2 Mbaije 1:6 - Maktub gə́ To gə Kəmee

⁶ Deḛ d’ilá keneŋ pana: Dəw kára ya iŋga sí ula sí pana: Gə́ telje awje rɔ mbai’d gə́ ula sí lé uláje pajena: Njesigənea̰ pa togə́bè pana: See Ala lə Israɛlje godo ɓa i ula sí rɔ Baal-Jebub’d gə́ to magə gə́ Ekro̰ lé wa. Gelee gə́ nee ɓa dɔ tira gə́ i to keneŋ lé i a kuba naŋg keneŋ kḭ tar el mbata i a gə kwəi ya.

2 Mbaije 1:6 ပူးပေါင်းရင်းမြစ်များ

1 Mbaije 18:7

Loo gə́ Abdias nai gə rəw ɓəi ndá aa oo, Eli iŋgá. Abdias gəree ndá yeḛ oso naŋg bəbərə dəb kəmee naŋg pana: See to i mbai ləm Eli ya wa.

2 Mbaije 1:5

Njékulaje lé tel ree rɔ Ahajia’g ndá yeḛ dəji dee pana: See ban ɓa seḭ tel reeje ɓəi wa.

2 Mbaije 1:7

Ahajia dəji dee pana: Dəw gə́ ree iŋga sí ula sí ta neelé to dəw gə́ ban wa.

Pakɔsje 16:4

Dəwje d’ar magə-poleje lə dee ḭ dɔ maree’d gə́ kédé-kédé ləm, Deḛ d’aḭ gə́ rɔ magəje gə́ raŋg’d ləm tɔ, Məs nékinjanéməsje lə dee gə́ deḛ saga naŋg lé M’a saga sə dee pai godo ləm, Ri dee kara m’a karee teḛ tam’g el ləm tɔ.