2 Ja̰ 1:12 - Maktub gə́ To gə Kəmee

¹² Ma m’aw gə taje gə́ raŋg bula gə mba kula sí ɓəi nɛ ma m’ndigi kula sí gə maktub əsé gə mán ndaŋgee ɓa el. Meem to yel gə mba kaw koo sí ɓó gə kula sí ta gə tam ja̰-ja̰ ya mba kar rɔlel lə sí ɔr ne njal ya.

2 Ja̰ 1:12 ပူးပေါင်းရင်းမြစ်များ

Bula lə Israɛlje 12:8

Ma m’wɔji səa ta gə tam ja̰-ja̰ ləm, ma m’riba səa dɔ rɔm lal pa taje gə́ to loo-kiya’g ləma, m’aree oo né gə́ ɔr gin rɔm-ma Njesigənea̰ pai-pai ləm tɔ. See gelee ban ɓa seḭ ɓəlje el ɓa paje ta gə́ yèr ndɔlje ne kura ləm Moyis lé wa.

Tagə́maji gə́ Ja̰ ndang 15:11

Ma m’ula sí ta néje neelé gə mba kar rɔlel ləm nai ne meḛ sí’g ɓó gə kar dɔ rɔlel lə sí ɔr ne njal tɔ.

Tagə́maji gə́ Ja̰ ndang 16:12

Ta ləm gə́ kəm kula sí to yaa̰ ya, nɛ seḭ lé asjekəm taaje ɓasinè el.

Tagə́maji gə́ Ja̰ ndang 16:24

Saar ɓasinè lé seḭ kwɔiyeeje né kára kara gə rim el. Kwɔiyeeje ndá yeḛ a kar sí mba kar dɔ rɔlel lə sí ɔr ne njal.

Tagə́maji gə́ Ja̰ ndang 17:13

Nɛ ɓasinè lé m’isi m’aw gə́ rɔi’g ya ndá m’pata néje neelé dɔ naŋg nee mba kar dɔ rɔlel ləm gə́ ɔr njal lé to ne meḛ dee’g.

Tagə́maji gə́ Ja̰ ndang 3:29

Dəw gə́ njedené-sigi, deḛ gə dené ləa d’wa boa gə na̰, nɛ baokura lə njedené-sigi gə́ aar keneŋ oo ndu sor ləa ndá rəa lelee yaa̰ mbata ndu sor gə́ yeḛ oo lé. Togə́bè rɔlel ləm-ma kara ɔr jol-jol tɔ.

Njé gə́ Rɔmə 15:24

Yee ɓa ma m’wɔji məəm’g gə mba koo sí loo gə́ m’a gə dəs tar kaw Espagnə lé mba kar loo gə́ m’iŋga rɔlel mbata teḛ gə́ m’teḛ ɓee lə sí mba̰ lé ndá seḭ a danmje gə mba karm m’aw keneŋ ya tɔ.

2 Timote 1:4

Meem to kəmba dɔ mán-no̰ gə́ kəmi’g ndá ma m’ndiŋga rɔm mba koo kəmi mba kar dɔ rɔlel ləm ɔr ne njal.

Piləmɔ̰ 1:22

Ndəa neelé nja wa dɔ gɔl loo-toom mba kwam mbá keneŋ mbata mbɔl dɔ tamaji lə sí gə seḭ raje ɓa m’a teḛ ne rɔ sí’g ɓəi, yee ɓa m’unda məəm yel dɔ’g.

Ǝbrəje 13:19

Yee ɓa m’wa ta sí mba kar sí raje togə́bè mba kar nai lam ba d’ya̰ loo d’am m’aw rɔ sí’g ɓəi.

Ǝbrəje 13:23

Ŋgoko̰ sí Timote lé d’ilá tar mba̰, yee ɓa m’ula sí taree. Ɓó lé yeḛ teḛ loo gə́ nee kalaŋ ndá ma kara m’a kaw səa na̰’d mba koo sí ne tɔ.

1 Ja̰ 1:4

Jeḛ ndaŋg taje neelé j’ar sí mba kar dɔ rɔlel lə sí ɔr ne njal.

3 Ja̰ 1:10

Gelee gə́ nee ɓa, ɓó lé m’a kaw ndá m’a kulá ne néreaje gə́ majel lé təsərə karee oo mbata ta meeyèr gə́ yeḛ ɔr ila dɔ sí’g lé. Yee gə́ nee ɓa gə karee el nɛ yeḛ ɔs ŋgako̰ síje gə́ raŋg ŋgərəŋ ləm, deḛ gə́ ndigi kwa dee gə́ rɔ dee’g lé yeḛ ɔg dee loo ra ləma, yeḛ tuba dee mee Eglisə’g ləm tɔ.