2 Mbaije 12:4 - Maktub gə́ To gə Kəmee

⁴ Nɛ dɔ looje gə́ ndəw ɓa yeḛ ar dee godo el, koso-dəwje d’aw d’inja nékinjanéməsje gə́ ka̰ roo keneŋ ləm, deḛ tuu néje gə́ ə̰də sululu dɔ looje gə́ ndəw’g lé ya ɓəi ləm tɔ.

2 Mbaije 12:4 ပူးပေါင်းရင်းမြစ်များ

1 Mbaije 3:2

Koso-dəwje d’inja nékinjanéməsje dɔ looje gə́ ndəw’g ya kára ba mbata saar mee ndəa’g neelé deḛ ra kəi gə mbata ri Njesigənea̰ el ɓəi.

1 Mbaije 3:3

Salomo̰ unda Njesigənea̰ dan kəmee’g ləm, gə un néraje lə bɔbeeje gə́ Dabid lad ləm tɔ. Nɛ né kára ba lé dɔ looje’d gə́ ndəw ya kára ba ɓa yeḛ inja nékinjanéməsje keneŋ ləm, yeḛ roo néje gə́ ə̰də sululu keneŋ ləm tɔ.

1 Mbaije 7:1

Salomo̰ unda kəi ləa-yeḛ ya tɔɓəi saar as ləb dɔg-giree-munda ɓa yeḛ tɔl kəi ləa lé bém ɓəi.

2 Mbaije 12:18

Mee ndəa gən lé Ajael, mbai gə́ Siri ɔr rɔ aw rɔ gə Gatje ndá yeḛ dum dee. Ajael wɔji mée’g mba kaw rɔ gə Jerusalem tɔ.

2 Mbaije 12:5

Joas ula njékinjanéməsje pana: Larje lai gə́ d’unda gə kəmee d’odo ree ne kəi lə Njesigənea̰ gə́ to lar kuga dɔ dəwje gə goo kwɔji gə́ d’wɔji mee ndəa’g neelé ləm, gə larje lai gə́ dəwje d’ḭ ne gə meḛ dee ree ne mee kəi’g lə Njesigənea̰ ləm tɔ lé

2 Mbaije 14:4

Né kára ba lé, dɔ looje gə́ ndəw lé yeḛ ar dee godo el, dəwje d’aw d’inja nékinjanéməsje gə roo néje gə́ ə̰də sululu dɔ looje gə́ ndəw’g lé ya ɓəi.

2 Mbaije 15:4

Nɛ lé bèe kara dɔ looje gə́ ndəw lé yeḛ ar dee godo el, dəwje d’aw d’inja nékinjanéməsje gə roo néje gə́ ə̰də sululu dɔ looje gə́ ndəw’g lé ya ɓəi.

2 Mbaije 16:4

Yeḛ inja nékinjanéməsje gə tuu néje gə́ ə̰də sululu dɔ looje gə́ ndəw’g ləm, gə dɔdərlooje’g ləma, gə gel kagje lai gə́ to təb’g ləm tɔ.

2 Mbaije 17:11

Lée neelé ɓa deḛ roo néje gə́ ə̰də sululu keneŋ dɔ looje gə́ ndəw’g lai to gə́ ginkoji dəwje gə raŋg gə́ Njesigənea̰ tuba dee no̰ dee’g kédé ra lé, yee ɓa néra deeje gə́ majel lé ar oŋg lə Njesigənea̰ ḭ ne səa pu dɔ dee’g gə mbəa.

2 Mbaije 22:4

Yeḛ ulá pana: Maji kari aw rɔ Hilkija gə́ to ŋgɔ-njekinjanéməs lé aree oo goo lar gə́ deḛ ree ne kəi lə Njesigənea̰ ləm, gə lar gə́ njéŋgəm takəije taa ji koso-dəwje’g lé ləm tɔ.

1 Sôrta Gḭka-Israɛlje 18:11

Mbai Dabid lé unda néje neelé gə kəmee ar Njesigənea̰ na̰’d gə larnda gə larlɔr gə́ yeḛ taa ji ginkoji dəwje gə raŋg’g lai gə́ yeḛ dum dɔ deḛ gə rɔ kédé gə́ to Edɔmje ləm, gə Moabje ləm, gə Amo̰je ləm, gə Pilistije ləma, gə Amalekje ləm tɔ.

1 Sôrta Gḭka-Israɛlje 29:17

Ǝi Ala ləm, ma m’gər gao, i to njenaa meekuru lə dəw ləm, i ndigi néra gə́ gə dɔ najee ləm tɔ, gelee gə́ nee ɓa ma m’ḭ gə məəm m’un nékarnojije lai neelé m’ari gə meekarabasur ləm, ɓasinè ma m’oo koso-dəwje ləi lai gə́ d’aar keneŋ kara d’ḭ gə meḛ dee d’un nékarnojije lə dee d’ari ləm tɔ lé ndá ɓasinè rɔm lelm ne yaa̰ ya.

