2 Mbaije 10:9 - Maktub gə́ To gə Kəmee

⁹ Yeḛ teḛ gə ndɔ rad ndá, yeḛ aar no̰ koso-dəwje’g ula dee pana: Seḭ lé toje njéra nédanaje! Nɛ aa oo, ma lé ɓa m’o̰ njuma̰ mbai ləm m’tɔlee ne, nɛ deḛje neelé see na̰ ɓa tɔl dee wa.

2 Mbaije 10:9 ပူးပေါင်းရင်းမြစ်များ

2 Mbaije 10:6

Togə́bè ɓa Jehu ndaŋg maktub gə́ njekɔm’g joo ula ne ar dee pana: Ɓó lé seḭ toje kamaje ləm, gə seḭ ilaje koji dɔ ta’g ləm ləm tɔ ndá maji kar sí gaŋgje dɔ dəwje nee gə́ to ŋgalə ɓée síje reeje ne rɔm’g Jisreel bèlè kàr gə́ bèe ya amje. Mbata ŋgalə mbai gə́ d’as rɔ-siri lé d’isi mee kəi’g lə dəwje gə́ boo-boo gə́ mee ɓee-boo’g neelé d’ar dee ŋgəm dee keneŋ.

2 Mbaije 10:8

Njekula kára ree ula Jehu pana: Deḛ ree gə dɔ ŋgalə mbai lé ŋga. Ndá yeḛ ula dee pana: Ɔmje dɔ na̰’d loo joo tarəwkɔg’d saar bèlè gə ndɔ.

2 Mbaije 12:21

Kuraje lə Joas d’ḭ d’ula njuma̰ mee na̰’g dəa’g tɔɓəi deḛ tɔlee mee kəi gə́ Milo gə́ to loo gə́ suru ɗum gə́ aw par gə́ Sila tɔ.

Esai 5:3

Ɓasinè, seḭ gə́ síje Jerusalem Gə dəwje gə́ Juda lé Maji kar sí gaŋgje rəwta mbuna síjeḛ gə ndɔ-nduú’g ləm.

Ojee 1:4

Ndá Njesigənea̰ ulá pana: Maji kari unda ri ŋgon neelé lə Jisreel, Mbata waga ndá məs gə́ Jehu ila mee ɓee gə́ Jisreel lé M’a kar bea̰ ɔs ta gel-bɔje’g lə Jehu. Tɔɓəi m’a kar rudu ɓeeko̰ lə Israɛl un ɗiao tɔ.

1 Samel 12:3

Ma ya m’aar nee! Ɔrje goo néramje no̰ Njesigənea̰’g ləm, gə no̰ yeḛ’d gə́ yeḛ wa dəa gə ubu lé ləm tɔ. See na̰ ɓa m’taa maŋg ləa əsé na̰ ɓa m’taa mulayḛ̀je ləa wa. See na̰ ɓa m’ula kəmee ndòo əsé m’ra səa né gə́ kədərə wa. See na̰ ɓa m’taa né jia’g ɓa m’un ne kəm dəa’g wa. Ndá m’a tel ne kar sí ya.