2 Njé gə́ Kɔrḭtə 8:7 - Maktub gə́ To gə Kəmee

⁷ Bèe ndá to néramaji lə sí lai ur dɔ ka̰ mar síje’g lé meekun ləm, gə tapaje ləm, gə gosonégər ləm, gə rɔkwɔilɔ gə́ wɔji dɔ néje gə́ gə ria-ria lai ləma, gə kunda gə́ seḭ unda síjeḛ dan kəm sí’g ləm tɔ ndá kar sí raje kula noji neelé kara areeje urje ne dɔ ka̰ dee-deḛ’g ya tɔ.

2 Njé gə́ Kɔrḭtə 8:7 ပူးပေါင်းရင်းမြစ်များ

Matiyo 25:22

Yeḛ gə́ taa ŋgan larlɔr joo lé ree ula mbai ləa pana: Mbai, i am sag larlɔr joo, ma m’iŋga manee dɔ’g joo tɔ.

Njé gə́ Rɔmə 15:14

Ŋgakɔmje, ta gə́ wɔji dɔ sí-seḭ lé ma m’gər gao, meemaji taa meḛ sí yal-yal ləm, gosonégər lə sí ɔr dɔ njal ləma, seḭ asjekəm ndooje ne na̰ ya ləm tɔ.

1 Njé gə́ Kɔrḭtə 1:5

Yeḛ nja ɓa wa sə sí noji gə nébaoje gə́ ɔs dɔ maree-maree, noji gə́ wɔji dɔ tapa sí ləm, gə gosonégər ləm tɔ.

1 Njé gə́ Kɔrḭtə 12:13

Jeḛ lai gə́ to gə́ Jibje əsé Grekje, əsé ɓərje, əsé ŋgankojije kara deḛ ra sí batɛm d’ɔm sí ne na̰’d kára ba gin Ndil gə́ kára ba ləm, Ndil gə́ kára ba ya to meḛ sí’g lai ləm tɔ.

1 Njé gə́ Kɔrḭtə 12:8

Tɔgərɔ ya, Ndil ɓa ar kəmkàr rusu mee dəw kára njḭ-njḭ. Ndil nja ɓa ar dəw gə́ raŋg pata gosonégər tɔ.

1 Njé gə́ Kɔrḭtə 13:2

Ɓó lé m’to gə́ njetegginta m’ɔr ne gin néje lai gə́ to loo-kiya’g ləm, əsé m’to bao-gosonégər gə m’ɔr ne gin gosɔnégərje lai ləma, əsé ma m’to gə́ njeboo-meekun m’as kɔr ne mbal gə ŋgira kunda raŋg ləm tɔ ɓa ɓó lé meenoji godo məəm’g ndá ma m’to né gə́ əḭ el.

1 Njé gə́ Kɔrḭtə 13:8

Meenoji a kudu ndaŋg el. Ta gə́ to loo-kiya’g gə́ d’a tegginee lé rudee a kun ɗiao ləm, tapa dəwje a kwəi bém ləma, gosonégər lə dəwje a kɔs bo̰-bo̰ ləm tɔ.

1 Njé gə́ Kɔrḭtə 14:12

To gə́ seḭ narje rɔ sí gə mba kiŋga ne nénoji gə́ wɔji dɔ ndil sí lé ndá narje rɔ sí gə mba kiŋga ne yeḛ gə́ a kunda siŋga Eglisə dɔ maree’g tɔ.

1 Njé gə́ Kɔrḭtə 4:7

See na̰ ɓa ooi ɓəd wa. See to né gə́ aḭ ḭgai naŋg gə́ kiŋga el wa. Ɓó lé to né gə́ aḭ ḭgai naŋg gə́ kiŋga ndá see ban ɓa i ti ne rɔi unda ne ɗəŋgərə wa.

2 Njé gə́ Kɔrḭtə 7:7

mba teḛ ləa gə́ yeḛ teḛ dɔ sí’g ɓa goo kára ba el, nɛ ta meekulɔm gə́ yeḛ iŋga rɔ sí’g gə́ teḛ təa’g lé yee ɓa gɔl meḛ sí. Yeḛ ula sí ta mal koo kəm síjeḛ gə́ ra sí ŋgwɔd-ŋgwɔd lé ləm, gə no̰ gə́ seḭ no̰je gə mán kəm sí ləma, gə kagm gə́ seḭ tədje ləm tɔ, yen ɓa, m’isi ne dan rɔlel’g unda nje gə́ kédé.

