2 Ja̰ 1:3 - Maktub gə́ To gə Kəmee

³ Maji kar meemaji, gə meekɔrjol, gə meelɔm lə Ala Bɔ-dəwje ləm, gə ka̰ Jeju Kristi Ŋgon Bɔ-dəwje ləm tɔ lé nai sə sí-seḭ nja gə goo kankəmta gə meenoji lé.

2 Ja̰ 1:3 ပူးပေါင်းရင်းမြစ်များ

Jakari 8:19

Njesigənea̰ gə́ njeboo-néje pa togə́bè pana: Kɔg mee ɓoo gə́ mee naḭ gə́ njekɔm’g sɔ ləm, gə naḭ gə́ njekɔm’g mi ləm, gə naḭ gə́ njekɔm’g siri ləma, gə naḭ gə́ njekɔm’g dɔg ləm tɔ lé a tel to ndɔ kalrɔ gə ndɔ rɔlel gə naḭ gə́ ka̰ ra rɔlel mbata lə koso-dəwje gə́ Juda. Nɛ maji kar sí undaje kankəmta gə meekulɔm ɓa dan kəm sí’g.

Njé gə́ Rɔmə 1:7

Seḭje lai gə́ sije Rɔm, seḭ gə́ Ala ɓar sí unda sí dan kəmee’g gə mba kunda sí gə kəmee lé maji kar noji gə meelɔm lə Ala Bɔ síje ləm, gə ka̰ Mbaidɔmbaije Jeju Kristi ləm tɔ lé nai sə sí.

Njé gə́ Galati 5:6

Mbata deḛ gə́ d’ɔm gə Kristi na̰’d yəg lé kinja tamɔd əsé kinja tamɔd el kara to né el, nɛ meekun lé gə́ meenoji ɔs ginee ɓɔḭ-ɓɔḭ lé yee ɓa gə́ kankəm né ya.

1 Timote 1:14

Noji lə Mbaidɔmbaije lə sí tur dɔ loo mbata ləm-ma ar meekun gə meenoji gə́ ḭ rɔ Jeju Kristi’g lé taa ne rɔm pəl-pəl tɔ.

1 Timote 1:2

m’ndaŋg maktub nee m’ar Timote, ŋgonəm gə́ gəd-gəd gin meekun’g. Maji kar noji, gə meekɔrjol, gə meelɔm gə́ ḭ rɔ Ala Bɔ síje’g ləm, gə rɔ Jeju Kristi Mbaidɔmbaije’g lə sí ləm tɔ lé nai səi.

2 Timote 1:13

Tɔs kəmi dɔ kankəmta gə́ i oo tam’g, ra née gə meekun ləm, gə meenoji gə́ ḭ rɔ Jeju Kristi’g ləm tɔ.

1 Ja̰ 4:10

Aa ooje, rəw meenoji lə Ala lé ɓa nee: Jeḛ ɓa j’unda Ala dan kəm sí’g kédé el nɛ yeḛ nja ɓa unda sí dan kəmee’g ɓa ula Ŋgonee gə́ gəd-gəd aree ree tel nékinjaməs mbata kaiya lə sí ya.

2 Ja̰ 1:1

Ma ŋgatɔg lé m’ndaŋg maktub nee m’ar Kyria, dəw gə́ to gə kəmee, deḛ gə ŋganee gə́ m’unda dee dan kəm’g gə goo kankəmta lé, ma gə karm el, nɛ deḛ lai gə́ gər kankəmta lé d’unda dee dan kəm dee’g to