2 Ja̰ 1:2 - Maktub gə́ To gə Kəmee

² mbata kankəmta gə́ uru kəi meḛ sí’g lé a to meḛ sí’g gə no̰ ya.

2 Ja̰ 1:2 ပူးပေါင်းရင်းမြစ်များ

Tagə́maji gə́ Ja̰ ndang 14:16

Ma lé m’a ra tamaji ta Bɔ-dəwje’g mba karee ar sí njenai sə sí gə́ raŋg mba karee orè sí més gə no̰.

Tagə́maji gə́ Ja̰ ndang 15:7

Ɓó lé seḭ namje kaarm’g ləm, ar ta ləm nai meḛ sí’g ləm tɔ ndá né gə́ rara ɓa gə́ seḭ a kwɔije lé d’a kar sí ya.

1 Njé gə́ Kɔrḭtə 9:23

Néje lai gə́ m’ra lé m’ra mbata Tagə́maji lé ɓó gə mba kiŋga ne né gə́ wɔji dɔm-ma nja keneŋ tɔ.

2 Njé gə́ Kɔrḭtə 4:5

Jeḛ lé j’ɔr ta gə́ wɔji dɔ rɔ síjeḛ ba el, nɛ jeḛ j’ɔr ta gə́ wɔji dɔ Jeju Kristi, Mbaidɔmbaije lé ləm, j’wa rɔ sí gə́ kuraje lə sí-seḭ gə mbata lə Jeju lé ləm tɔ.

Njé gə́ Kolosə 3:16

Maji kar ta lə Kristi gə́ to boo-nébao lé uru kəi meḛ sí’g. Ndooje na̰ ləm, ndəjije na̰ ləm tɔ gə kəmkàree lé gə pakɔsje ləm, gə pa pidije ləma, gə pa kula rɔnduba gə́ wɔji dɔ ndil sí ləm tɔ. Ɔsje pa gə meḛ sí bura arje Ala reaje ne oiyo mbata noji ləa gə́ rusu meḛ sí njḭ-njḭ lé tɔ.

2 Timote 1:5

Meem to kəmba dɔ meekun’g ləi gə́ i wa məəi dɔ’g ɓiri to gə́ ka̰ kaije Loyis gə kɔinje Enisə lé tɔ. Ma m’gər gao meekun ləi aw gə ka̰ dee-deḛ na̰’d ya.

2 Piɛrə 1:12

Gelee gə́ nee ɓa, aa ooje, ma m’olé ne meḛ sí dɔ néje’g neelé lai gə́ seḭ gərje mba̰ ləm, seḭ ma̰aje gɔl sí dɔ kankəmta gə́ nee ya ləm tɔ nɛ lé riri kara m’a kolé meḛ sí ta-ta keneŋ ya ɓó m’a kəw el.

1 Ja̰ 1:8

Ɓó lé jeḛ m’pana: Kaiya kára kara godo meḛ sí’g ndá jeḛ j’ər kəm rɔ sí, ar kankəmta kára kara uba meḛ sí ndag bèe el.

1 Ja̰ 2:14

Bɔ-ŋganje, ma m’ndaŋg maktub nee m’ar sí mba̰ mbata seḭ gərje yeḛ gə́ si kédé gə́ dɔtar lé saar ya. Basaje, ma m’ndaŋg maktub nee m’ar sí mbata siŋga sí to kɔgərɔ ləm, ta lə Ala uru kəi meḛ sí’g ləma, njekurai lé kara seḭ dumeeje mba̰ ləm tɔ.

1 Ja̰ 2:17

Naŋg neelé gə malee lé a dəs gə lèlé ba, nɛ yeḛ gə́ ra torndu Ala aree ɔr rɔd ɓa a si gə ləbee-ləbee gə no̰.