2 Njé gə́ Kɔrḭtə 8:9 - Maktub gə́ To gə Kəmee

⁹ Mbata seḭ gərje noji lə Mbaidɔmbaije lə sí Jeju Kristi, yeḛ gə́ to bao ya nɛ yeḛ tel to njendoo gə mbata lə síje lé gə mba kar mbɔl dɔ ndookoo ləa lé ɓa seḭ telje ne baoje.

2 Njé gə́ Kɔrḭtə 8:9 ပူးပေါင်းရင်းမြစ်များ

Esai 53:2

Yeḛ ra tɔg nea̰’g to gə́ ŋgon kag gə́ reao̰ ba ləm, Asəna gə barkəm kag gə́ uba dɔ naŋg gə́ tudu kurum-kurum’g ləm tɔ. Yeḛ ra kura el ləm, Panjaa ləa kara askəm kar kəm sí mbo̰ sɔmɔmo̰ dəa’g el ləma, Rɔndɔḭ ləa as taa kəm sí rəgm el ləm tɔ.

Esai 62:1

Gə goo kunda gə́ m’unda Sio̰ dan kəm’g lé ɓa M’a si ne dɔ mundu el ləm, Gə goo kunda gə́ m’unda Jerusalem dan kəm’g lé ɓa M’a kwa ne rɔm nda̰ el ləm tɔ Saar kar kaji ləa teḛ To gə́ kàr gə́ uba kuji’g bèe ləm, Saar kàr kɔr dɔ kúla’g ləa teḛ Asəna gə pərŋgel gə́ ndogó bèe ləm tɔ.

Esai 65:8

Njesigənea̰ pa togə́bè pana: Loo gə́ d’oo mán-nduú mee ka̰dee’g ndá Deḛ pana: Tujee el Mbata né gə́ maji to gən! Gə goo meenoji ləm lé M’a ra togə́bè gə kuraje ləm Mba tuji dee ne lai el tɔ.

Matiyo 17:27

Nɛ gə mba kila dee kag el ndá ɔd aw ta baa-boo’g ila ki ɓa ka̰ji gə́ un ki dɔtar ya ndá wá ndɔree ilá ɗaga, njia̰ təa ndá a kiŋga lar gə́ nda keneŋ kára ndá un ar dee mbata ləm-ma ləm, gə mbata ləi ləm tɔ joo bɔr ya.

Matiyo 20:28

Yee gə́ bèe ɓa Ŋgon-dəw ree ne naŋg nee mba ra ne né kar dəwje gə́ dɔ naŋg nee ɓó gə mba kar dəwje gə́ dɔ naŋg nee ɓa ra né d’aree el. Yeḛ ree gə mba kila rəa kɔ gə́ nékoga dɔ dəwje bula ya.

Matiyo 8:20

Jeju ilá keneŋ pana: Bolé to njaaje to gən ga̰ ləm, kəi to yelje kara to gən ga̰ ləm tɔ. Nɛ Ŋgon-dəw lé oo loo gə́ mba kula dəa keneŋ taa kəmə el.

Mark 6:3

See yeḛ lé to njera-kula-kagje gə́ to ŋgolə Mari ləm, gə ŋgoko̰ Jak gə Joses gə Juda gə Simo̰ ləm tɔ lé el wa. See kɔnaneeje d’isi mbuna sí’g nee el wa. Yeḛ tel to né gə́ bəg dee ya.

Lugu 16:11

Ɓó lé seḭ toje majikojije dɔ nékiŋgaje gə́ dɔ naŋg nee el ndá see na̰ ɓa a kɔm kankəm néje ji sí’g wa.

Lugu 2:7

aree oji ŋgondəree gə́ diŋgam keneŋ. Yeḛ ɓiree gə kubu ilá mee bəgərə sɔ né’g lə maŋgje mbata loo-to as dee Kəi-to-mbàje’g el.

Lugu 8:3

gə Jan dené lə Suja gə́ njekaa dɔ kəi lə Herɔdə ləm, gə Sujan ləma, gə njé gə́ raŋg gə́ d’aw la sə dee gə nékiŋgaje lə dee ləm tɔ.