2 Njé gə́ Kɔrḭtə 8:6

Yee ɓa jeḛ n’ra ndòo rɔ Titə’g mba karee aw rɔ sí’g mba tɔl ne kula noji gə́ yeḛ un kudee lé tɔ.

2 Njé gə́ Kɔrḭtə 9:14

Deḛ ra tamaji mbata lə sí ləm, deḛ d’unda sí dan kəm dee’g mbata boo-noji lə Ala lé gə́ taa meḛ sí pəl-pəl lé ləm tɔ.

2 Njé gə́ Kɔrḭtə 9:8

Ala askəm kar nékiŋga gə́ ria-ria taa rɔ sí pəl-pəl, mba kar sí sije gə né gə́ lal sí ləm, gə mba kar gesee gə́ nai rɔ sí’g pajag-pajag lé a kwaje ne noji gə lée-lée

Njé gə́ Epesə 4:29

Maji kar ta gə́ ərm teḛ ta sí’g kára kara el, ta gə́ maji gə́ kəm pa gə́ a rɔd mari kar mée nda ne kaḭ ɓa maji karee teḛ ta sí’g ar deḛ gə́ d’oo lé ya tɔ.

Njé gə́ Pilibə 1:11

Togə́bè ɓa, kandə meekarabasur gə́ ḭ rɔ Jeju Kristi’g a daa na̰ rɔ sí’g, yee ɓa seḭ a kulaje ne rɔnduba dɔ Ala’g ləm, ria a ɓar ne ləm tɔ.

Njé gə́ Pilibə 1:9

Aa ooje, né gə́ ma m’kwɔi Ala loo ra tamaji’g ləm ɓa to nee: Maji kar meenoji lə sí ḭ dɔ maree’g gə́ kédé-kédé gə goo négər ləm, gə goo gosonégər ləm tɔ

2 Njé gə́ Tesalonikə 1:3

Ŋgako̰ síje, jeḛ j’oo loo gə mba ra Ala oiyo ta-ta mbata lə sí, yee ɓa to lée’g ya, mbata meekun lə sí teḛ boo, ḭ ne dɔ maree’g gə́ kédé-kédé ya ləm, seḭje kára kara lai seḭ undaje na̰ dan kəm na̰’d waje ne noji gə́ kédé-kédé ləm tɔ.

2 Timote 2:1

Ŋgonəm, i kara wa rɔi kɔgərɔ gə goo noji gə́ Jeju Kristi wa səi lé.

Ǝbrəje 12:28

Gelee gə́ nee ɓa jeḛ gə́ j’iŋga ɓeeko̰ gə́ a yə el lé ar sí j’ar ta ra oiyo neelé ɔr wur sí’g el, ar sí j’ar rəw kwa Ala meḛ sí’g lé to ne gə́ taa kəmee rəgm ləm, ar sí n’ra gə meenda londoŋ gə kaar gəd ləm tɔ,

1 Piɛrə 1:22

Togə́bè ɓa, seḭ gə́ ilaje koji dɔ kankəmta’g lé rɔ sí àr ne raŋg-raŋg, bèe ndá maji kar sí undaje na̰ dan kəm na̰’d ndigije na̰ gə meekɔr jol-jol.

2 Piɛrə 3:18

Nɛ maji kar sí tɔgje dɔ noji’g lə Mbaidɔmbaije Jeju Kristi, Njekaji sí ləm, gə dɔ gər ndiaa’g ləm tɔ. Maji kula rɔnduba dəa’g ɓasinè ləm gə saar gə́ ləbee-ləbee gə no̰ ləm tɔ. Amen!

Loo gə́ killa rea kəm Ja̰’g 3:17

Mbata i ə̰ji ta məəi’g pana: I to gə́ bao ləm, i ar nébaoje taa rɔi pəl-pəl ləma, i aw ndòo né kára kara el ləm tɔ. Nɛ némeeko̰ rai ləm, kəmi to ndòo ləm, i si dan ndòo’g ləm, i to gə́ njekəmtɔ ləma, i aw gə kudi dum ləm tɔ nɛ i gər bèe el.