2 Mbaije 1:2 - Maktub gə́ To gə Kəmee

² Ndɔ kára bèe Ahajia teḛ kəmbolè kəi-mbai’g ləa gə́ Samari gə́ to dɔ maree’g oso ar rəa tée yaa̰, yen ŋga yeḛ ula njékulaje ləa pana: Awje aw dəjije Baal-Jebub, magə gə́ Ekro̰ ooje, see doo gə́ m’iŋga neelé m’a kaji ne ya wa.

2 Mbaije 1:2 ပူးပေါင်းရင်းမြစ်များ

1 Mbaije 11:33

A to togə́bè mbata deḛ d’ubam d’ya̰m d’aw d’unda barmba no̰ Astarte gə́ to magə lə Sido̰je ləm, gə no̰ Kemos gə́ to magə lə Moabje ləm, gə no̰ Milkɔm gə́ to magə lə Amo̰je ləm tɔ mbata deḛ njaa gə goo torndumje el ləm, deḛ ra néje gə́ gə dɔ najee kəm’g gə mba kaa ne dɔ godnduje gə ndukunje ləm tɔ gə́ Dabid bɔ Salomo̰je bèe lé el ləm tɔ.

1 Mbaije 14:3

Odo pil muru dɔg ləm, gə mbəje ləma, gə ubu tə̰ji ku kára ləm tɔ aw ne kəi ləa ndá, a kulai né gə́ a gə teḛ dɔ ŋgon’g lé ɓəi.

1 Mbaije 22:34

Nɛ dəw kára ur ɓandaŋg ləa gə́ kur ya ndá wa mbai gə́ Israɛl lé mbuna kəm kubu-rɔ’g ləa. Mbai lé ula njekɔrno̰ pusu-rɔ ləa lé pana: Tel am m’teḛ loo-rɔ’d gə́ raga mbata m’iŋga doo.

1 Mbaije 22:40

Akab wəi ndá ŋgonee gə́ Ahajia ɓa o̰ ɓee toree’g ya.

2 Mbaije 1:16

Yeḛ ulá pana: Njesigənea̰ pa togə́bè pana: Mbata kula gə́ i ula njékulaje ar dee d’aw dəji Baal-Jebub, magə lə Ekro̰je ta to gə́ lə Ala gə́ kəm dəjee ta godo ɓee lə Israɛlje bèe neelé, dɔ tira gə́ i to keneŋ lé i a kḭ keneŋ kur naŋg el ŋga, i a kwəi kən ya.

2 Mbaije 1:3

Nɛ kura lə Njesigənea̰ ree ula Eli dəw gə́ Tisbe pana: Uba naŋg ḭta aw iŋga njékulaje lə mbai gə́ Samari lé dəji dee pana: See Ala lə Israɛlje godo ŋga ɓa seḭ aw dəjije Baal-Jebub, magə gə́ Ekro̰ ɓa ta wa.

2 Mbaije 1:6

Deḛ d’ilá keneŋ pana: Dəw kára ya iŋga sí ula sí pana: Gə́ telje awje rɔ mbai’d gə́ ula sí lé uláje pajena: Njesigənea̰ pa togə́bè pana: See Ala lə Israɛlje godo ɓa i ula sí rɔ Baal-Jebub’d gə́ to magə gə́ Ekro̰ lé wa. Gelee gə́ nee ɓa dɔ tira gə́ i to keneŋ lé i a kuba naŋg keneŋ kḭ tar el mbata i a gə kwəi ya.

2 Mbaije 17:16

Deḛ d’uba ndukunje lə Njesigənea̰, Ala lə deḛ lai d’ya̰ ləm, dee léḛ larndul ndaji ne ŋgan maŋgje joo mbata lə dee ləm, dee ra magəje gə́ ri dee lə Astarte ləm, dee d’unda barmba dəb kəm dee naŋg no̰ boo-néje’g lai gə́ dara ləma, dee ra né d’ar magə-Baal ləm tɔ.

Maktub gə́ wɔji dɔ Jɔb 31:3

See tuji lé wɔji dɔ njemeeyèr el wa. See meeko̰ wɔji dɔ njera né kori-kori el wa.

Pa gə́ ur dɔ paje 2:9

Yeḛ gə́ m’undá dan kəm’g lé To asəna gə arkas bèe ləm, Esé gə ŋgan ndooije bèe ləm tɔ. Aa oo, yeḛ aar gir ndògo-bɔrɔ’g lə sí, Yeḛ aa loo gə́ kəmbolè kəi’g ləm, Yeḛ aa loo kəm ba̰də lar’g ləm tɔ.

