2 Mbaije 10:7 - Maktub gə́ To gə Kəmee

⁷ Loo gə́ d’iŋga maktub neelé mba̰ ndá deḛ twa ŋgalə mbai gə́ rɔ-siri lé tɔl dee, tɔɓəi deḛ gaŋg dɔ dee d’ɔm mee karèje’g d’ula ne d’ar Jehu mee ɓee gə́ Jisreel lé ya tɔ.

2 Mbaije 10:7 ပူးပေါင်းရင်းမြစ်များ

1 Mbaije 21:19

I a kulá pana: Njesigənea̰ pa togə́bè pana: See i to njetɔl-dəw gə njeɓogo el wa. Tɔɓəi i a kulá pana: Njesigənea̰ pa togə́bè pana: Loo gə́ bisije to̰ məs Nabot keneŋ lé ya, bisije d’a to̰ məsi-i keneŋ togə́bè tɔ.

1 Mbaije 21:21

Aa oo, ta gə́ yeḛ pa wɔji ne dɔi ɓa nee: M’a kar némeeko̰ teḛ dɔi’g ləm, m’a kari godo ləma, dəw gə́ rara ɓa gə́ to ka̰ Akab lé, to gə́ ɓər əsé ŋgonkoji kara m’a tujee pugudu mee ɓee gə́ Israɛl ləm tɔ.

2 Mbaije 10:6

Togə́bè ɓa Jehu ndaŋg maktub gə́ njekɔm’g joo ula ne ar dee pana: Ɓó lé seḭ toje kamaje ləm, gə seḭ ilaje koji dɔ ta’g ləm ləm tɔ ndá maji kar sí gaŋgje dɔ dəwje nee gə́ to ŋgalə ɓée síje reeje ne rɔm’g Jisreel bèlè kàr gə́ bèe ya amje. Mbata ŋgalə mbai gə́ d’as rɔ-siri lé d’isi mee kəi’g lə dəwje gə́ boo-boo gə́ mee ɓee-boo’g neelé d’ar dee ŋgəm dee keneŋ.

2 Mbaije 10:8

Njekula kára ree ula Jehu pana: Deḛ ree gə dɔ ŋgalə mbai lé ŋga. Ndá yeḛ ula dee pana: Ɔmje dɔ na̰’d loo joo tarəwkɔg’d saar bèlè gə ndɔ.

2 Mbaije 10:9

Yeḛ teḛ gə ndɔ rad ndá, yeḛ aar no̰ koso-dəwje’g ula dee pana: Seḭ lé toje njéra nédanaje! Nɛ aa oo, ma lé ɓa m’o̰ njuma̰ mbai ləm m’tɔlee ne, nɛ deḛje neelé see na̰ ɓa tɔl dee wa.

2 Mbaije 11:1

Loo gə́ Atali, ko̰ Ahajiaje oo to gə́ ŋgonee wəi ndá yeḛ ḭ ar dee tɔl dee-deḛ lai gə́ to gel-bɔje lə mbai lé.

2 Sôrta Gḭka Israɛlje 21:4

Loo gə́ Joram o̰ ɓee tor bɔbeeje’g ləm, loo gə́ siŋga ɓeeko̰ ləa ŋgəŋ ləm tɔ ndá yeḛ tɔl ŋgakea̰je ləm, gə mbaije gə́ Israɛl gə́ d’isi Israɛl mbuna mar deeje’g ləm tɔ gə kiambas.