2 Mbaije 17:4 - Maktub gə́ To gə Kəmee

⁴ Nɛ mbai gə́ Asiri oo to gə́ ta kula njuma̰ to mee kəi’g lə Ojee: mbata Ojee lé ula njékaḭkulaje rɔ mbai gə́ Ejiptə gə́ ria lə Sɔ ləm, yeḛ mbad kuga mbai gə́ Asiri lé lar-gədɓee gə́ gə ləb-ləb lé ləm tɔ. Bèe ɓa mbai gə́ Asiri lé wá təa gə kúla lar ilá daŋgai’g.

2 Mbaije 17:4 ပူးပေါင်းရင်းမြစ်များ

2 Mbaije 17:3

Salmanasar, mbai gə́ Asiri ḭ aw rɔ səa ndá tədee rɔ, bèe ɓa Ojee ula dəa nea̰’g ləm, uga lar-gədɓee aree ləm tɔ.

2 Mbaije 17:5

Tɔɓəi mbai gə́ Asiri aw gə mee ɓeeje lai ləm, yeḛ ɔr rɔ aw rɔ ɓee gə́ Samari aḭ dəa kɔr-kɔr as ləb munda.

2 Mbaije 18:21

Aa oo, i ɔm məəi dɔ Ejiptə’g, i gəd rɔi dɔ twatɔg nee gə́ təd gə́ ɔs ji nana ɓa gə́ njegəd rəa dɔ’g mbudu lé. Parao̰, mbai gə́ Ejiptə lé to togə́bè mbata dəwje lai gə́ d’ɔm meḛ dee dəa’g lé.

2 Mbaije 24:1

Mee ləb ko̰ɓee’g lə Jojakim lé Nebukadnesar, mbai gə́ Babilɔn ɔr rɔ aw rɔ səa. Jojakim ula dəa nea̰’g as ləb munda ɓa yeḛ tel ḭ səa ɔsee rəw ɓəi.

2 Mbaije 24:20

Néje neelé teḛ togə́bè gə goo oŋg lə Njesigənea̰ gə́ oso dɔ njé gə́ Jerusalem gə njé gə́ Juda mbata yeḛ ndigi kɔs dee nea̰’g rəw tɔ. Tɔɓəi Sedesias ḭ ɔs mbai gə́ Babilɔn lé rəw tɔ.

2 Mbaije 25:7

Ŋgalə Sedesias lé deḛ tḭja gwɔs dee kəmee’g ya, tɔɓəi deḛ tɔr guburu kəm Sedesias ləm, deḛ təa gə kúla lar gə́ kas ləm tɔ, d’aw səa Babilɔn.

2 Sôrta Gḭka Israɛlje 32:11

See Ejekias su kəm sí gə mba kɔm sí ne ta yoo’g gə ta ɓoo-boo’g gə ta kṵdaman’g loo gə́ yeḛ pana: Ala lə sí gə́ Njesigənea̰ a kɔr sí ji mbai gə́ Asiri’g lé el wa.

Ojee 10:4

Deḛ lé pa taje budu-budu ləm, D’ubu rɔ dee gə taŋgɔm Loo gə́ deḛ man ne rɔ dee d’ar na̰ ləm tɔ. Togə́bè ɓa bo̰ néra dee kara A kuba dee naŋg bus to gə́ kag-táaje Gə́ d’uba dɔ ɓaije gə́ mee ndɔ’g bèe.

Ojee 12:2

Lel ɓa gə́ nésɔ lə Eprayimje ləm, Deḛ d’aḭ goo lel gə́ ḭ bər’g ləm tɔ, Gə ndɔ dee ndɔ dee lé deḛ d’ar taŋgɔm Gə néra gə́ kərm-kərm ɓa d’ḭ dɔ maree’d gə́ kédé-kédé. Deḛ d’ɔm na̰’d gə Asirije ləm, Deḛ d’odo ubu d’aw ne Ejiptə ləm tɔ.

Ojee 13:10

See mbai lə sí lé si loo gə́ ra’g ɓəi wa. Maji karee taa dɔ sí mee ɓee-booje’g lə sí lai! See njégaŋ-rəwtaje lə sí gə́ seḭ ula deeje pajena: Ar síje mbai gə ŋgan-mbaije lé d’əd ra ɓəi wa.

Ojee 8:10

Lée deḛ lèbè kəm ginkoji dəwje gə raŋg gə nékarje kara Ɓasinè m’a mbo̰ dee dɔ na̰’d. Waga ndá d’a si dan némeeko̰’g gin nékodo gə́ wɔi’g Gə́ mbai dɔ njékaa dɔ dəb ɓeeko̰je D’a gə kunda dɔ dee’g.

Tel tura Godndu 28:36

Njesigənea̰ a kar sí awje gə mbai gə́ seḭ a kundaje dɔ sí’g par gə́ rɔ ginkoji dəwje gə́ seḭ gə bɔ síje-je gər deeje el. Ndá lée’g neelé ɓa seḭ a poleje magəje gə́ to kagje əsé mbalje keneŋ ya.