Esai 19:3

Ndil Ejiptəje a teḛ Ndá m’a tuji takə̰ji ko̰ɓee lə dee pugudu, D’a dəji magəje əsé njénékooje ta, Deḛ gə́ to njéɓar ndil dəwje gə́ d’wəi Gə njéndo̰-ərje gə́ d’a gə ree lé tɔ.

Esai 2:6

Mbata i Njesigənea̰ uba koso-dəwje ləi gə́ to ŋgaka Jakob ya̰ dee, Mbata ndil néje gə́ d’ḭ ne bər Ɓa taa meḛ dee pəl-pəl ləm, Deḛ d’ya̰ rɔ dee yag Dɔ tən ndil néje to gə́ Pilistije bèe ləma, Mbata deḛ d’ɔm na̰’d gə dəw-dɔ-ɓeeje Dɔ néra dee’g ləm tɔ.

Esai 37:12

See Gosan, gə Haran, gə Resep gə njé gə́ Edḛ gə́ d’isi Telasar gə́ bɔmje-je tuji dee lé see magəje lə ginkoji dəwje gə raŋg neelé taa dɔ dee wa.

Esai 37:19

d’ɔm magəje lə dee dan pər’g ya ləm tɔ, nɛ dee to Ala el, to néje gə́ ji dəwje ɓa ra dee gə kag əsé mbal, yee ɓa deḛ tuji dee ne ya.

Matiyo 10:25

Né gə́ deḛ ra gə mbai lé d’a ra gə njekwakilá ləm, né gə́ deḛ ra njekəi lé kara d’a ra gə ŋgonjelookisi ləa ləm tɔ. Njekəi ya ɓəi deḛ ɓaree Beeljebul ŋga see d’a ɓar njémeekəije ləa yèr-dəwje kundá yeḛ el wa.

Mark 3:22

Njéndaji-maktubje gə́ d’ḭ Jerusalem’g ree lé deḛ pana: Ndil Beeljebul taa mée, ar mbɔl dəa ɓa yeḛ tuba ne ndilje gə́ yèr neelé.

Lugu 11:15

Nɛ njé gə́ na̰je mbuna dee’g pana: Mbɔl dɔ Beeljebul, mbai lə ndilje gə́ majel lé ɓa yeḛ tuba ne ndilje gə́ majel lé meḛ dəwje’g.

Néra Njékaḭkulaje 20:9

Basa kára ria lə Etykus si ta kəmbolè’g tebdé bèe, nɛ ɓi oso kəmee’g pərəg mbata Pool ɔr ginta ar kuree əw yaa̰. Yeḛ lé suru gə ɓi jogè-jogè aree ḭ dɔ kəi gə́ to dɔ na̰’d munda lé oso naŋg parag ar dee ndɔree gə́ yée ya d’aw səa.

Jujé 15:11

Yee aw kəmee gə́ kédé par gə́ dəb loo gə́ dɔgel lə Ekro̰ ləm, aw par gə́ Sikaro̰ ləm, dəs kaar mbal gə́ Baala ləma, aw njal teḛ Jabneel gə mba kunda ŋgaŋgee baa-boo-kad’g ləm tɔ.

Njéga̰g-Rəwtaje 11:24

Né gə́ magə ləi gə́ to Kemos ari mba karee to kaḭ lé see i iŋga el wa. Ŋga néje lai gə́ Ala lə sí gə́ Njesigənea̰ unda no̰ sí’d gə́ ka̰ síjeḛ lé see j’a taaje el wa.

Njéga̰g-Rəwtaje 5:28

Ko̰ Siseraje aa loo kəmbolè’g Gə́ ba̰də lar to keneŋ gərərə oo ndá Yeḛ no̰ wəl pana: See gelee ban ɓa pusu-rɔ ləa ree kalaŋ el wa. See mba ɗi ɓa pusu-rɔje ləa d’aw jan-jan bèe wa.

1 Samel 5:10

Yen ŋga deḛ d’ula gə sa̰duk-manrɔ lə Ala ɓee-boo gə́ Ekro̰. Loo gə́ sa̰duk-manrɔ lə Ala teḛ Ekro̰ ndá njé gə́ Ekro̰ d’ila ndu dee naŋg wəl pana: Deḛ ree gə sa̰duk-manrɔ lə Ala lə Israɛlje mba kar sí j’wəije ne, jeḛ ləm gə dəwje lə sí ləm tɔ.