2 Sôrta Gḭka Israɛlje 15:18

Larnda gə larlɔr gə joje gə́ bɔbeeje unda dee gə kəmee ləm, yeḛ nja kara unda dee gə kəmee ləm tɔ lé yeḛ ree ne mee kəi-Ala’g:

2 Sôrta Gḭka Israɛlje 31:12

Deḛ ree gə nékarje gə ta néje gə́ dɔg ɓa kun təa kára-kára kar, gə néje gə́ to gə kəmee lé. Konania gə́ to Ləbi lé to njekaa dɔ néje neelé ar ŋgokea̰ Simei to njekɔm’g joo ləa.

2 Sôrta Gḭka Israɛlje 35:2

Yeḛ unda njékinjanéməsje ta-kulaje’g lə dee ndá yeḛ ula diŋgam meḛ dee’g gə mba kar dee ra kula gə́ wɔji dɔ kəi lə Njesigənea̰ lé.

Esdras 1:6

Dəwje lai gə́ d’isi gugu dɔ dee sub lé d’ar dee néje gə́ ra gə larnda gə larlɔr ləm, gə némajije ɓəd-ɓəd ləm, gə nékulje ləm, gə néje gə́ gad dee to yaa̰ ləma, gə nékarje gə́ d’ḭ gə meḛ dee d’ar ləm tɔ.

Esdras 2:69

Deḛ d’ar gə goo nékiŋgaje lə dee lə dee, larlɔr gə́ d’unda ria lə darik as tɔl-dɔg-loo rɔ-misa̰ giree-kára (61.000) ləm, gə ŋgan larnda as nékwɔji kwɔi-lə-né tɔl-dɔg-loo joo gə dəa tɔl-mi (2.500) ləma, gə kubuje gə́ wɔji dɔ njékinjanéməsje as tɔl (100) ləm tɔ ndá d’ɔm néje neelé mee kəi-ŋgəm-lar gə́ wɔji dɔ kula neelé.

Esdras 7:16

gə larnda gə larlɔr gə́ i a kiŋga mee dəb ɓeeko̰ gə́ Babilɔn ləma, gə nékarje gə́ koso-dəwje gə njékinjanéməsje d’ḭ gə meḛ dee d’ar mba ra ne kəi-Ala lə dee gə́ to Jerusalem ləm tɔ.

Teḛ-Raga 35:22

Diŋgamje kara ree to gə́ denéje ree bèe ya, deḛ lai gə́ d’wɔji meḛ dee’g lé d’odo néje gə́ ta ndarje’g ləm, gə mbaiŋgiraje ləm, gə ŋgamaje ləm, gə niŋgáje ləma, gə néje gə́ raŋg ɓəd-ɓəd gə́ ra gə larlɔr ləm tɔ, nana kara ar nékarnoji gə́ to larlɔr gə́ yeḛ ɔr unda gə kəmee ar Njesigənea̰ lé.

Teḛ-Raga 35:29

Israɛlje lai, diŋgamje gə denéje kara deḛ gə́ meḛ dee ɔs dee ɓɔḭ-ɓɔḭ mba kar dee ra né mbata lə kula gə́ Njesigənea̰ un ne ndia ar dee gə ndu Moyis ya ndá deḛ ree gə nékarnojije lə dee gə́ d’ḭ ne gə meḛ dee d’ar Njesigənea̰ lé tɔ.

Teḛ-Raga 35:5

Odoje ta néje lə sí gə́ nékarnoji mbata lə Njesigənea̰. Nana ɓa gə́ mée ulá ndá a ree gə nékarnoji kar Njesigənea̰ togə́bè: larlɔr ləm, gə larnda ləma, gə larkas ləm tɔ,

Teḛ-Raga 36:3

Nékarnojije gə́ Israɛlje ree ne mba ra ne kula gə́ wɔji dɔ kəi-kubu-si-Ala lé deḛ taa ji Moyis’g. Teḛ gə ndɔ gə ndɔje kára-kára lai lé dəwje ree gə nékarnojije gə́ d’ḭ ne gə meḛ dee d’ar Moyis.

Ləbije 27:31

Ɓó lé dəw gə́ ndigi kuga dɔ né gə́ kára mbuna néje gə́ dɔg’d kun təa kára k’ar lé ndá yeḛ a kila lar dɔ maree’g gə goo gadee gə́ kaiyee loo mi ɓa d’un təa kára d’ar lé.

Lugu 21:4

mbata deḛ lai neelé ta néje lə dee gə́ as dee nag ɓa d’ḭ d’ɔm kən ɓəi, nɛ yeḛ neelé ɓai nékiŋga gə́ a gə ŋgəm ne rəa ya odo lɔd ɔm kən mba̰.