Lugu 9:58

Jeju ilá keneŋ pana: Bolé to njaaje to gən ga̰ ləm, kəi-to yelje kara to gən ga̰ ləm tɔ, nɛ Ŋgon-dəw lé oo loo gə mba kula dəa keneŋ taa kəmə el.

Tagə́maji gə́ Ja̰ ndang 1:10

Yeḛ neelé si naŋg nee ləm, yeḛ unda naŋg nee gə néje lai gə́ to keneŋ ləm tɔ nɛ kəm dəwje gə́ dɔ naŋg nee inja dəa’g bèe el.

Tagə́maji gə́ Ja̰ ndang 1:14

TA lé tel to darɔ dəw ndá yeḛ ree si mbuna sí’g. Noji gə kankəmta taa rəa pəl-pəl. Jeḛ lé j’oo rɔnduba ləa gə́ ka̰ ŋgon gə́ gəd-gəd gə́ to darɔ Bɔbee lé ya.

Tagə́maji gə́ Ja̰ ndang 1:17

Mbata ləw lé Moyis ree gə godndu ar sí nɛ noji gə kankəmta lé Jeju Kristi ɓa ree ne.

Tagə́maji gə́ Ja̰ ndang 12:30

Jeju pana: Ndu gə́ ɓar neelé ɓar gə mbata ləm-ma el, nɛ ɓar gə mbata lə sí-seḭ ɓa.

Tagə́maji gə́ Ja̰ ndang 16:15

Né gə́ ka̰ Bɔ-dəwje lai-lai lé to gə́ kama ya, gelee gə́ nee ɓa ma m’ula sí ne m’pana: Né kamaje lé yeḛ a kun taree pa kar sí ya.

Tagə́maji gə́ Ja̰ ndang 17:19

Ma lé m’ɔr rɔm m’unda gə kəmee mbata lə dee mba kar kankəmta gə́ to meḛ dee’g lé a kɔr dee kunda dee-deḛ nja gə kəmee bèe ya tɔ.

Njé gə́ Rɔmə 11:12

Bèe ndá ɓó lé koso lə dee tel to nébao lə naŋg nee ləm, rəm lə dee tel to nébao lə njépole-magəje ləm tɔ ndá see lam gə́ d’a gə lam rɔ dee tel kaar tar jigiri lé see a to né gə́ maji dum unda nje gə́ kédé el wa.

Njé gə́ Rɔmə 15:3

Mbata Kristi kara saŋg rɔlel gə́ wɔji dəa gə karee el nɛ to gə goo ta gə́ ndaŋg mee maktub’g pana: Deḛ gə́ d’ula sul dɔi’g lé ta ndɔlje lə dee lé kara oso dɔm’g ya ləm tɔ.

Njé gə́ Rɔmə 5:8

Nɛ Ala nja kila meenoji ləa kɔd gə́ rɔ sí’g mbata loo gə́ jeḛ nai gə́ njékaiyaje ɓəi lé Kristi wəi gə mbata lə sí.

Njé gə́ Rɔmə 8:32

Ŋgon mée kara yeḛ yá̰ ar sí ɓó ŋgəmee rəa’g el, nɛ ɓəd ɓa see néje gə́ raŋg lai-lai lé see a kɔg sí tɔɓəi wa.

1 Njé gə́ Kɔrḭtə 1:4

M’ra Ala ləm oiyo ta-ta gə mbata lə sí mbata seḭ ɔmje na̰’d gə Jeju Kristi síje ne dan noji’g lə Ala.

1 Njé gə́ Kɔrḭtə 15:47

Dəw gə́ dɔtar lé d’ɔree naŋg nee ya, yee ɓa yeḛ to ne dəw gə́ dɔ naŋg nee ya: nɛ dəw gə́ rudu lé ḭ dara ɓa.

