2 Mbaije 11:2 - Maktub gə́ To gə Kəmee

² Nɛ Joseba, ŋgolə mbai Joram, gə́ to kɔnan Ahajiaje lé un Joas, ŋgolə Ahajia dan ŋgalə mbai’g loo gə́ d’aw tɔl dee lé: yeḛ unee iyá na̰’d gə njeŋgəmee mee kəi-to’g. Yeḛ iya rəa togə́bè kəm Atali’g ndá ar dee d’oo loo tɔlee el tɔ.

2 Mbaije 11:2 ပူးပေါင်းရင်းမြစ်များ

1 Mbaije 11:17

Yen ŋga Adad aḭ gə Edɔmje gə́ to kuraje lə bɔbeeje aw sə dee Ejiptə. Adad lé nai gə́ diŋgam gə́ gɔ ya ɓəi.

1 Mbaije 6:10

Kəije kára-kára lai gə́ to dɔ maree’d gə́ gugu gir kəi gə́ to gə kəmee lé yeḛ ar dər dee gə́ ḭ gə́ tar as kəmkil dəw mi, tɔɓəi yeḛ nduna dee kaar kəi gə́ to gə kəmee’g lé gə kunda kag-sɛdrəje tɔ.

1 Mbaije 6:8

Tarəw kandə mee ŋgan kəije gə́ gel maree’g naŋg lé to gə́ kel dɔkɔl lə kəi, loo gə́ tuga ɗao-ɗao gə́ tar gə́ ɔr goŋ ɓa d’aw ne mee kəi gə́ dana gə́ dɔ maree’g lé ləm, gə kəi gə́ to dɔ maree’d gə́ njekɔm’g munda lé ləm tɔ.

2 Mbaije 11:3

Yeḛ iya rəa gə Joseba na̰’d mee kəi’g lə Mbaidɔmbaije as ləb misa̰, loo gə́ Atali ɓa o̰ ne ɓee lé.

2 Mbaije 12:1

Loo gə́ Joas ra ləb siri ndá yeḛ tel to mbai.

2 Mbaije 8:16

Mee ləb gə́ njekɔm’g mi gə́ Joram, ŋgolə Akab to ne mbai gə́ Israɛl lé Joram, ŋgolə Josapat, mbai gə́ Juda un kudu ko̰ɓee keneŋ.

2 Mbaije 8:19

Nɛ Njesigənea̰ ndigi tuji Juda el mbata Dabid, kura ləa, gə goo ndukun gə́ yeḛ un aree gə mba karee iŋga ne néndogó mbuna ŋganeeje’g lé.

1 Sôrta Gḭka-Israɛlje 3:11

Josapat oji Joram, Joram oji Ahajia, Ahajia oji Joas,

2 Sôrta Gḭka Israɛlje 22:11

Nɛ Josabeat, ŋgolə mbai gə́ dené un Joas, ŋgolə Akajia dan ŋgalə mbai’g loo gə́ d’aw tɔl dee’g lé, yeḛ ilá ji njeŋgəmee’g mee kəi gə́ tiraje to keneŋ. Bèe ɓa Josabeat, ŋgolə Joram, mbai gə́ dené gə́ to dené lə Jeojoda yeḛ gə́ njekinjanéməs ləm, gə ko̰ kɔnan Akajiaje ləm tɔ lé unee iya kəm Atali’g aree lal tɔlee.

Teḛ-Raga 8:3

Nɛ njéra némɔrije lé kara deḛ ra togə́bè tɔ, gə goo némɔrije lə dee lé. Deḛ d’ar kurkuduje tal mee ɓeeko̰ gə́ Ejiptə ya tɔ.

Gosota-Kəmkàrje 21:30

Kəmkàr əsé gosonégər əsé takwɔji-kəmkàr gə́ askəm kaar no̰ Njesigənea̰’g lé godo.

Esai 37:35

N’a kaḭ bada dɔ ɓee-boo’g neelé gə mba kajee mbata lə neḛ ləm, gə mbata lə kura lə neḛ Dabid ləm tɔ.

Jeremi 33:17

Mbata Njesigənea̰ pa togə́bè pana: Dabid a lal dəw gə́ njetaa toree mba si dɔ kalimbai’g mee kəi’g lə Israɛlje nda̰ el.

Jeremi 33:21

manrɔ ləm gə́ ma man m’ar Dabid, kura ləm lé kara a tuji togə́bè to mba kar ŋgonee gə́ a taa toree mba si dɔ kalimbai’g ləa ko̰ ne ɓee lé a godo ləm, manrɔ ləm gə́ ma man m’ar Ləbije gə njékinjanéməsje gə́ d’isi loo-kula’g ləm lé a tuji ləm tɔ.

Jeremi 33:26

ma m’a kuba ŋgaka Jakob, gə ŋgaka kura ləm Dabid kya̰ dee togə́bè ləm, mbuna ŋgakeaje’g lé m’a kɔr deḛ gə́ d’a gə ko̰ dɔ ŋgaka Abrakam, gə ka̰ Isaak, gə ka̰ Jakob el ŋga ləm tɔ. Mbata m’a kar njé’g lə dee gə́ d’aw ɓee-ɓər’g tel ree ɓée ləm, m’a koo kəmtondoo lə dee ləm tɔ.

Jeremi 35:2

Aw kəi lə gel-bɔje lə Rekab, aw ula dee ta, tɔɓəi ɔr no̰ dee aw sə dee mee kəi’g lə Njesigənea̰ ar dee d’aw d’isi mee ŋgon kəi gə́ kára’g. Yen ɓa a kar dee mán-nduú d’ai.

Jeremi 36:26

Mbai lé un ndia ar Jerameel, ŋgolə mbai ləm, gə Seraja, ŋgolə Asriel ləma, gə Selemia, ŋgolə Abdeel ləm tɔ mba kar dee d’wa Baruk, njendaji-maktub lə Jeremi gə Jeremi njetegginta lé. Nɛ Njesigənea̰ iya dee kág.

Ejekel 40:45

Yeḛ ulam pana: Ŋgon kəi nee gə́ təa to par gə́ dɔkɔl lé to mbata njékinjanéməsje gə́ to njékaa dɔ kəije ləm,

Njéga̰g-Rəwtaje 9:5

Yeḛ aw mee kəi’g lə bɔbeeje gə́ to Opra ndá yeḛ tɔl ŋgakea̰je gə́ to ŋgalə Jerubaal, gə́ d’as dəwje rɔ-siri lé dɔ mbal gə́ kára ba ya. Nɛ Jotam, ŋgolə Jerubaal gə́ ndɔḭ ɓa nai mbata yeḛ aḭ iya rəa.