2 Mbaije 13:5 - Maktub gə́ To gə Kəmee

⁵ Bèe ɓa Njesigənea̰ ar dee njetaa dɔ dee kɔm dee tar. Israɛlje teḛ meḛ ji Aramje’g ndá deḛ d’isi gə meelɔm mee kəi-kubuje’g lə dee to gə́ kédé lé ya.

2 Mbaije 13:5 ပူးပေါင်းရင်းမြစ်များ

2 Mbaije 13:25

Ɓee-booje gə́ Ajael taa ji Joakas gə́ to bɔ Joasje loo rɔ’g lé Joas, ŋgolə Joakas tel taa dee ji Ben-Adad, ŋgolə Ajael’g gogo. Joas rɔ səa as gɔl munda ndá yeḛ taa ɓee-booje lə Israɛl lé gogo tɔ.

2 Mbaije 14:25

Yeḛ tel unda kəm rəw-nim-ɓee gə́ Israɛl, un kudee loo kandə mee ɓee gə́ Amat saar teḛ ne ta baa-boo-kad gə́ to ndag-loo’g gə goo ta gə́ Njesigənea̰, Ala lə Israɛlje pa gə ndu kura ləa gə́ Junas, njetegginta gə́ to ŋgolə Amitai, dəw gə́ Gat-Eper lé.

2 Mbaije 14:27

Nɛ Njesigənea̰ wɔji mée’g njaŋg gə mba tuji ri Israɛlje dɔ naŋg nee el, gelee gə́ nee ɓa yeḛ ɔm dee ne tar gə rəw gə́ rɔ Jeroboam, ŋgolə Joas’g lé gə mbəa.

1 Sôrta Gḭka-Israɛlje 11:2

Kédé lé loo gə́ Sawul to ne mbai lé i ɓa to njekɔrno̰ Israɛlje mba kaw sə dee raga ləm, gə tel sə dee ɓée ləm tɔ. Bèe ɓa Njesigənea̰, Ala ləi ulai ne pana: I a kul dəwje ləm gə́ Israɛl ləm, i a to mbai dɔ koso-dəwje ləm ləm tɔ.

Nehemi 9:27

Yee ɓa i uba dee ya̰ dee ne ji njéba̰je’g lə dee Ar dee d’ula kəm dee ndòo. Nɛ mee ndɔ néurti’g lə dee lé deḛ no̰ gə́ rɔi’g Ndá i oo ndu dee mee dara gə́ tar Tɔɓəi gə goo boo-meekɔrjol ləi lé I ar dee njétaa dɔ deeje Gə́ d’aji dee ji njéba̰je’g lə dee tɔ.

Este 4:14

Mbata ɓó lé i si dɔ mundu lal pata ɓasinè ndá né gə́ a la gə Jibje əsé né gə́ a kɔr dee kɔm dee tar a kḭ loo gə́ raŋg’d ya nɛ i seḭ gə njémeekəije lə bɔbije lé seḭ a kuduje guduru. See na̰ gər wa. Né gə́ a gə teḛ togə́bè lé banelə yee ɓa to gin ree gə́ i ree si ne loo ko̰ɓee’g ɓasinè gə mbəa.

Teḛ-Raga 4:10

Moyis ula Njesigənea̰ pana: Ǝi Mbaidɔmbaije, ma lé m’to dəw gə́ njetakwɔi. Né neelé un kudee tagə́nè el ləm, ndɔkanona el ləma, to mee ndəa gə́ i un kudu kwɔji ne ta gə kura ləi lé el ləm tɔ, mbata tam gə ndo̰m wɔi yaa̰ ya.

Esai 19:20

Yee ɓa a to nétɔji gə nékɔrgoota lə Njesigənea̰ gə́ njeboo-néje mee ɓee gə́ Ejiptə tɔ. D’a no̰ ɓar Njesigənea̰ mbata lə deḛ gə́ to njékula kəm dee ndooje ndá yeḛ a kar dee njekaji dee ləm, gə njekaḭ bada dɔ dee’g mba kɔm dee ne tar ləm tɔ.

Abdias 1:21

Njétaa dee kɔm dee tarje lé d’a tuga loo kaw dɔ mbal gə́ Sio̰ gə mba gaŋg rəwta dɔ mbal’g lə Esawu. Ndá loo ko̰ɓee lé a to ka̰ Njesigənea̰ ya.

Lugu 2:11

Kàr gə́ ɓogənè ɓa d’oji njekaji sí mee ɓee-boo’g lə Dabid d’ar sí, yeḛ to Kristi, Mbaidɔmbaije lé.

Tel tura Godndu 19:4

Godndu neelé wɔji dɔ dəw gə́ njetɔl maree gə́ wá mée’g kédé el ləm gə to jeba̰ ləa kédé el ləm tɔ ndá debee neelé a kaḭ kaw keneŋ gə mba kaji rəa ya.

1 Samel 12:11

Yen ŋga Njesigənea̰ ula Jerubaal, gə Bedan, gə Jepte, gə Samel ndá yeḛ ɔr sí ne ji njéba̰je’g lə sí gə́ gugu dɔ sí sub ar sí síje ne lɔm.

1 Samel 19:7

Jonatan ɓar Dabid ɔr goo taje neelé lai aree ndá yeḛ aw səa rɔ Sawul’g ar Dabid aar nea̰’g to gə́ kédé lé ya.