2 Njé gə́ Kɔrḭtə 8:8 - Maktub gə́ To gə Kəmee

⁸ Ma m’pa m’wɔji sí ne gə́ kwɔji ɓó ma m’pa gə ndukun el mba kar rɔkwɔilɔ lə sí mbata lə mar síje lé ɓa ma m’naa ne meenoji lə sí m’oo see to nojimeenda tɔgərɔ ya wa.

2 Njé gə́ Kɔrḭtə 8:8 ပူးပေါင်းရင်းမြစ်များ

Ejekel 33:31

Deḛ d’aw rɔi’g bula ndá koso-dəwje lə neḛ d’isi naŋg nɔḭ’g, d’oo taje gə́ ḭ tai’g nɛ deḛ ra née el mbata ta dee ɓa deḛ su ne kəm loo ləm, d’ya̰ meḛ dee yag gə́ dɔ mal néje’g gə goo rəbee el ləm tɔ.

Njé gə́ Rɔmə 12:9

Maji kar meenoji lə sí to meenoji gə́ gəd ya. Undaje né gə́ majel ɓad gə́ raŋg nɛ rḛ́je dɔ néra gə́ maji’g rḛ́-rḛ́.

1 Njé gə́ Kɔrḭtə 7:12

Seḭ ges njé gə́ na̰je lé ma nja m’ula sí ta nee ɓó Mbaidɔmbaije el. Ɓó lé ŋgoko̰ sí kára si gə dené gə́ un mée el nɛ dené lé ndigi səa ndá maji karee mbadee el.

1 Njé gə́ Kɔrḭtə 7:25

Deḛ gə́ d’aw boa lé diŋgam əsé dené kara m’oo ndu Mbaidɔmbaije gə́ teḛ wɔji dɔ dee el. Ta gə́ m’a gə kula sí lé kəm taa ya mbata gə goo takə̰ji lə dəw lé meekɔrjol lə Mbaidɔmbaije ɓa m’iŋga gə goo ŋgonkoji ləm ya.

1 Njé gə́ Kɔrḭtə 7:6

Kwɔji ɓa m’wɔji sí gə́ kwɔji ɓó to ndukun ɓa m’un m’ar sí el.

2 Njé gə́ Kɔrḭtə 6:6

Néra sí riba dɔ sí ar dee d’oo sí gə́ kuraje lə Ala n’to ne dəwje gə́ àr ləm, jeḛ j’inja paw ləm, j’ila meḛ sí dɔ maree’g po̰-po̰ ləm, jeḛ n’to njémeemajije ləm, Ndilmeenda to meḛ sí’g ləm, jeḛ j’unda dəwje dan kəm sí’g ləm,

2 Njé gə́ Kɔrḭtə 8:10

Togə́bè ɓa, ma m’pa m’wɔji sí ne gə́ kwɔji ya. To kula gə́ kəm kar sí raje ya mbata mee ləb gə́ dəs lé seḭ nja ḭje gə meḛ sí gə mba ra kula noji neelé ndá maji kar sí raje kəm sí gə́ kédé ya.

2 Njé gə́ Kɔrḭtə 8:24

Bèe ndá undaje rɔ nojikwa lə sí lé kəm Eglisəje’g ar deeje d’oo ləm, tɔji deeje ar deeje d’oo pidi gə́ boo gə́ jeḛ m’pidi sí lé aw lée’g ya ləm tɔ.

2 Njé gə́ Kɔrḭtə 9:2

Tɔgərɔ ya, kḭ gə́ seḭ ḭje gə́ meḛ sí waje ne noji lé ma m’gər gao, yee ɓa ma m’ti ne rɔm m’wɔji ne dɔ sí’g rɔ njé gə́ Masedoinə’g m’ula dee ne m’pana: Njé gə́ Akai deḛ gɔl dɔ ka̰ dee yəg kal ba mba̰: rɔkwɔilɔ lə sí lé yel kó noji lə dəwje gə́ raŋg bula tɔ.

2 Njé gə́ Kɔrḭtə 9:7

Bèe ndá maji kar dəwje kára-kára lai d’ar nénoji to gə́ meḛ dee wɔji njaŋg ɓó d’a sula kar gə meeko̰ el ləm, dəw a bəg dee dɔ’g el ləm tɔ, mbata dəw gə́ njekar gə meendakaḭ lé Ala undá dan kəmee’g ya.

Njé gə́ Epesə 4:15

Nɛ kankəmta gə́ pa gə meenoji lé ɓa j’a kaar keneŋ njaŋg ndá j’a tɔg ne dɔ néje’g lai tel ne tana gə Kristi tɔnɔno̰, yeḛ gə́ to dəw dɔ sí lé.

Njé gə́ Epesə 6:24

Maji kar noji lé nai gə deḛ lai gə́ d’unda Mbaidɔmbaije lə sí Jeju Kristi dan kəm dee’g gə meenda kaḭ ya!

Ǝbrəje 10:24

Tɔɓəi ar sí j’ə̰ji tor na̰ gə mba kɔs kudu na̰ dɔ nojikwa’g ləm, gə dɔ kula ra gə́ maji’g ləm tɔ.

Jujé 24:14

Ɓasinè, maji kar sí ɓəlje Njesigənea̰ ləm, raje né areeje gə meekarabasur gə ŋgonkoji ləm tɔ. Arje magəje gə́ ka síje-je ra né d’ar dee kel tura-baa gə́ nu mee ɓee gə́ Ejiptə lé godo mbuna sí’g ndá raje né arje Njesigənea̰ ɓa.

1 Piɛrə 1:22

Togə́bè ɓa, seḭ gə́ ilaje koji dɔ kankəmta’g lé rɔ sí àr ne raŋg-raŋg, bèe ndá maji kar sí undaje na̰ dan kəm na̰’d ndigije na̰ gə meekɔr jol-jol.