2 Njé gə́ Kɔrḭtə 9:5 - Maktub gə́ To gə Kəmee

⁵ Kar ŋgako̰ síje d’aw d’iŋga sí kédé ɓa, j’a korè goo dee ɓəi lé yee ɓa ma m’oo gə́ né gə́ kəm ra ya mba kar dee d’oo sə sí goo nojikwa gə́ seḭ unje ndu sí gə mba kwa gə deḛ gə́ to gə kəmee lé bèe ɓa gə mba kar sí waje dɔ gɔlee jəb-jəb ləm, mba karee to nojimeenda gə́ gəd ɓó dəw a bəg sí dɔ’g el ləm tɔ.

2 Njé gə́ Kɔrḭtə 9:5 ပူးပေါင်းရင်းမြစ်များ

Gḭ-Néje 33:11

Ma m’ra ndòo rɔi’g, maji kari taa nénoji ləm gə́ ma m’ree ne rɔi’g lé ya. Mbata Ala ar nénojije ləa taa rɔm pəl-pəl ndá m’lal né kára el. Yeḛ oma̰ səa saar ar Esawu taa nénoji ləa lé ya tɔ.

2 Mbaije 5:15

Léegəneeya yeḛ ɔs tel gə dəwje gə́ gée’g lai aw ne rɔ dəw lə Ala’g lé aw aar ne nea̰’g ulá pana: Aa oo, ɓasinè ma m’gər to gə́ dɔ naŋg nee lai lé Ala gə́ raŋg godo nɛ mee ɓee’g lə Israɛlje ya kára ba. Ma m’ra ndòo rɔi’g mba kari taa gə́ nénoji ji kura’g ləi ya.

1 Njé gə́ Kɔrḭtə 16:2

Ndɔ gə́ dɔtar mee ndɔje gə́ siri-siri lé maji kar nana kara un ta né ləa unda gə kəmee-kəmee gə goo nékiŋgaje gə́ yeḛ iŋga ya, ɓó ŋginaje ndɔ ree ləm ɓa gə mba mbo̰je nékiŋga sí ɓəi el.

2 Njé gə́ Kɔrḭtə 8:6

Yee ɓa jeḛ n’ra ndòo rɔ Titə’g mba karee aw rɔ sí’g mba tɔl ne kula noji gə́ yeḛ un kudee lé tɔ.

2 Njé gə́ Kɔrḭtə 9:3

Yee ɓa ma m’ula ne ŋgako̰ síje rɔ sí’g mba koo, see seḭ waje dɔ gɔl néje lə sí jəb-jəb mba̰ wa ɓó gə mba kar pidi gə́ ma m’pidi sí lé tel to taŋgɔm el.

2 Njé gə́ Kɔrḭtə 9:6

Ooje maji ɓa, yeḛ gə́ dubu kó gururu bèe ndá a kiŋga lam ba bèe, nɛ yeḛ gə́ dubu kó gə tadee rəg-rəg ndá a kinja kuru ndil-ndil tɔ.

Njé gə́ Pilibə 4:17

To nénoji ɓa ma m’saŋg rɔ sí’g el, nɛ kó noji lə sí ɓa ma m’saŋg mba karee tel taa rɔ sí pəl-pəl.

Njéga̰g-Rəwtaje 1:15

Aksa tel ilá keneŋ pana: Am né gə́ raŋg kára ya ɓəi mbata i am dɔ naŋg gə́ par gə́ dɔkɔl gə́ to dɔdilaloo mba̰, ndá am kəm-rəw-manje tɔ. Togə́bè Kaleb aree kəm-rəw-manje gə́ d’ḭ dɔ looje gə́ tar ləm, gə kəm-rəw-manje gə́ d’ḭ naŋg ləm tɔ.

1 Samel 25:27

Mbai ləm, maji kari taa né gə́ kura ləi gə́ dené ree ne ari lé ləm, maji kar dee kai dəwje gə́ d’aw goo mbai’g ləm lé ləm tɔ.

1 Samel 30:26

Loo gə́ Dabid tel ree Siklag ndá yeḛ un ges nébanrɔ ula ne ar ŋgatɔgje gə́ Juda gə́ to baokuraje ləa ula dee ne taje nee pana: Aa ooje, ta nébanrɔ gə́ m’taa ji njéba̰je’g lə Njesigənea̰ ɓa m’wa ne sə sí noji nee ya.