2 Njé gə́ Kɔrḭtə 9:11 - Maktub gə́ To gə Kəmee

¹¹ Togə́bè ɓa nénoji gə́ seḭ a kwaje pə-pə gə rəw gə́ rɔ síjeḛ lé a tel to nébaoje ɓəd-ɓəd dɔ sí’g ləm, a kar dee ra ne Ala oiyo ləm tɔ.

2 Njé gə́ Kɔrḭtə 9:11 ပူးပေါင်းရင်းမြစ်များ

2 Sôrta Gḭka Israɛlje 31:10

Yen ŋga Ajaria, ŋgɔ-njekinjanéməs gə́ to gə́ gel bɔ’g lə Sadɔk lé ilá keneŋ pana: Ləw ba gə́ d’un kudu ree gə nékarje mee kəi’g lə Njesigənea̰ lé jeḛ j’usɔje j’aree as sí nag ndá jeḛ j’ya̰je gesee gə́ nai lé mbata Njesigənea̰ tɔr ndia dɔ koso-dəwje’g ləa, bèe ɓa aa oo, gesee gə́ nee lé nai ne yaa̰ gə mbəa.

Matiyo 20:15

See né gə́ m’wɔji məəm’g gə mba ra gə néje ləm lé see m’askəm ra el wa. See kəmi kas ŋgɔgərɔ dɔm’g mbata néram gə́ maji lé wa.

Matiyo 25:17

Yeḛ gə́ njetaa ŋgan larlɔr joo lé kara ɔd aw tel kəmee iŋga ne ŋgan larlɔr gə́ raŋg joo dɔ’g tɔ.

Njé gə́ Rɔmə 12:8

Yeḛ gə́ to njekolé meḛ mareeje dɔ né’g ndá maji karee olé meḛ dee ya. Yeḛ gə́ to gə́ njekun né kwa nénoji gə njéndooje lé maji karee ra gə meenda ɓó a tura sə dee gée el, yeḛ gə́ to njekɔrno̰ dəwje loo-kwa-dɔ-na̰’g lé ndá maji karee gəd kəmee dɔ’g gəd-gəd. Yeḛ gə́ to gə́ njekwa yɔ-dəwje bur-bur ndá maji karee ra gə rɔlel ɓó a ra gə rɔkim el.

1 Njé gə́ Kɔrḭtə 1:5

Yeḛ nja ɓa wa sə sí noji gə nébaoje gə́ ɔs dɔ maree-maree, noji gə́ wɔji dɔ tapa sí ləm, gə gosonégər ləm tɔ.

2 Njé gə́ Kɔrḭtə 1:11

Seḭ nja kara maji kar sí laje sə sí gə tamaji ra lə sí mba kar nojikwa neelé gə́ Ala wa sə sí goo tamaji gə́ dəwje bula ra neelé dəwje bula d’a ra ne Ala oiyo tɔ.

2 Njé gə́ Kɔrḭtə 4:15

Mbata néje lai neelé teḛ mbata lə sí-seḭ ya ɓó gə mba kar loo gə́ noji lé a taa ne loo yéŋgé-yéŋgé ndá ta ra oiyo gə́ a koji ne na̰ ta dəwje’g bula unda njé gə́ kédé lé a kula ne rɔnduba dɔ Ala’g ya.

2 Njé gə́ Kɔrḭtə 8:16

To kəm ra Ala oiyo mbata yeḛ nja ɓa ar Titə tədkag sí to gə́ jeḛ bèe lé

2 Njé gə́ Kɔrḭtə 8:19

Eglisəje ɓa d’ɔree mba karee to gə́ njeboalookaw lə sí, mba kar kula noji neelé ɔr njal mba kula ne rɔnduba dɔ Mbaidɔmbaije’g ləm, gə mba tɔji sí-seḭ lé meemaji lə síjeḛ lé ləm tɔ.

2 Njé gə́ Kɔrḭtə 9:12

Mbata nénoji neelé gə́ d’a la ne gə deḛ gə́ to gə kəmee lé a kar njéndooje né gə́ deḛ d’aw ndée goo kára ba el nɛ a to gin ra Ala oiyo gə́ a kɔs goo na̰ goo na̰ tɔ.