2 Mbaije 11:8 - Maktub gə́ To gə Kəmee

⁸ Seḭ a guguje dɔ mbai sub kar nana kara a kaar gə nérɔ ləa jia’g-jia’g mba kar dəw gə́ raŋg gə́ a dəs dan loo-kaar sí’g nee ndá seḭ a tɔleeje, seḭ a tɔsje rɔ sí dém-dém kaḭje ne dɔ mbai, loo gə́ a gə teḛ raga əsé a gə kandə kəi lé tɔ.

2 Mbaije 11:8 ပူးပေါင်းရင်းမြစ်များ

2 Mbaije 11:15

Yen ɓa Jeojoda, njekinjanéməs un ndia ar ɓé-njérɔje gə́ tɔl-tɔl (100) gə́ to njékaa dɔ njérɔje lai lé pana: Areeje ḭ loo-kaar sí’g teḛ raga ndá nana ɓa gə́ aw gée’g lé seḭ a tɔleeje gə kiambas ya. Mbata njekinjanéməs lé pana: Maji kar dee tɔlee mee kəi’g lə Njesigənea̰ el.

2 Mbaije 11:7

Kudu sí gə́ joo gə́ raŋg gə́ tɔl kula lə dee gə ndɔ-kwa-rɔ lé ndá d’a ŋgəm kəi lə Njesigənea̰ mbɔr mbai’g.

2 Sôrta Gḭka Israɛlje 23:7

Ləbije d’a gugu dɔ mbai lé sub, nana kara a kaar gə nérɔ jia’g jia’g mba kar nana ɓa gə́ ndigi kandə mee kəi’g ndá d’a tɔlee: seḭ a kaarje mbɔr mbai’g loo gə́ yeḛ a gə kandə kəi əsé loo gə́ yeḛ a gə teḛ raga tɔ.

Teḛ-Raga 21:14

Nɛ ɓó lé dəw wɔji mée’g mba ra gosɔyèr tɔl ne maree ndá lé gə́ loo-nékinjaməs’g ləm ya kara i a kɔree keneŋ mba tɔlee ya.

Bula lə Israɛlje 27:16

Maji kar Njesigənea̰, Ala gə́ njekar dəwje lai d’aw kəmba lé ɔr dəw kára undá dɔ koso-dəwje’g

Bula lə Israɛlje 27:17

mba karee teḛ no̰ dee’g aw raga ləm, gə tel no̰ dee’g ree ɓee ləm tɔ, mba karee ɔr no̰ dee teḛ sə dee raga ləm, ɔr no̰ dee tel sə dee ɓee ləm tɔ, bèe ɓa mba kar koso-dəwje lə Njesigənea̰ lé d’a to kasəna gə badje gə́ njekul dee godo lé bèe el.