2 Mbaije 13:6 - Maktub gə́ To gə Kəmee

⁶ Nɛ deḛ d’ya̰ goo kaiya ra gel-bɔje lə Jeroboam gə́ yeḛ ar Israɛlje ra lé el, deḛ d’ula rɔ dee keneŋ mbiriri ləm, d’ar magə-Astarté to tar mee ɓee gə́ Samari’g ləm tɔ.

2 Mbaije 13:6 ပူးပေါင်းရင်းမြစ်များ

1 Mbaije 14:16

Yeḛ a sula Israɛlje sɔgɔ kya̰ dee mbata kaiyaje gə́ Jeroboam ra ləm gə kaiyaje gə́ yeḛ ar Israɛlje kara ra ləm tɔ.

1 Mbaije 15:3

Yeḛ ya̰ rəa yag dan kaiyaje lai gə́ bɔbeeje ra kédé nea̰’g lé ndá yeḛ ar mée gə́ tḛ́ bèe ya kara to dɔ Njesigənea̰, Ala’g lé ləa to gə́ keaje Dabid bèe el.

1 Mbaije 16:26

Yeḛ un dɔ gɔl Jeroboam, ŋgolə Nebat lad-lad ləm, yeḛ ya̰ rəa yag dan kaiyaje gə́ Jeroboam ar Israɛlje kara ra d’ar mee Njesigənea̰, Ala lə Israɛlje lé ḭ ne səa pu dɔ dee’g mbata magəje lə dee lé ləm tɔ.

1 Mbaije 16:33

yeḛ ra kag-magə gə́ ɓaree Asera ləm tɔ. Akab lé ra majel aree ur dɔ néra mbaije gə́ Israɛl gə́ d’isi nea̰’g kédé lé lai ya tɔɓəi, ar mee Njesigənea̰ Ala lə Israɛlje ḭ ne səa pu dəa’g tɔ.

2 Mbaije 10:29

Nɛ yeḛ ya̰ goo kaiyaje lə Jeroboam, ŋgolə Nebat gə́ yeḛ ar Israɛlje ra lé el ləm, larlɔr gə́ léḛ ndaji ne ŋgan maŋgje gə́ d’unda dee Betel gə Dan lé kara yeḛ uba dee ya̰ dee el ləm tɔ.

2 Mbaije 13:11

Yeḛ ra né gə́ majel kəm Njesigənea̰’g, yeḛ ya̰ goo kaiya gə́ Jeroboam, ŋgolə Nebat ɔs ne Israɛlje ar dee ra lé kára kara el, yeḛ ula rəa keneŋ mbiriri ya.

2 Mbaije 13:2

Yeḛ ra né gə́ majel kəm Njesigənea̰’g ra ne kaiya gə́ Jeroboam, ŋgolə Nebat ra ɔs ne Israɛlje ar dee ra lé to ɓó yeḛ ya̰ goo kaiya neelé el ya saar.

2 Mbaije 17:16

Deḛ d’uba ndukunje lə Njesigənea̰, Ala lə deḛ lai d’ya̰ ləm, dee léḛ larndul ndaji ne ŋgan maŋgje joo mbata lə dee ləm, dee ra magəje gə́ ri dee lə Astarte ləm, dee d’unda barmba dəb kəm dee naŋg no̰ boo-néje’g lai gə́ dara ləma, dee ra né d’ar magə-Baal ləm tɔ.

2 Mbaije 18:4

Yeḛ tuji dɔ looje gə́ ndəw ləm, yeḛ təd mbalje gə́ tɔl gə́ néndajije ləma, yeḛ tuga ɗira magəje gaŋg ləm tɔ: tɔɓəi néndaji li gə́ Moyis léḛ gə́ larkas lé kara yeḛ təd njigi-njigi to mbata mee ndəaje’g neelé Israɛlje tuu néje gə́ ə̰də sululu d’aree ləm, d’unda ria lə Nehustan ləm tɔ.

2 Mbaije 21:3

Yeḛ tel uba dɔ looje gə́ ndəw gə́ bɔbeeje Ejekias tuji dee kédé lé ləm, yeḛ unda loo-nékinjanéməsje ar magə-Baal ləm, yeḛ ra magə-Astarté to gə́ Akab, mbai gə́ Israɛl ra ləma, yeḛ unda barmba no̰ boo-néje lai gə́ dara pole dee ne ləm tɔ.

2 Mbaije 23:4

Mbai un ndia ar Hilkija, ŋgɔ-njekinjanéməs ləm, gə njékinjanéməsje gə́ njéla səaje ləma, gə njéŋgəm takəije ləm tɔ gə mba kar dee teḛ gə néje gə́ to mee kəi’g lə Njesigənea̰ gə́ deḛ ra mbata lə magə-Baal ləm, gə mbata lə magə-Astarté ləma, gə mbata lə boo-néje lai gə́ dara ləm tɔ ndá yeḛ aw roo dee gir ɓee gə́ Jerusalem mee wəl-loo gə́ Sedro̰ tɔɓəi yeḛ ar dee d’odo bu dee d’aw ne d’aw d’ɔm Betel tɔ.

Esai 26:10

Njémeeyèrje lé ɓó lé dəw oo kəmtondoo lə dee ndá Deḛ ndoo rəw néra gə́ danasur el, Deḛ d’ya̰ rɔ dee yag dan néra gə́ majel’g Mee ɓee gə́ néra gə́ danasur to keneŋ tɔ ndá, Deḛ d’oo boo-ronduba lə Njesigənea̰ gə́ né el.

Tel tura Godndu 7:5

Nɛ aa ooje, né gə́ seḭ a raje kaareeje to ɓəd kəm dee’g ɓa nee: Seḭ a tɔsje loo-nékinjanéməsje lə dee tilaje ləm, seḭ a tədje néndajije lə dee ləm, seḭ a tɔje magəje lə dee pɔs-pɔs ləma, seḭ a rooje magəje lə dee gə́ deḛ tɔl dee lé ləm tɔ.