ne dan tuji’g ləm, M’a kar dəw-mee-ɓeeje lə sí Tel to ne nékogo lə dəwje ləm tɔ.

Tel tura Godndu 18:9

Loo gə́ seḭ a ka̰dje mee ɓee’d gə́ Ala lə sí gə́ Njesigənea̰ a kar sí lé ndá seḭ a ndooje gə mba ndajije néraje gə́ mina̰ gə́ ginkoji dəwje gə raŋg neelé ra lé el.