2 Njé gə́ Kɔrḭtə 9:7 - Maktub gə́ To gə Kəmee

⁷ Bèe ndá maji kar dəwje kára-kára lai d’ar nénoji to gə́ meḛ dee wɔji njaŋg ɓó d’a sula kar gə meeko̰ el ləm, dəw a bəg dee dɔ’g el ləm tɔ, mbata dəw gə́ njekar gə meendakaḭ lé Ala undá dan kəmee’g ya.

2 Njé gə́ Kɔrḭtə 9:7 ပူးပေါင်းရင်းမြစ်များ

1 Sôrta Gḭka-Israɛlje 29:17

Ǝi Ala ləm, ma m’gər gao, i to njenaa meekuru lə dəw ləm, i ndigi néra gə́ gə dɔ najee ləm tɔ, gelee gə́ nee ɓa ma m’ḭ gə məəm m’un nékarnojije lai neelé m’ari gə meekarabasur ləm, ɓasinè ma m’oo koso-dəwje ləi lai gə́ d’aar keneŋ kara d’ḭ gə meḛ dee d’un nékarnojije lə dee d’ari ləm tɔ lé ndá ɓasinè rɔm lelm ne yaa̰ ya.

1 Sôrta Gḭka-Israɛlje 29:9

Koso-dəwje d’al rɔ dee gə mbata nékarje gə́ d’ḭ gə meḛ dee d’ar lé mbata meḛ dee tɔ kujita gə mba ra togə́bè kar Njesigənea̰ ndá, mbai Dabid kara rəa lelee yaa̰ gə mbəa tɔ.

Teḛ-Raga 25:2

Ula Israɛlje gə mba kar dee ree gə nékarnojije lə dee d’am, nana ɓa gə́ a ra gə meemaji ndá seḭ a taaje né jia’g mbata ləm.

Teḛ-Raga 35:5

Odoje ta néje lə sí gə́ nékarnoji mbata lə Njesigənea̰. Nana ɓa gə́ mée ulá ndá a ree gə nékarnoji kar Njesigənea̰ togə́bè: larlɔr ləm, gə larnda ləma, gə larkas ləm tɔ,

Gosota-Kəmkàrje 11:25

Dəw gə́ njera meemaji gə́ kédé-kédé lé Né a kasee nag-nag, Tɔɓəi yeḛ gə́ tɔl kṵdaman gə́ ra maree lé D’a tɔl kṵdaman ləa-yeḛ tɔ.

Gosota-Kəmkàrje 22:9

Dəw gə́ njemeemaji lé d’a tɔr ndu dee dəa’g Mbata yeḛ un muru ləa ar njéndooje.

Esai 32:5

Mbə-dəw lé d’a ɓaree gə́ dəw gə́ boo el ləm, Kəm-kəjim’g lé d’a ɓaree dəw-noji el ləm tɔ.

Esai 32:8

Nɛ dəw gə́ njemeemaji lé wɔji rəw néraje gə́ maji ɓa mée’g ləm, Yeḛ aar njaŋg dɔ rəw néraje ləa gə́ maji gə́ yeḛ wɔji lé ləm tɔ.

Néra Njékaḭkulaje 20:35

M’ra né ɓəd-ɓəd m’tɔji sí né gə mba kar kula raje gə́ togə́bè ɓa seḭ a kodoje ne yɔ-dəwje ləm, meḛ sí a kolé ne dɔ Mbaidɔmbaije Jeju gə́ yeḛ nja pana: Kun né kar lé to rɔlel unda taa né!

Njé gə́ Rɔmə 12:8

Yeḛ gə́ to njekolé meḛ mareeje dɔ né’g ndá maji karee olé meḛ dee ya. Yeḛ gə́ to gə́ njekun né kwa nénoji gə njéndooje lé maji karee ra gə meenda ɓó a tura sə dee gée el, yeḛ gə́ to njekɔrno̰ dəwje loo-kwa-dɔ-na̰’g lé ndá maji karee gəd kəmee dɔ’g gəd-gəd. Yeḛ gə́ to gə́ njekwa yɔ-dəwje bur-bur ndá maji karee ra gə rɔlel ɓó a ra gə rɔkim el.

2 Njé gə́ Kɔrḭtə 8:12

Loo gə́ dəw ḭ gə mée mba kwa noji gə maree ɓa né to jia’g mba karee ra né bèe lé yee ɓa gə́ né gə́ taa kəm Ala ɓó loo gə́ né godo jia’g lé el.

Tel tura Godndu 15:14

seḭ a kaareeje né gə́ seḭ iŋgaje dan ŋgan nékulje’g lə sí ləm, gə né gə́ to kandə kó lə sí ləm, gə né gə́ wɔji dɔ mán-nduú lə sí ləma, gə néje lai gə́ seḭ a kiŋgaje gə goo ndutɔr lə Ala lə sí gə́ Njesigənea̰ lé ləm tɔ.

Piləmɔ̰ 1:14

Nɛ ma m’ndigi koo gə́ ndui’g ɓa ɓó m’a ra né gə dɔrɔm el ɓəi, mba kar maji gə́ i a gə ra lé i a ra gə məəi ɓó dəw a jaŋgi dɔ’g el.

Maktub gə́ Jak ula ne ar ngan-Allaje 5:9

Ŋgakɔmje, imje na̰ el mba kar dəw gaŋgta dɔ sí-seḭ’g el tɔ. Aa ooje, njegaŋ-rəwta aar takəi’g pèrèrè mba̰.

1 Piɛrə 4:9

Waje na̰ mbá gə́ majee bur-bur ɓó imje rɔ sí dɔ’g el.