2 Njé gə́ Kɔrḭtə 9:10 - Maktub gə́ To gə Kəmee

¹⁰ Yeḛ gə́ njekun kó né kar njedubee ləm, aree nésəa ləm tɔ lé yeḛ nja a kar sí né gə́ seḭ awje ndée ləm, a kar kó né lə sí ɔs dɔ maree-maree ləma, yeḛ a kar kandə meekarabasur lə sí lé ḭ dɔ maree’g maree’g ləm tɔ.

2 Njé gə́ Kɔrḭtə 9:10 ပူးပေါင်းရင်းမြစ်များ

Gḭ-Néje 47:19

Mbata ɗi ɓa j’a kwəije ne nɔḭ’g, jeḛ ləm, gə dɔ naŋg lə sí ləm tɔ bèe wa. Maji kari ndogo síje gə dɔ naŋg lə sí na̰’d tor nésɔ’g ndá j’a to ka̰ Parao̰ ya, jeḛ ləm, gə ndɔje lə sí ləm tɔ. Ar sí kandə né gə́ ka̰ dubu mba kar sí j’isije ne kəmba ɓó j’wəije ne el ləm, ar dɔ naŋg lə sí tuji ne el ləm tɔ.

Gosota-Kəmkàrje 11:18

Njemeeyèr lé iŋga nédɔjia gə́ ŋgɔm, Nɛ yeḛ gə́ dubu néra gə́ gə dɔ najee ndá Yeḛ iŋga nékoga dɔ jia gə́ gəd.

Njekillamber 11:6

Gə ndɔ rad lé dubu nédubu ləi ləm, ar jii wa rəa kàrkemetag el ləm tɔ. Mbata i gər né gə́ a gə teḛkɔr lé el, yee gə́ yo əsé yee gə́ nee, əsé ɓó lé deḛ joo bɔr maji d’asəna kara i gər el tɔ.

Esai 55:10

To gə́ ndi gə ndi kwɔji d’ḭ dara dər dɔ naŋg neelé Ndá deḛ tel gogo Lal kar mán dee tən naŋg əsé D’ar dɔ naŋg maji əsé d’ar muje d’idi el ləm, Lal kar njedubu-né kandə nédubu el ləma, Lal kar yeḛ gə́ sɔ né nésɔ el ləm tɔ lé

Ojee 10:12

Maji kar sí dubuje né gə goo meekarabasur Ndá a kinjaje né gə goo meekɔrjol tɔ, Tugaje loo-ndɔ gə́ sigi. To kàr kar sí saŋgje Njesigənea̰ Saar gə mba karee ree ɔm meekarabasur dɔ sí’g.

Matiyo 6:1

Yen, meḛ sí dɔ rɔ sí’g nà a kundaje néra meekarabasur lə sí kəm dəwje’g. Ɓó lé seḭ undaje néra meekarabasur lə sí kəm dəwje’g togə́bè ndá a kiŋgaje née ji Bɔ síje gə́ si dara lé nda̰ el.

2 Njé gə́ Kɔrḭtə 9:12

Mbata nénoji neelé gə́ d’a la ne gə deḛ gə́ to gə kəmee lé a kar njéndooje né gə́ deḛ d’aw ndée goo kára ba el nɛ a to gin ra Ala oiyo gə́ a kɔs goo na̰ goo na̰ tɔ.

2 Njé gə́ Kɔrḭtə 9:6

Ooje maji ɓa, yeḛ gə́ dubu kó gururu bèe ndá a kiŋga lam ba bèe, nɛ yeḛ gə́ dubu kó gə tadee rəg-rəg ndá a kinja kuru ndil-ndil tɔ.

Njé gə́ Galati 3:5

Yeḛ gə́ ar sí Ndil ləm, ra ne némɔrije mbuna sí’g ləm tɔ lé see yeḛ ra togə́bè gə goo néra gə́ ka̰ godndu əsé gə goo ta meekun gə́ d’ila ne mberee wa.

Njé gə́ Epesə 5:9

Mbata meemaji gə́ gə ria-ria ləm, gə meekarabasur ləma, gə kankəmta ləm tɔ lé yee ɓa gə́ kandə lookàr ya.

Njé gə́ Pilibə 1:11

Togə́bè ɓa, kandə meekarabasur gə́ ḭ rɔ Jeju Kristi’g a daa na̰ rɔ sí’g, yee ɓa seḭ a kulaje ne rɔnduba dɔ Ala’g ləm, ria a ɓar ne ləm tɔ.

Njé gə́ Pilibə 4:17

To nénoji ɓa ma m’saŋg rɔ sí’g el, nɛ kó noji lə sí ɓa ma m’saŋg mba karee tel taa rɔ sí pəl-pəl.

1 Njé gə́ Tesalonikə 3:12

Maji kar Mbaidɔmbaije ar noji gə́ seḭ waje gə na̰ ləm, gə seḭ waje gə dəwje lai ləm tɔ lé ḭ dɔ maree’g gə́ kédé-kédé aree to asəna gə ka̰ síjeḛ mbata lə sí-seḭ bèe tɔ.

1 Njé gə́ Tesalonikə 4:10

Yee ɓa seḭ raje gə ŋgako̰ síje lai gə́ d’isi gə dɔɓee dɔɓee gə́ Masedoinə ya. Nɛ seḭ ŋgako̰ síje lé jeḛ n’tɔg sí mba kar nojimeenda lə sí lé ɔs dɔ maree’g gə́ kédé-kédé ləm,