2 Njé gə́ Kɔrḭtə 6:10

jeḛ lé meḛ sí lel sí ta-ta nɛ deḛ d’oo sí gə́ dəwje gə́ d’isi dan némeeko̰’g ləm, jeḛ n’to gə́ njékṵda dəwje bula maji’gje nɛ deḛ d’oo sí gə́ njéndooje ləma, jeḛ j’isi gə néje lai ji sí’g nɛ deḛ d’oo sí gə́ dəwje gə́ né godo ji dee’g ləm tɔ.

Njé gə́ Epesə 2:7

Meemaji gə́ yeḛ ra sə síjeḛ gə́ j’ɔm na̰’d gə Jeju Kristi lé yeḛ nduba ne noji ləa gə́ dum dɔ loo gə́ raga, gə ləbee-ləbee saar gə no̰.

Njé gə́ Epesə 3:19

Ndá seḭ a gərje ne meenoji lə Kristi gə́ dum gər lé ndá Ala nja a taa meḛ sí gə rɔ sí bura pəl-pəl tɔ.

Njé gə́ Epesə 3:8

Oiyo, ma gə́ m’nai ŋgon mbuna deḛ gə́ to gə kəmee lai lé yeḛ wa ne səm noji ɓa ɔrm ne gə mba karm m’ila mber ta nébaoje lə Kristi gə́ dum gər, m’ar njépole-magəje ləm,

Njé gə́ Kolosə 1:24

Ɓasinè m’al rɔm wɔji dɔ nékəmndoo gə́ ram mbata lə sí. Néurti gə́ ra Kristi lé dɔgea̰ gə́ nai ɓa m’taa m’ɔm dɔm’g mbata lə Eglisə gə́ nai gə́ darɔ Kristi lé.

1 Timote 6:18

Ndəji dee mba kar dee ra né gə́ maji ləm, mba kar dee to bao-njémeemajije ləm, mba kar dee d’wa ne noji pə-pə ləma, mba kar dee d’ḭ ja̰jaŋ d’un ne ta néje lə dee d’ar deḛ gə́ né lal dee lé tɔ.

Ǝbrəje 1:2

Nɛ ndəa gə́ gogo nee, yeḛ pata ar sí nɛ Ŋgonee ɓa ria ne sə sí dəa. Yeḛ nja ɓa Ala unda ne naŋg nee ləm, yeḛ aree to njenéje lai ləm tɔ.

Maktub gə́ Jak ula ne ar ngan-Allaje 2:5

Ooje ta nee maji, ŋgakɔmje gə́ m’unda sí dan kəm’g: See Ala ɔr kəm deḛ gə́ to gə́ njéndooje kəm dəwje gə́ naŋg nee mba kar dee to bao-meekunje ləm, mba kar ɓeeko̰ gə́ yeḛ un ndia mba kar deḛ gə́ d’undá dan kəm dee’g lé d’a to njeaje ya ləm tɔ lé el wa.

Loo gə́ killa rea kəm Ja̰’g 2:9

Ma m’oo néurti gə́ rai ləm, gə ndòo gə́ teḛ dɔi’g ləm tɔ, nɛ i to gə́ bao ɓəi. Deḛ gə́ gaŋgta d’ɔm tai’g ləm, gə deḛ gə́ ɓar rɔ dee Jibje ɓa deḛ to gə́ Jibje el nɛ deḛ nja to gə́ kəi-kwa-dɔ-na̰ lə Njekurai ləm to lé ma m’oo dee gao ya tɔ.

Loo gə́ killa rea kəm Ja̰’g 21:7

Yeḛ gə́ a kun baŋga ndá a kiŋga néje neelé: n’a to gə́ Ala ləa ləm, yeḛ a to gə́ ŋgon neḛ ləm tɔ.

Loo gə́ killa rea kəm Ja̰’g 3:18

Ma m’ndəjii mba kari ndogo səm larlɔr gə́ deḛ neán pərə mba kar siḭyee teḛ mée’g mba tel to ne bao ləm, mba kari ndogo səm kubu gə́ nda mba kula rɔi’g kar kudi gə́ to dum lé rɔkulee a godo ləm, mba kari ndogo səm kuma̰ rii ne kəmi ɓó gə oo ne loo ləm tɔ.