2 Mbaije 10:5 - Maktub gə́ To gə Kəmee

⁵ Yen ŋga mbai dɔ njémeekəije ləm, yeḛ gə́ njekaa dɔ ɓee-boo ləm, gə ŋgatɔgje ləma, gə njékaa dɔ ŋganje ləm tɔ, d’ula kula rɔ Jehu’g pana: Jeḛ n’to kuraje ləi ləm, néje lai gə́ i a kula sí lé j’a ra ya ləm tɔ, nɛ jeḛ j’a kundaje dəw kára kara gə́ mbai el. Ndá maji kari ra né gə́ məəi-i ya ndigi.

2 Mbaije 10:5 ပူးပေါင်းရင်းမြစ်များ

1 Mbaije 20:32

Deḛ tɔ kubu-kwa-ndòo reŋ dee’g ləm, deḛ tɔ dɔ dee gə kúla ləm tɔ ndá, d’ḭ d’aw rɔ mbai lə Israɛlje’g d’ulá pana: Kura ləi Ben-Adad ulai pana: Maji kari ya̰’m am m’isi kəmba ya kari! Akab tel ila dee keneŋ pana: See yeḛ si kəmba ya ɓəi wa. Yeḛ to ŋgokɔm ya.

1 Mbaije 20:4

Mbai lə Israɛlje tel ilá keneŋ pana: Mbai ləm, to gə́ i pa lé ma m’to kaḭ gə néje ləm lai gə́ m’iŋga lé ya.

2 Mbaije 10:6

Togə́bè ɓa Jehu ndaŋg maktub gə́ njekɔm’g joo ula ne ar dee pana: Ɓó lé seḭ toje kamaje ləm, gə seḭ ilaje koji dɔ ta’g ləm ləm tɔ ndá maji kar sí gaŋgje dɔ dəwje nee gə́ to ŋgalə ɓée síje reeje ne rɔm’g Jisreel bèlè kàr gə́ bèe ya amje. Mbata ŋgalə mbai gə́ d’as rɔ-siri lé d’isi mee kəi’g lə dəwje gə́ boo-boo gə́ mee ɓee-boo’g neelé d’ar dee ŋgəm dee keneŋ.

2 Mbaije 18:14

Ejekias, mbai gə́ Juda ula kula Lakis rɔ mbai gə́ Asiri’g pana: Ma m’ra né kára gə́ to lée’g el. Ɔr rɔi rɔm’g gə́ raŋg. Néje lai gə́ i a kwɔji dɔm’g lé m’a ra née ya. Yen ɓa mbai gə́ Asiri wɔji larnda as nékwɔji kwɔi-lə-né tɔl-dɔg-loo-jinaikara (9.000) ləm, gə larlɔr as nékwɔji kwɔi-lə-né tɔl-jinaikara (900) ləm tɔ dɔ Ejekias, mbai gə́ Juda’g.

Jeremi 27:17

Maji kar sí ooje ta lə dee el nɛ osoje gel mbai gə́ Babilɔn’g ndá seḭ a síje ne kəmba. See gelee ban ɓa ɓee-boo neelé a tel tuji pugudu wa.

Bula lə Israɛlje 11:12

See to ma nja ɓa m’əskèm dəwje neelé wa, see ma nja m’oji dee ɓa i ulam pana: M’odo dee kaarm’g asəna gə njekodo ŋgon ta mbà’g saar m’teḛ ne sə dee mee ɓee gə́ i man ne rɔi mba kar bɔ deeje-je lé wa.

Tagə́maji gə́ Ja̰ ndang 12:26

Dəw gə́ rara ɓa ɓó lé ndigi ra né kam ndá maji karee un rəw goom’g, bèe ɓa loo gə́ m’a si keneŋ ndá lé neelé kura ləm a si səm keneŋ tɔ. Dəw gə́ rara ɓa ɓó lé ra né am ndá Bɔm a kila riɓar dəa’g ya.

Jujé 9:11

Ŋgatɔgje lə sí gə koso-dəwje lai gə́ d’isi mee ɓee’g lə sí lé d’ula sí pana: Maji kar sí odoje nésɔje gə́ ka̰ sɔ njaa ne rəbə ji sí’g awje aw tilaje ne kəm dee ndá a kula deeje pajena: Jeḛ n’toje kuraje lə sí, ɓasinè maji kar sí ɔmje sə sí na̰’d.

Jujé 9:8

Deḛ d’ula Juje pana: Jeḛ n’toje kuraje ləi. Juje tel dəji dee pana: See seḭ toje na̰je wa. Esé see ḭje ra wa.