2 Mbaije 1:12 - Maktub gə́ To gə Kəmee

¹² Eli tel ilá keneŋ pana: Ɓó lé ma m’to dəw lə Ala ya ndá maji kar pər ḭ dara rooi gə njérɔje ləi gə́ rɔ-mi lé na̰’d ya. Léegəneeya pər lə Ala ḭ dara ree rée gə njérɔje ləa gə́ rɔ-mi lé na̰’d ya tɔ.

2 Mbaije 1:12 ပူးပေါင်းရင်းမြစ်များ

1 Mbaije 18:38

Yen ŋga pər lə Njesigənea̰ oso bib ndá roo nékinjaməs lé dula-dula ləm, o̰ kir ləm, gə kɔr mbalje gə naŋg ləma, gə njibi mán gə́ mee bwa’g lé kara nja̰-nja̰ ləm tɔ.

2 Mbaije 1:11

Ahajia ula ɓé-njérɔje gə́ raŋg gə njérɔje ləa rɔ-mi rɔ Eli’g ya ɓəi. Ɓé-njérɔje lé un ta ula Eli pana: I dəw lə Ala, mbai pa togə́bè pana: Ɔs rɔi ɓad risi ur naŋg.

2 Mbaije 1:13

Ahajia ula kula ar ɓé-njérɔje ləa gə́ rɔ-mi gə́ njekɔm’g munda, aree ree rɔ Eli’g ya tɔɓəi. Ɓé-njérɔje gə́ njekɔm’g munda neelé ree ɔs kəjee naŋg no̰ Eli’g ra ndòo rəa’g pana: I dəw lə Ala, m’ra ndòo rɔi’g mba kar si kəmba ləm-ma gə ka̰ njérɔje ləm gə́ rɔ-mi nee gə́ to kuraje ləi lé to né gə́ əḭ kəmi’g ya kari.

Maktub gə́ wɔji dɔ Jɔb 1:16

Loo gə́ yeḛ aw pa təa’g bèe-bèe ya ɓəi ndá yeḛ gə́ raŋg teḛ təsərə ree ula Jɔb pana: Pər lə Ala ḭ dara oso ɓugu dɔ badə-kosoje’g roo dee gə kuraje ləi na̰’d dula-dula, nɛ ma nja gə karm ba m’teḛ pe’d-pe’d ta yoo’g m’ree mba kulai taree.

Ləbije 10:2

Togə́bè ɓa pər ḭ no̰ Njesigənea̰’g roo dee ar dee d’wəi ne no̰ Njesigənea̰’g tɔ.